Dünya

Xamenei Trampa: "Ölkə idarə etməkdən başı çıxsa, öz ölkəsini idarə edər"

9 Yanvar, 2026

Foto: AP

İranın ali lideri Seyid Əli Xamenei ABŞ prezidenti Donald Trampa cavab verib.

Tramp yanvarın 8-də qonaq olduğu radio verilişində deyib ki, İran hakimiyyəti etirazçıları hədəf almağa davam edərsə, İrana zərbə endirəcək. O, həmçinin, Xameneinin ölkəni tərk etməyə hazırlaşdığını iddia edib.

Xamenei isə yanvarın 9-da çıxışında deyib ki, Tramp "öz ölkəsinin işləri ilə məşğul olsun".

"Onun ölkə idarə etməkdən başı çıxsaydı, öz ölkəsini idarə edərdi. ABŞ-də çoxlu problemlər var", - o qeyd edib.

“Tramp bilməlidir ki, Firon, Nəmrud, Rza Şah və Məhəmməd Rza kimi dünya tiranları məhz təkəbbürlərinin zirvəsində devriliblər. O da devriləcək”, - Xamenei əlavə edib.

Xamenei etirazçılara yönəlik olaraq isə deyib ki, onlar Trampı məmnun etməyə çalışırlar.

“Hər kəs bilməlidir ki, İslam Respublikası yüz minlərlə şərəfli insanın qanı ilə hakimiyyətə gəlib və fitnəkarların qarşısında geri çəkilməyəcək", - o bildirib.

Xamenei daha öncə etirazçılar haqda demişdi ki, onları "yerinə oturtmalı olacağıq".

İranda rialın devalvasiyasına etiraz olaraq başlayan nümayişlər 12 gündür ölkəboyu davam edir.

Bu günə qədər etirazlarda 8-i uşaq olmaqla 45 nəfərin öldürüldüyü, yüzlərlə etirazçının yaralandığı və 2,000-dən çoxunun həbs olunduğu bildirilir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fərid İsmayılovun azadlığı üçün Avropanın bir neçə şəhərlərində kampaniya keçirilib

Jurnalist Fərid İsmayılovun həbs olunmasından bir il keçir

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

4 erməni məhbus azad olundu: Digərlərini və “siyasi məhbus”ları nə gözləyir?

“Tramp marşrutu” ətrafında suallar: Erməni sərhədçilər görünməyəcək?

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

Redaktorun Tövsiyələri

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

İranda valyuta böhranı fonunda etirazlar: “Hakimiyyət etirazlardan dərs çıxarmasa, daha repressiv olacaq”

Trampın Qəzzada sülh planı hansı mərhələdədir: HƏMAS tərk-silah olacaqmı?

Azərbaycan regionlarında əhali azalır: Rəsmi rəqəmlərin gizlədə bilmədiyi reallıq

Dünya

Maçado Nobel Sülh Mükafatını Trampa verib

16 Yanvar 2026

Foto: Ağ Ev

Venesuelalı müxalif siyasətçi Mariya Korina Maçado ötən il qazandığı Nobel Sülh Mükafatını ABŞ prezidenti Donald Trampa verib. O, bunu yanvarın 15-də Ağ Evdə Trampla görüşdükdən sonra jurnalistlərə deyib. Tramp "Truth Social" platformasında xəbəri təsdiqləyib və Maçadoya "gözəl jestə görə" təşəkkür edib. Tez-tez müxtəlif ölkələrdə müharibələrə son qoyduğunu iddia edən və Nobel Sülh Mükafatını qazanmamağından gileylənən Tramp ötən il mükafat Maçadoya verildikdə narazılığını ifadə etmişdi. Maçado daha öncə Venesuela prezidenti Nikolas Maduronun Trampın əmri ilə amerikalı hərbçilər tərəfindən tutularaq ABŞ-yə gətirilməsini alqışlamış, bunu "insanlıq naminə böyük addım" adlandırmışdı. Maçado 2023-cü ildə Venesuelada müxalif qüvvələrin prezidentliyə namizədi seçmək üçün keçirdiyi seçkidə səslərin...

Davamını oxu

Dünya

ABŞ Qəzzada sülh planının ikinci mərhələsinin başladığını elan edib

15 Yanvar 2026

Foto: Reuters

ABŞ prezidenti Donald Trampın Yaxın Şərq üzrə xüsusi elçisi Stiv Vitkof Qəzza üçün nəzərdə tutulan sülh planının ikinci mərhələsinin başladığını elan edib. O, bu barədə yanvarın 14-də "X" səhifəsində yazıb. Vitkofun sözlərinə görə, bu mərhələdə Qəzzanın demilitarizasiyası, texnokratik idarəetməyə keçid və müharibədən çıxmış bölgənin bərpası nəzərdə tutulub. "İkinci mərhələ Qəzzada keçid dövrü üçün texnokratik Fələstin administrasiyasını — Qəzzanın İdarə Olunması üzrə Milli Komitəni (NCAG) — yaradır və Qəzzanın tam demilitarizasiyasına və bərpasına start verir; əsasən də bütün icazəsiz silahlı şəxslərin tərksilah edilməsini əhatə edir. ABŞ HƏMAS-ın öhdəliklərinə tam şəkildə əməl edəcəyini, o cümlədən sonuncu mərhum girovun dərhal qaytarılmasını gözləyir. Bu...

Davamını oxu