Siyasət

Amnistiya ilə azadlığa buraxılan şəxsin məhkəmə qərarı olmadan yenidən həbs olunduğu bildirilir

31 Mart, 2026

Foto: açıq mənbə

Ötən ilin sonunda amnistiya ilə azadlığa buraxılan şəxsin məhkəmə qərarı olmadan yenidən həbs olunduğu bildirilir.

"Abzas Media"nın martın 30-da yaydığı xəbərə görə, 26 yaşlı Natiq Ələkbərov adlı Tovuz sakini dekabrın 22-də saxlanıldığı 10 saylı Cəzaçəkmə Müəssisəsindən amnistiya ilə azadlığa buraxılıb. Lakin ailə üzvləri fevralda onun yenidən müəssisəyə aparıldığını və məhkəmə qərarı olmadan hələ də orada saxlanıldığını deyir.

Ailə üzvlərinin sözlərinə görə, fevralın 14-də Penitensiar Xidmətin əməliyyat və rejim baş idarəsinin rəisi Fikrət Qafarov həbsxanaya gələrək N.Ələkbərovla görüşüb. Onlar deyir ki, F.Qafarov saxlanılan şəxsə ailəsinin heç yerə şikayət etməməsini tapşırıb və tezliklə azadlığa buraxılacağını söz verib. Rəisin sözlərinə görə, müəssisə işçiləri N.Ələkbərovu eyni ad, soyad və ata adına malik başqa bir şəxslə səhv salıblar və problemin həll olunması üçün o, bir neçə gün səbr etməlidir.

Lakin martın 30-a olan məlumata görə, N.Ələkbərov hələ də azadlığa buraxılmayıb və barəsində hələ də heç bir yeni həbs cəzası hökmü yoxdur.

Yaxınları əlavə edir ki, yenidən həbsə görə ailəyə ciddi maddi ziyan dəyib. Belə ki, N.Ələkbərovun fevralda nişan, martda isə toy mərasimi olacaqmış. Ailə toy məclisi üçün Gəncədə bir restoranla razılaşıb, beh verib və digər hazırlıq xərclərini ödəyib. Lakin nəticədə nə nişan mərasimi, nə də toy baş tutub.

Məsələ ilə bağlı Penitensiar Xidmətin və Fikrət Qafarovun mövqeyini dərc etməyə hazırıq.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

“DTX-nin istintaq şöbəsinin rəhbəri ‘etirafedici’ ifadə müqabilində qısamüddətli həbs təklif etmişdi”

Azərbaycan iqtisadi inkişafda Gürcüstan və Ermənistanın gerisinə düşüb

İran Hörmüz boğazını açıb

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

Azər Qasımlını ittiham edən şəxs indi də həyat yoldaşını şikayət edib

İşçi hüquqları fəalının həbsxanada zorakılığa məruz qaldığı deyilir

Redaktorun Tövsiyələri

Azərbaycan Rusiyadan AZAL qəzasına məsul şəxslərin cəzalanmasını tələb etməyəcək?

İranın Hörmüz silahı öz əleyhinə çevrilir?

Azərbaycan qonşu ölkələrdən geri qalır: ÜDM azalır, artım zəifləyir

Ekoloq: “Aylıq yağıntı normasının aşılması mümkündür, bu, o demək deyil ki, şəhər iflic olmalıdır”

Orban getdi: növbə kimindir?

Yağıntıların görünməyən üzü: İşçi istismarı və azalan təhlükəsizlik xərcləri

Siyasət

“DTX-nin istintaq şöbəsinin rəhbəri ‘etirafedici’ ifadə müqabilində qısamüddətli həbs təklif etmişdi”

17 Aprel 2026

açıq mənbə

Həbsdə olan talış mədəniyyəti tədqiqatçısı İqbal Əbilov bu yaxınlarda "Baku TV"-də barəsində yayımlanmış videosüjetə cavab verib. Yaxınlarının "Toplum TV" ilə paylaşdığı müraciətdə İ.Əbilov haqqındakı iddiaları "qaralama kampaniyası" adlandırıb. "Bu mənzərə kampaniya müəlliflərinin bir həqiqəti dərk etdiklərini göstərir: ağlı başında olan heç kim onların iddialarına inanmır. Məhz buna görə də onlar növbəti dəfə bir talış alimini həbs edib saxta cinayət işi uydurmadıqlarına, guya “uğurlu əməliyyat” keçirdiklərinə hamını - hətta özlərini də - yenidən inandırmağa çalışırlar. Əgər bu “əməliyyat” məhkəmədə sübutların tam yoxluğu ilə başa çatıb və hüquqi, intellektual və mənəvi fiaskoya uğrayıbsa, o zaman bu hadisə həqiqətən də “dərsliklərə daxil edilə...

Davamını oxu

Siyasət

İşçi hüquqları fəalının həbsxanada zorakılığa məruz qaldığı deyilir

17 Aprel 2026

Sosial media

“İşçi Masası” Həmkarlar İttifaqları Konfederasiyasının üzvü Ayxan İsrafilovun saxlanıldığı 10 saylı Cəzaçəkmə Müəssisəsində fiziki zorakılığa məruz qaldığını bildirilir. Yaxınlarının “Meydan TV”-yə bildirdiyinə görə, hadisə İsrafilov müəssisə rəisinin müavini Kamran Şahsuvarovun qəbulunda olduğu zaman baş verib. “Qəbul zamanı İsrafilov hörmətsiz münasibətə etiraz etdikdən sonra vəziyyət gərginləşib və müavin ona qarşı fiziki zorakılıq göstərib”, - deyə məlumatda vurğulanır. Ayxan İsrafilov qeyd edib ki, Kamran Şahsuvarov onu boynundan tutaraq əyib və daha sonra döyməyə başlayıb. İsrafilov yaxınlarına bildirib ki, həmin an huşunu itirib və bir saat sonra özünə gəlib. O, hadisədən sonra boyun nahiyəsində izlərin qaldığını da bildirib: “Dəfələrlə müavinin qəbulunda olanda mənə...

Davamını oxu