Məhkəmə

Avropa Məhkəməsi Azərbaycanda casus proqramla izlənən 59 nəfərin işi üzrə kommunikasiya başladır

13 Oktyabr, 2025

279

Foto: Dado Ruvic

Avropa İnsan Hüquqları Məhkəməsi (AİHM) Azərbaycandan olan jurnalist və ictimai fəalların “Pegasus” casus proqramı ilə bağlı şikayətləri üzrə kommunikasiya mərhələsinə başlayıb. Bu barədə vəkil Fariz Namazlı məlumat verib.

Namazlı xatırladır ki, 2021-ci ildə yayılan məlumatlara görə, bir sıra ölkələr, o cümlədən Azərbaycan, müxalif şəxslərin və jurnalistlərin telefonlarına “Pegasus” casus proqramı vasitəsilə müdaxilə edib.

Həmin şəxslər şəxsi məlumatlarının ələ keçirilməsi ilə bağlı Baş Prokurorluğa şikayət versələr də, müraciətlərinə mahiyyəti üzrə baxılmayıb.

Bunun ardınca onlar AİHM-ə müraciət ediblər. Məhkəmə Azərbaycandan daxil olan 59 nəfərin şikayətini birləşdirərək iki iş üzrə araşdıracaq.

AİHM bu işlər üzrə tərəflərə suallar göndərib və Konvensiyanın bir neçə maddəsinin pozulub-pozulmadığını araşdıracaq. Bunlara 8-ci maddə (şəxsi həyata hörmət hüququ), 13-cü maddə (səmərəli müdafiə vasitələri hüququ), 18-ci maddə (hüquqlardan sui-istifadə qadağası) daxildir. Bəzi şikayətlərdə həmçinin 10-cu maddə (ifadə azadlığı) və 6-cı maddə (ədalətli məhkəmə araşdırması hüququ) üzrə iddialar da var.

2021-ci il iyulun 18-də Jurnalistlərin Mütəşəkkil Cinayətkarlıq və Korrupsiyanı Araşdırma Layihəsinin (OCCRP) dərc etdiyi araşdırmada bildirilirdi ki, Azərbaycan hökuməti jurnalistlərə, siyasətçilərə və vətəndaş cəmiyyəti fəallarına qarşı İsrailin kiber-izləmə qurğularını istehsal edən “NSO Group” şirkətinin casus proqramından istifadə edib.
Sızdırlan şübhəli hədəflər siyahısında 200-dən çox şəxsin adı hallanırdı.

Azərbaycan hakimiyyəti indiyədək ictimai fəalların, jurnalistlərin "Pegasus" proqramı ilə izlənməsi iddialarını cavablandırmayıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Ötən ay azadlığa çıxan AXCP üzvünün yenidən saxlanıldığı bildirilir

“Amnesty International” Bəhruz Səmədovla bağlı petisiya başladıb

Avropa Məhkəməsi Rusiyaya qarşı 879 şikayət ərizəsinə baxmaqdan imtina edib

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Netanyahu: "Əsas missiyamız İranda rejim dəyişikliyidir, buna yaxınıq"

Kallas: “Aİ-də rusiyalılara viza məhdudiyyətləri təklifinə geniş dəstək var”

Redaktorun Tövsiyələri

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

Məhkəmə

Həyat yoldaşı: “Ələsgər Məmmədli təcridxanada növbəti dəfə ürək tutması keçirib”

9 Avqust 2026

sosial media

“Toplum TV”-nin həmtəsisçisi, 14 il azadlıqdan məhrum edilən Ələsgər Məmmədlinin səhhətində yenidən ciddi problemlərin yarandığı bildirilir. Bu barədə onun həyat yoldaşı Günay Məmmədli avqustun 9-da məlumat yayıb. Onun sözlərinə görə, Ələsgər Məmmədli avqustun 8-dən 9-na keçən gecə Bakı İstintaq Təcridxanasında növbəti dəfə ürək tutması keçirib və uzun müddət ağrılar içində yataqda qalıb. “Ələsgər Məmmədlinin ürək döyüntüləri dəqiqədə 120-dən yuxarı olub. O, həmçinin isti hava şəraitində qalxanabənzər vəzindəki 23×25 millimetrlik törəmənin yaratdığı boğulma halları da yaşayır”, - deyə Günay Məmmədli bildirib. Onun sözlərinə görə, həftə sonu olduğu üçün təcridxanada Məmmədliyə həkim yardımı göstərilməyib. “Yetər artıq bu işgəncə. Nəyin qisasını alırsınız?” -deyə...

Davamını oxu

Məhkəmə

Yaxınları: "Əli Kərimli məhkəməyə aparılarkən huşunu itirib"

8 Avqust 2026

sosial media

Azərbaycan Xalq Cəbhəsi Partiyasının (AXCP) həbsdə olan sədri Əli Kərimlinin məhkəmə iclaslarından birinə aparılarkən huşunu itirdiyi bildirilir. Bu barədə avqustun 7-də Belarusun "Xartiya 97" xəbər saytı siyasətçinin yaxınlarına istinadən məlumat verib. Məlumata görə, Ə.Kərimli iyun ayında Bakı Apellyasiya Məhkəməsində baş tutan prosesə aparılarkən Penitensiar Xidmətin əməkdaşlarından su istəyib. Yaxınları deyir ki, qızmar hava şəraitində su ilə təmin olunmayan siyasətçi avtomobildə huşunu itirib. "Bu cür dəhşətli istidə mənə su da vermirlər. Məni öldürürlər", - Ə.Kərimli prosesdə bildirib. Ə.Kərimlinin saxlanma şəraitinin pisləşməsi ilə bağlı məlumatlar vaxtaşırı hüquq müdafiəçiləri tərəfindən ictimailəşdirilir. Əli Kərimlinin Hüquqlarını Müdafiə Komitəsinin avqustun 1-də yaydığı məlumata görə, partiya sədri...

Davamını oxu