Dünya

“Reuters”: Tramp Madurodan Venesuelanı tərk etməyi tələb edib

2 Dekabr, 2025

Foto: AFP

ABŞ prezidenti Donald Trampın Venesuela prezidenti Nikolas Maduro ilə telefon danışığında ondan ölkəni tərk etməyi tələb etdiyi bildirilir.

Bu barədə “Reuters” agentliyi adını açıqlamadığı mənbələrə istinadən məlumat yayıb.

Mənbələr bildirib ki, noyabrın 21-də baş tutan və 15 dəqiqə davam edən telefon danışığında Tramp Maduroya ailəsi ilə birlikdə özünün seçəcəyi üçüncü ölkəyə getməyi tələb edib.

Məlumata görə, Venesuela lideri buna razılaşıb, lakin qarşılığında şərt irəli sürüb. Onun şərti bu olub ki, ölkəsinə, habelə şəxsən özünə və 100-dən çox rəsmiyə qarşı ABŞ-nin tətbiq etdiyi maliyyə sanksiyaları dayandırılsın. Tramp isə bu şərti rədd edib.

Trampın verdiyi vaxt limiti noyabrın 28-də başa çatıb. Bir gün sonra isə o, Venesuela üzərində hava məkanının qapadıldığını elan edib.

ABŞ prezidenti telefon danışığının baş tutduğunu jurnalistlərə təsdiqləyib, lakin əlavə detallar açıqlamayıb. Venesuela rəsmiləri də bu barədə danışmayıb.

Tramp administrasiyası 2013-cü ildən hakimiyyətdə olan Maduronu Venesuelanın legitim prezidenti kimi tanımır.

Maduro ötən il keçirilən səsvermədə yenidən seçildiyini iddia edib, lakin ABŞ və digər Qərb ölkələri həmin seçkini saxta adlandırıb və müstəqil müşahidəçilər seçkilərdə müxalifətin böyük üstünlüklə qalib gəldiyini bildiriblər.

Tramp uzun müddətdir Venesuelanın ABŞ-yə narkotik maddələr ixrac etdiyini iddia edir. ABŞ ordusu bu ölkədən olduğu və narkotik maddə daşıdığı deyilən qayıqlara beynəlxalq sularda zərbələr endirir və bunun nəticəsində onlarla insan həlak olur.

Trampın tənqidçiləri isə qayıqların narkotik maddə daşıdığına dair sübutların olmadığını deyirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Qırğız şirkəti Azərbaycanı yarımçıq ödənişə görə məhkəməyə verib

"Avroviziya" qalibi İsrailə etiraz olaraq mükafatı qaytarır

İranda Nobel mükafatçısı Nərgiz Məhəmmədinin saxlanıldığı bildirilir

MBH: "Bir aydan çox aclıq edən inanclı fəal huşunu itirib, digəri 'kars'a salınıb"

AXCP İmişli şöbəsinin fəalı saxlanılıb, evində axtarış aparılıb

"Meydan TV işi": Jurnalist kağız israfına görə müstəntiqə cinayət işi açılmasını istəyib

Redaktorun Tövsiyələri

Sovet simvolları ilə yürüş cəhdi cinayət məsuliyyəti yaradırmı?

“Tribunat“: Ev dustaqlığına buraxılan rusiyalı redaktorun Azərbaycanı tərk etməsi qanunsuzdur

“Rəhbər yaxşıdır, ətrafı pisdir” formulu: hakimiyyətin köhnə strategiyası yenidən işə düşür?

Ərdoğanın İmamoğlunu “dəfn etmək” cəhdi

AXCP sədrinin həbsdə olan mühafizəçisinə 7 ay geyim məhdudiyyəti qoyulması qanunidirmi?

SOCAR 12 il əvvəlkindən az vergi ödəyəcək, şirkət üçün postneft erası artıq başlayıb?

Dünya

"Avroviziya" qalibi İsrailə etiraz olaraq mükafatı qaytarır

13 Dekabr 2025

Foto: AP

Ötən il "Avroviziya" mahnı müsabiqəsinin qalibi olmuş isveçli müğənni Nemo gələn il yarışda İsrailin iştirakına etiraz olaraq mükafatını qaytaracağını deyir. Bu barədə o, "İnstagram" səhifəsində xəbər verib. Onun sözlərinə görə, İsrailin müsabiqədə iştirakı ilə müsabiqənin müdafiə etdiyini bildirdiyi "birlik, inklüzivlik və ləyaqət idealları arasında açıq bir ziddiyyət" var. Nemo bunu İsrailin Qəzza zolağında "soyqırımı" törətməsi ilə izah edib. "Avroviziya" Mahnı Müsabiqəsinin direktoru Martin Qrin bildirib ki, bu xəbərdən “kədərlənib”, lakin Nemonun mövqeyinə hörmət edir. İsrailin gələn il "Avroviziya"da iştirakına qərar verilməsi Qəzzadakı müharibə fonunda qalmaqala səbəb olub. Beş ölkə - İslandiya, İspaniya, İrlandiya, Sloveniya və Niderland İsrailin iştirakına görə gələn...

Davamını oxu

Dünya

İranda Nobel mükafatçısı Nərgiz Məhəmmədinin saxlanıldığı bildirilir

12 Dekabr 2025

Foto: açıq mənbə

2023-cü ildə Nobel Sülh Mükafatını qazanmış hüquq müdafiəçisi Nərgiz Məhəmmədinin İranda saxlanıldığı bildirilir. Bu barədə onun yaxınları məlumat yayıb. Məhəmmədinin Parisdə yaşayan həyat yoldaşı Tağı Rəhmani "X" səhifəsində bildirib ki, fəal Məşəd şəhərində keçirilən tədbirdə digər tanınmış fəal Sepide Qolyanla birlikdə saxlanılıb. Həmin tədbirdə iştirak edən Məhəmmədinin qardaşı da xəbəri təsdiqləyib. İran hüquq-mühafizə orqanları isə 53 yaşlı Məhəmmədinin saxlanılması ilə bağlı dərhal açıqlama verməyib. Bununla belə, tərəfdarları aylardır onun yenidən həbs edilmə riski altında olduğu barədə xəbərdarlıq edirdilər. Daha öncə də həbsdə olan N.Məhəmmədi 2024-cü ilin dekabrında səhhətindəki problemlərlə əlaqədar həbsdən müvəqqəti olaraq azad edilmişdi. O, İranda ölüm cəzasına və məcburi...

Davamını oxu