Məhkəmə

Apellyasiya Məhkəməsi Əli Kərimlini həbsdə saxlayıb

5 Dekabr, 2025

100

Foto: açıq mənbə

Dekabrın 5-də Bakı Apellyasiya Məhkəməsi Azərbaycan Xalq Cəbhəsi Partiyasının (AXCP) sədri Əli Kərimlinin barəsindəki həbs qətimkan tədbirindən verdiyi şikayətə baxıb.
AXCP sədrinin müavini Seymur Həzinin "Toplum TV"-yə verdiyi məlumata görə, məhkəmə partiya sədri barəsində Səbail Rayon Məhkəməsinin verdiyi həbs qətimkan tədbirini qüvvədə saxlayıb.
S.Həzinin sözlərinə görə, Ə.Kərimli məhkəmədə çıxış etməkdən imtina edib və bunu məhkəmələrin "qərarverici qüvvə" olmaması ilə əsaslandırıb.
O əlavə edib ki, partiya sədri saxlanıldığından bəri istintaqa da ifadə verməyib və ittihamları absurd hesab edir.
AXCP-dən, həmçinin, bildirilib ki, məhkəmə önünə toplaşmaq istəyən onlarla partiya fəalı polis tərəfindən saxlanılıb. Onların arasında AXCP təşkilat şöbəsinin sədri Saqif Qurbanovun, Binəqədi rayon şöbəsinin sədri Ramid Qurbanov və başqaları var.
Partiya fəalı Rəşad Əliyevə saxlanma zamanı işgəncə verildiyi bildirilib.
Dekabrın 1-də Əli Kərimli barəsində 2 ay 15 gün müddətinə həbs qətimkan tədbiri seçilib.
Ona qarşı Cinayət Məcəlləsinin 278.1-ci (hakimiyyəti zorla ələ keçirməyə, dövlətin konstitusiya quruluşunu zorla dəyişdirməyə yönələn hərəkətlər) maddəsi ilə ittiham irəli sürülüb.
Ə.Kərimli noyabrın 29-da Dövlət Təhlükəsizliyi Xidməti (DTX) tərəfindən saxlanılıb və evində 6 saatdan çox axtarış aparılıb.
Eyni gündə AXCP Ali Məclisinin katibi Məmməd İbrahim, sədrin köməkçisi Faiq Əmirli, AXCP üzvü Ruslan Əmirov və keçmiş üzv Saleh Rüstəmli də saxlanılıb. F.Əmirli, R.Əmirov və S.Rüstəmli sonradan sərbəst buraxılıb.
M.İbrahim barəsində də 2 ay yarım həbs qətimkan tədbiri seçilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fərid İsmayılovun azadlığı üçün Avropanın bir neçə şəhərlərində kampaniya keçirilib

Jurnalist Fərid İsmayılovun həbs olunmasından bir il keçir

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

4 erməni məhbus azad olundu: Digərlərini və “siyasi məhbus”ları nə gözləyir?

“Tramp marşrutu” ətrafında suallar: Erməni sərhədçilər görünməyəcək?

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

Redaktorun Tövsiyələri

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

İranda valyuta böhranı fonunda etirazlar: “Hakimiyyət etirazlardan dərs çıxarmasa, daha repressiv olacaq”

Trampın Qəzzada sülh planı hansı mərhələdədir: HƏMAS tərk-silah olacaqmı?

Azərbaycan regionlarında əhali azalır: Rəsmi rəqəmlərin gizlədə bilmədiyi reallıq

Məhkəmə

Jurnalist Fərid İsmayılovun həbs olunmasından bir il keçir

17 Yanvar 2026

Foto: sosial media

"Toplum TV” əməkdaşı, jurnalist Fərid İsmayılovun həbs olunmasından bir il keçir. "Toplum TV işi” üzrə 2024-cü il martın 6-da saxlanılan Fərid İsmayılov polis nəzarətinə verilsə də, 2025-ci il yanvarın 17-də Xətai Rayon Məhkəməsi jurnalist barəsində qərarı dəyişərək həbs qətimkan tədbiri seçib. F.İsmayılov dəfələrlə məhkəmə proseslərində heç bir cinayət törətmədiyini, peşə fəaliyyətinə görə həbs olunduğunu bildirib. Jurnalist məhkəmə çıxışlarının birində həbsini belə təsvir edib: “Yanvarın 17-də səs-küyə yuxudan ayıldım. Yatağıma maskalı şəxs tullanıb, əllərimi bağladı. Üzərimdə oturub, hərəkət etməyimə imkan vermədi. Təxminən 10 polis evi axtardı. İlk öncə elə başa düşmüşdüm ki, evə oğurluğa giriblər, polis yazısını görəndə rahatlamışdım. Yenə hüquq...

Davamını oxu

Məhkəmə

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

17 Yanvar 2026

İllustrasiya: Meydan TV

Yanvarın 16-da Bakı Ağır Cinayətlər Məhkəməsində "Meydan TV işi" üzrə məhkəmə prosesi keçirilib. "Meydan TV"-nin xəbərinə görə, hakim Aytən Əliyevanın sədrliyi ilə keçirilən prosesdə prokuror ittiham aktlarını oxumağa davam edib. Bu zaman təqsirləndirilən şəxslərdən jurnalist Nurlan Libre (Qəhrəmanlı) təcridxanada zorakılığa məruz qaldığını, bununla bağlı vəsatət vermək istədiyini deyib. Hakim isə dövlət ittihamçısının çıxışını davam etdirməli olduğunu deyib. Dövlət ittihamçısının çıxışı isə üç saat çəkib. O, bu müddət ərzində yalnız "Meydan TV"-nin baş redaktoru Aynur Elgünəş (Qənbərova) və Bakı Jurnalistika Məktəbinin direktoru Ülvi Tahirli barəsindəki ittiham aktlarını tamamlaya bilib. Hakim təqsirləndirilən jurnalistlərin zalda olan yaxınlarına xəbərdarlıq edərək onları məhkəmə zalından çıxarmaqla...

Davamını oxu