Dünya

Rusiya Ukraynada SOCAR-a məxsus yanacaqdoldurma məntəqəsini vurub

6 İyul, 2026

Apa

Rusiya ordusunun iyulun 5-i axşam saatlarında Ukraynada Azərbaycan Dövlət Neft Şirkətinə (SOCAR) məxsus yanacaqdoldurma məntəqəsinə zərbələr endirdiyi bildirilir.

Ukraynanın “Ekonomiçna Pravda” nəşrinin yerli hüquq-mühafizə orqanlarına istinadən məlumatına görə, Mikolayiv şəhərindən 30 kilometr uzaqlıqda, Neçayane kəndində yerləşən yanacaqdoldurma məntəqəsinə “Shahed” dronları ilə 17 dəqiqə aralıqla iki dəfə zərbə endirilib. Hadisə nəticəsində bir qadın xəsarət alıb və xəstəxanaya yerləşdirilib.

O da qeyd olunur ki, Rusiyanın Ukraynanın dərinliklərində logistika obyektlərinə, yük nəqliyyatına və yanacaqdoldurma məntəqələrinə kütləvi zərbələr endirəcəyi barədə hələ iyulun 3-də xəbərdarlıq yayılıb.

“SOCAR Energy Ukraine” şirkətindən “Azərtac”a məlumatı təsdiqləyiblər. Hadisə ilə bağlı hələ ki, Ukrayna, Rusiya və ya Azərbaycan rəsmilərinin açıqlaması yoxdur.
Ötən ilin avqustunda SOCAR-ın Odessa vilayətində yerləşən neft bazasına “Shahed” dronları ilə hücum edilmişdi. Hadisə nəticəsində dörd nəfər ağır yaralanmışdı.

Hadisədən sonra Rusiyanın Azərbaycandakı səfiri Mixail Yevdokimov Xarici İşlər Nazirliyinə çağırılıb.

XİN-in məlumatında deyilir ki, yanacaqdoldurma məntəqəsinin dron hücumuna məruz qalması ilə əlaqədar “kəskin etiraz bildirilib və Rusiya tərəfinə müvafiq nota təqdim edilib”.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

XİN: “Dəfələrlə xəbərdarlığa baxmayaraq, Rusiya SOCAR-ın obyektlərinə hücumları davam etdirir”

Şəmşad Ağa: "Bu iş əlifbasından düz aparılmır, burada məhkəmə yoxdur"

Ermənistanda müxalif siyasətçinin evində və şirkətlərində axtarış aparılır

Məmməd Alpay: "Ailəm ilə açıq görüşlərə icazə verilmir, qəzetlər çatdırılmır"

Von der Leyen Bakıda insan haqlarına toxunmadı

Britaniyalı deputatlar "Maşa və Ayı" cizgi filminin yayımdan çıxarılmasını istəyirər

Redaktorun Tövsiyələri

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Nazir universitetlərdə təhsil haqlarının artırılmasını istəyir?

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Dünya

Britaniyalı deputatlar "Maşa və Ayı" cizgi filminin yayımdan çıxarılmasını istəyirər

3 İyul 2026

"Maşa və Ayı" - "YouTube"

50-dən çox britaniyalı deputat Böyük Britaniyanın Mədəniyyət naziri Liza Nandiyə "Maşa və Ayı" cizgi filminin yayım platformalarından çıxarılması tələbi ilə açıq məktub ünvanlayıb. "The Guardian"ın yazdığına görə, məktubun göndərilməsinə səbəb "Netflix"in "Maşa və Ayı"nın iki yeni mövsümünün yayım hüquqlarını alması və cizgi filminin Böyük Britaniyanın "ITVX" platforması da daxil olmaqla 100-dən çox ölkədə yayımlanması olub. Liberal Demokrat Partiyasının deputatı Tom Qordonun təşəbbüsü ilə hazırlanan məktubda iddia olunur ki, dörd yaşlı “Maşa”nın bəzi obraz və hərəkətləri təbliğat xarakteri daşıyır. Deputatlar xüsusilə iki epizoda diqqət çəkiblər. Onlardan birində “Maşa” tankçı dəbilqəsi, digərində isə SSRİ Xalq Daxili İşlər Komissarlığının (NKVD) papağını xatırladan baş...

Davamını oxu

Dünya

İsrail-Türkiyə gərginliyində yeni mərhələ: “Soyqırımı" qərarı nəyi dəyişəcək?

2 İyul 2026

al-monitor.com

İsrail Xarici İşlər Nazirliyinin (XİN) iyunun 28-də 1915-1917-ci illərdə Osmanlı imperiyası ərazisində ermənilərə qarşı törədilmiş kütləvi qətliamları "soyqırımı" kimi tanıdığı bildirdi. İsrailin xarici işlər naziri Gideon Saarın bununla bağlı təklifi hökumət üzvləri tərəfindən yekdilliklə qəbul olundu. Qərarın Osmanlı dövlətinin varisi hesab edilən Türkiyənin prezidenti Rəcəb Tayyib Ərdoğanın İsrailə qarşı sərt tənqidlərinə cavab olduğu bildirilir. İsrail XİN iyunun 27-də "X" platformasında paylaşdığı açıqlamada Ərdoğanı "siyasi rəqiblərini təqib edən, jurnalistləri həbs etdirən, kürdlərə qarşı qətliam törədən, Kipr ərazisini işğal edən və cihadçı qrupları dəstəkləyən diktator" adlandırıb. 2023-cü ilin oktyabrında İsrailin Qəzzada hərbi əməliyyatlara başlamasından sonra Türkiyə İsraili fələstinlilərə qarşı soyqırımı törətməkdə ittiham edir....

Davamını oxu