Siyasət

Tramp Avropanı Rusiya neftini almamağa çağırıb

5 Sentyabr, 2025

Foto: Reuters

ABŞ prezidenti Donald Tramp Avropa liderlərini Rusiya neftini almamağa çağırıb.

Bu barədə "Reuters" agentliyi adını açıqlamadığı Ağ Ev rəsmisinə istinadən yazıb.

Bildirilir ki, sentyabrın 4-də Tramp Ukrayna prezidenti Volodimir Zelenski, Fransa prezidenti Emmanuel Makron, Avropa Komissiyasının prezidenti Ursula von der Leyen və başqa liderlərin olduğu görüşə telefon zəngilə qatılıb.

“Prezident Tramp Ukrayna müharibəsinin maliyyələşdirilməsinin qarşısını almaq üçün Avropanın Rusiya neftinin alışını dayandırmalı olduğunu vurğuladı. Çünki Rusiya bir il ərzində Aİ-yə yanacaq satışından 1,1 milyard avro qazanıb”, - rəsmi deyib.

Məlumata görə, Tramp Avropanın həm də Rusiyaya kömək etdiyinə görə Çinə iqtisadi təzyiq etməli olduğunu vurğulayıb.

Avropanın əksər ölkələri 2022-ci ildə Rusiya xam neftinin, 2023-cü ildə isə yanacağının idxalını dayandırıblar. Trampın Macarıstan və Slovakiya tərəfindən davam etdirilən xam neft idxalına, yoxsa Hindistan kimi üçüncü ölkələrdə emal edilən Rusiya xam neftindən hazırlanmış yanacaq idxalına istinad edib-etmədiyi aydın olmayıb.

Rusiya-Ukrayna müharibəsini dayandırmağa çalışan Tramp Rusiya ilə ticarət edən Çin və Hindistanı da yüksək tariflərlə hədələyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Azərbaycanda həbsdə olan erməni məhbusların intihara cəhd etdiyi bildirilir

"Arzu edirəm ki, nə vaxtsa özünə hörmət edən hakimlər məhkəmə idarə etsin"

Rusiya AZAL qəzasına görə sığorta ödədiyini deyir

"Aclıq vaxtı məni həşəratlarla dolu otağa saldılar"

Aİ Azərbaycanın neft emalı zavoduna sanksiya tətbiq edib

Bəhruz Səmədov yenidən aclığa başlayacağını deyir

Redaktorun Tövsiyələri

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Azərbaycanda aclıq aksiyası mübarizə metodu kimi sıradan çıxıb?

Siyasət

Aİ Azərbaycanın neft emalı zavoduna sanksiya tətbiq edib

4 Sentyabr 2025

Foto: starrafineri.com.tr

Avropa İttifaqı (Aİ) Türkiyədə yerləşən, Azərbaycana məxsus "STAR" adlı neft emalı zavoduna sanksiya tətbiq edib. Bu barədə "OC Media" sentyabrın 4-də Aİ sözçüsünə istinadən xəbər yayıb. Məlumatda bildirilir ki, sanksiya nəticəsində sözügedən zavodun emal etdiyi məhsullar Aİ ölkələrinə idxal edilə bilməz. Buna səbəb isə zavodun Rusiya xam neftini emal etməsidir. Sanksiya bu ilin iyulunda Aİ-nin Rusiyanın Ukraynanı işğalı ilə əlaqədar qəbul etdiyi 18-ci sanksiyalar paketi çərçivəsində qüvvəyə minib. Sanksiyalar paketində məhsullarına idxal qadağası qoyulan 26 qurumun adı çəkilib. Onların arasında Çin, Honq-Konq, Hindistan və Türkiyədə fəaliyyət göstərən 11 logistika şirkəti qeyd olunsa da, neft emalı zavodları ayrıca göstərilməyib. Lakin "OC...

Davamını oxu

Siyasət

Putin: Azərbaycanla münasibətlərdə problemlər var

4 Sentyabr 2025

Foto: AFP

Rusiya prezidenti Vladimir Putin ötən ilin dekabrından Azərbaycanla ölkəsi arasında gərginləşən münasibətlər haqda ilk dəfə danışıb. Çinə səfərinin yekununda rusiyalı jurnalistlərin önündə çıxış edən Putinə Azərbaycanla münasibətlər haqda sual verilib. Rusiya lideri münasibətlərdə problemlərin olduğunu etiraf edib. "Ölkələrarası münasibətlərdə hər zaman mövcud vəziyyətdən, siyasi konyunkturadan yaranan suallar olur. Problemlər var, amma bu gün prezident İlham Əliyevlə salamlaşdıq, iki-üç kəlmə danışdıq. Əsaslı münasibətlər və onları inkişaf etdirmək üçün olan qarşılıqlı maraq hər şeyi yerinə qoyacaq", - o deyib. Həmin gün 20-dən çox liderlə birgə hərbi parada baxmaq üçün Pekində olan Putinlə Əliyev ayaqüstü salamlaşıblar. Rusiya prezidentinin mətbuat katibi Dmitri Peskov isə...

Davamını oxu