Məhkəmə

700 min manatlıq mənimsəmədə ittiham olunan idarə rəisi 2 min manat cərimələnib

7 İyul, 2026

e-huquq.az

İyulun 6-da Bakı Ağır Cinayətlər Məhkəməsində Auditorlar Palatasının sabiq vəzifəli şəxslərinin ittiham olunduğu iş üzrə yekun məhkəmə prosesi keçirilib.

APA-nın xəbərinə görə, hakim Elnur Nuriyevin sədrliyi ilə keçən prosesdə təqsirləndirilən şəxslərə hökm oxunub.

Hökmə əsasən, Auditorlar Palatasının Maliyyə təminatı və xarici əlaqələr idarəsinin rəisi olmuş Vəli Rəhimov 2 min manat cərimə olunub.

Həmin idarənin maliyyəçi-mühasibi olmuş Gövhər Əhmədova 5 il müddətinə azadlıqdan məhrum edilib və məhkəmə zalında həbs olunub.

Palatanın Maliyyə və təşkilati-texniki təminat idarəsinin mühasibi Fəridə Novruzovaya isə 3 il həbs cəzası verilib. Lakin onun hamilə olduğu nəzərə alınıb və doğulacaq övladı 14 yaşına çatanadək barəsindəki hökmün icrası təxirə salınıb.

Onlar Cinayət Məcəlləsinin 179.4-cü (Mənimsəmə və ya israf etmə) və 308.2-ci (Vəzifə səlahiyyətlərindən sui-istifadə) maddələri ilə təqsirli biliniblər. Təqsirləndirilən şəxslərə qarşı 313-cü (Vəzifə saxtakarlığı) maddə ilə də ittiham irəli sürülsə də, həmin maddə üzrə cinayət məsuliyyətinə cəlbetmə müddəti keçdiyi üçün ittihama xitam verilib.

Əvvəlki prosesdə dövlət ittihamçısı təqsirləndirilən hər üç şəxsin 10 il müddətinə azadlıqdan məhrum edilmələrini istəmişdi.

Cinayət işində iddia olunur ki, təqsirləndirilən şəxslər 2018-ci ildən etibarən öz qohumları adına onların xəbəri olmadan maaş kartları açaraq ümumilikdə 717 min 311 manat pulu mənimsəyiblər.

Məhkəmə istintaqı zamanı G.Əhmədova və F.Novruzova özlərini təqsirli biliblər və əməllərini maddi vəziyyətlərinin pis olması ilə əsaslandırıblar. V.Rəhimov isə mənimsəmədən xəbəri olmadığını iddia edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İran XİN: “Azərbaycan xalqının hicab məsələsində məsləhətə ehtiyacı yoxdur”

Vəkil: “Həbsdə saxlanılan bir sıra şəxsin təcili tibbi yardıma ehtiyacı var”

Azərbaycan Türkiyənin 31 vətəndaşını “arzuolunmaz şəxslər” siyahısına daxil edib

Aİ səfiri: “Azərbaycan Avropa İttifaqının mühüm enerji təchizatçılarından biridir”

MBH-nin həbsdə olan üzvünün həyat yoldaşı hicabla bağlı paylaşımlarına polis xəbərdarlığı aldığını deyir

Dövlət Departamenti: “Trampın ikinci prezidentlik dövründə 300 mindən çox ABŞ vizası ləğv edilib”

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Məhkəmə

5 milyonluq qaçaqmalçılıqda ittiham olunan digər vəzifəlilər də ev dustaqlığına buraxılıb

5 Oktyabr 2026

e-huquq.az

5 milyon manat dəyərində siqaret qaçaqmalçılığında ittiham olunan bir sıra vəzifəli şəxslər həbsdən ev dustaqlığına buraxılıb. APA-nın xəbərinə görə, oktyabrın 2-də Bakı Ağır Cinayətlər Məhkəməsində hakim Kamil Əliyevin sədrliyi ilə baş tutan prosesdə bu barədə təqsirləndirilən şəxslərin vəsatətləri təmin olunub. Onlar Bakı Hövsan Beynəlxalq Ticarət Dəniz Limanının direktoru Rəşad Daşdəmirov, liman xidmətinin rəisi Zaur Haşımov, limanın briqadiri Fərrux Haqverdiyev, Dövlət Gömrük Komitəsinin Bakı Hövsan Ticarət Dəniz Limanı Gömrük postunun rəisi Fərid Usubov, həmin gömrük postunun inspektoru Heydər Eyvazlı və digərləridir. Məhkəmənin növbəti iclası oktyabrın 23-nə təyin edilib. Sözügedən şəxslər ötən ilin dekabrında həbs olunublar. Onlar Birləşmiş Ərəb Əmirlikləri və İrandan...

Davamını oxu

Məhkəmə

Fərid İsmayılov: “Ədaləti meyvə-tərəvəz kimi satan mantiyalı kölələr mənim üçün məhkəmə görüntüsü yarada bilməzlər”

3 Oktyabr 2026

VOA

“Toplum TV işi” üzrə həbsdə olan jurnalist Fərid İsmayılov Məhkəmə-Hüquq Şurasına açıq müraciət edib. O bildirir ki, Umbakı Penitensiar Kompleksi məhkəmə və hakimlər barədə işlətdiyi ifadələri təhqir sayaraq əvvəlki şikayətini Şuraya göndərməkdən imtina edib. Jurnalistin açıqlamasını və açıq müraciətini təqdim edirik. "Umbakı Penitensiar Müəssisəsi Məhkəmə-Hüquq Şurasına ünvanladığım şikayəti göndərməkdən imtina edib. Buna səbəb kimi Bakı Apellyasiya Məhkəməsinə “kolxoz”, hakimlərinə isə “bazarkom” yazmağım göstərildi. Mənə bu sözlərin təhqir olduğunu deyən rəsmilərə bu sözlərin “təsvir” olduğunu desəm də, qəbul etmədilər. Ona görə də MHŞ-yə açıq müraciət etmək məcburiyyətindəyəm: “Diqqətinizə çatdırıram ki, apellyasiya şikayətimin məqsədi Avropa İnsan Haqları Məhkəməsi üçün formal prosedurdur. Yerli məhkəmələrdən...

Davamını oxu