Dünya

Türkmənistanda yeniyetmələrin söhbətlərinə nəzarət ediləcək

19 Fevral, 2021

2343

Turkmen News

Türkmənistanda 14 yaşlı cüdoçu Süleyman Tursunbayevin faciəvi ölümü ölkədə ciddi rezonans doğurub.

"Azadlıq radiosu"nun türkmən xidmətinin fevralın 19-da verdiyi məlumata görə, Tursunbayev yarışlarda nüfuzlu məmurun qohumu olan Daxili İşlər Nazirliyinin kursantına uduzmaqdan imtina etdiyinə və qələbə qazandığına görə naməlum şəxslər tərəfindən oğurlanıb, vəhşicəsinə döyülüb və küçəyə atılıb.

Bildirilir ki, hadisədən sonra ölkənin mühafizə orqanları yeniyetmələrin davranışlarına nəzarəti gücləndirmək qərarına gəlib.

“Milli Təhlükəsizlik Nazirliyinin əməkdaşları fevralın 17-də saat 9-dan Marı vilayətinin bütün idman məktəblərində iclas keçiriblər”, - "Azadlıq radiosu"nun müxbirinə danışan mənbə bildirib. Onun sözlərinə görə, idman məktəblərinin yetirmələri üzərində nəzarətin gücləndirilməsi, məsələn, onların öz aralarında nə danışdıqlarına diqqət ayrılması müzakirə olunub.

Hakimiyyət nümayəndələri məşqçilərdən yetirmələrindən öyrəndikləri məlumatları rəhbərliyə çatdırmalarını tələb edib. Öz növbəsində, idman məktəblərinin rəhbərləri də daxil olan informasiyanı Milli Təhlükəsizlik Nazirliyinin yerli idarələri ilə bölüşməlidirlər.

İdman məktəblərinin məşqçiləri və müəllimləri Tursunbayevin qətlinin yetirmələrinə və onların valideynlərinə pis təsir etdiyini söyləyirlər: “Şagirdlər arasında idman məşğələlərinə marağını itirənlər var. Bəziləri deyirlər ki, evdə idmanla məşğul olsalar, daha yaxşıdır. Bizə belə idman lazım deyil”.

Məlumata görə, yeniyetmə idmançının ölümü və bununla əlaqədar aparılan işlər barədə Türkmənistanda ictimaiyyətə heç bir rəsmi məlumat verilmir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Türkmənistan qadınların xarici görünüşünə və davranışlarına nəzarəti gücləndirib

Türkmənistanda qızla oğlanın yanaşı oturması qadağan edilib

Türkmən neftinin BTC ilə nəqli Azərbaycana nə qazandıracaq?

Türkmənistan prezidenti oğlunu yüksək vəzifəyə təyin etdi

"Dostluq" yatağının işlənməsi Rusiya şirkətinə həvalə edilir?

İranda Xameneini parodiya edən satirikə qarşı cinayət işi açılıb

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Dünya

İranda Xameneini parodiya edən satirikə qarşı cinayət işi açılıb

16 Oktyabr 2026

sosial media

İranın Tehran prokurorluğu “Instagram”da satirik videoları ilə tanınan Səid Şəkibaya qarşı cinayət işi açıb. Buna onun ölkənin keçmiş ali rəhbəri Əli Xameneinin səsini parodiya etdiyi videonun sosial şəbəkələrdə yayılmasının səbəb olduğu bildirilir. “Radio Farda” Şəkibanın “təhqiredici və alçaldıcı məzmun yaymaq” ittihamı ilə məsuliyyətə cəlb edildiyini, barəsində “müvafiq tədbirlər” görüldüyünü yazıb. Son günlər hakimiyyətə yaxın sosial media istifadəçiləri videonu paylaşaraq satirikin cəzalandırılmasını tələb ediblər. SEPAH-a bağlı “Fars” agentliyi isə paylaşımı “təhqiredici və alçaldıcı” adlandırıb, videoda “kobud və nalayiq” ifadələrin işləndiyini bildirib. Şəkiba əsasən məhşur şəxslərin səslərini təqlid etdiyi komediya videoları ilə tanınır. Onun “Instagram” hesabının təxminən 1 milyon izləyicisi olduğu, səhifənin...

Davamını oxu

Dünya

Araşdırma: “İsrail şirkəti onlayn reklamlar vasitəsilə kütləvi casusluq əməliyyatı aparıb”

16 Oktyabr 2026

sosial media

İsrailin “Discover-Tech” rəqəmsal reklam şirkətinin onlayn reklamlar vasitəsilə internet istifadəçilərini izlədiyi, bəzi hallarda isə onların cihazlarına casus proqram yerləşdirilməsinə şərait yaratdığı bildirilir. Bu barədə Kanadanın “Citizen Lab” araşdırma qrupu və ABŞ-nin reklam təhlükəsizliyi üzrə “Confiant” şirkətinin hesabatlarına istinadən “Reuters” yazıb. Araşdırmaya əsasən, “Discover-Tech”in mobil telefon və qulaqlıq kimi məhsulları reklam edən elanları 120 mindən çox internet saytında və 75 min tətbiqdə nümayiş etdirilib. Şirkətin gündə azı 10 milyon reklam göstərdiyi, zərərli reklamların yerləşdirildiyi saytlara daxil olan və ya tətbiqlərdən istifadə edən şəxsləri izləyə bildiyi deyilir. Bildirilir ki, bəzi hallarda şirkət smartfon istifadəçilərinin telefon nömrələrini əldə etməyə də cəhd göstərib. Tədqiqatçılar...

Davamını oxu