Məhkəmə

Əhməd Məmmədli: “Mənim üçün ölüm hökmü daha şərəfli olar”

15 May, 2026

595

Sosial media

Mayın 14-də Bakı Apellyasiya Məhkəməsində həbsdə olan ictimai fəal və jurnalist Əhməd Məmmədlinin barəsindəki hökmdən verdiyi şikayət üzrə proses keçirilib.

Ə.Məmmədlinin Hüquqlarını Müdafiə Komitəsindən “Toplum TV”-yə verilən məlumata görə, fəal məhkəmədən ona bəraət verilməsi, bu olmazsa, səhhəti ilə əlaqədar ev dustaqlığına buraxılması barədə vəsatət verib.

“Bu da olmazsa, xahiş edirəm mənə ölüm hökmü kəsin. Bilirəm, bizdə ölüm hökmü yoxdur, amma bu, mənim üçün daha şərəfli olar, nəinki 6 il işgəncə altında həbs cəzası çəkmək”, - o bildirib.

Ə.Məmmədli çıxışında ona qarşı olan ittiham barədə sübutların olmadığını əlavə edib.

“Əvvəlki məhkəmə instansiyaları ittiham aktını araşdırmayıb. Nə bıçaq bilinir hardadır, nə də ortada hansısa qan izləri var. Mən necə bıçaqla xəsarət yetirmişəm ki, ortada qan izi yoxdur”, - o sual edib.

Daha sonra vəkil Elçin Sadıqov çıxış edərək ittiham aktındakı digər ziddiyətli məqamları məhkəmənin diqqətinə çatdırıb. O bildirib ki, Ə.Məmmədlinin cinayət əməli törətdiyi iddia olunan taksidəki digər iki sərnişin eyni kənddən olan, bir-birini öncədən tanıyan şəxslər olub və bu, təsadüf ola bilməz.

Hakim Əli Məmmədovun sədrlik etdiyi məhkəmə heyəti müşavirədən sonra hökmün qüvvədə saxlanıldığını elan edib.

Martın 16-da Bakı Ağır Cinayətlər Məhkəməsində Ə.Məmmədliyə 6 il həbs cəzası verilib.

Əhməd Məmmədli ötən il mayın 6-da saxlanılıb və mayın 8-də barəsində həbs qətimkan tədbiri seçilib.

O, Cinayət Məcəlləsinin sağlamlığa qəsdən ağır zərər vurma və xuliqanlıq maddələri ilə ittiham olunur.

İttiham aktında iddia olunur ki, o, sərnişin kimi mindiyi avtomobildəki digər sərnişinə mübahisə zəminində bıçaqla xəsarət yetirib.

Özü ittihamı rədd edir və keçmiş siyasi-ictimai və hazırki jurnalist fəaliyyətinə görə cəzalandırıldığını deyir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İrana bağlı olduğu bildirilən haker qrupu Azərbaycanın dövlət saytlarına kiberhücuma görə məsuliyyəti üzərinə götürüb

“Hürriyyət”in həbsdə olan baş redaktorunun vəkili: ‘Ürəyindən təcili əməliyyat olunmalıdır’

Məktəblərdə hicab qadağasına etiraz edən AXCP üzvü və qızına cinayət işi açıldığı deyilir

İlham Əliyev: “Bizi müharibəyə Ermənistan məcbur edib”

Avropa Məhkəməsi Yasamalda mənzilləri sökülmüş sakinlər üçün 135 min avro təzminat kəsib

Zelenski Rusiyanın neft emalı zavodlarına zərbələrin bərpa edildiyini bildirib

Redaktorun Tövsiyələri

Ramil Babayev sivil itaətsizliyə başlayıb

“Toplum TV işi”: Hakimin davranışına etiraz edənlər zaldan çıxarılıblar

Ələsgər Məmmədli Ombudsmana: “Apellyasiya Məhkəməsində silsilə hüquq pozuntularına yol verilir”

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Məhkəmə

5 milyonluq qaçaqmalçılıqda ittiham olunan digər vəzifəlilər də ev dustaqlığına buraxılıb

5 Oktyabr 2026

e-huquq.az

5 milyon manat dəyərində siqaret qaçaqmalçılığında ittiham olunan bir sıra vəzifəli şəxslər həbsdən ev dustaqlığına buraxılıb. APA-nın xəbərinə görə, oktyabrın 2-də Bakı Ağır Cinayətlər Məhkəməsində hakim Kamil Əliyevin sədrliyi ilə baş tutan prosesdə bu barədə təqsirləndirilən şəxslərin vəsatətləri təmin olunub. Onlar Bakı Hövsan Beynəlxalq Ticarət Dəniz Limanının direktoru Rəşad Daşdəmirov, liman xidmətinin rəisi Zaur Haşımov, limanın briqadiri Fərrux Haqverdiyev, Dövlət Gömrük Komitəsinin Bakı Hövsan Ticarət Dəniz Limanı Gömrük postunun rəisi Fərid Usubov, həmin gömrük postunun inspektoru Heydər Eyvazlı və digərləridir. Məhkəmənin növbəti iclası oktyabrın 23-nə təyin edilib. Sözügedən şəxslər ötən ilin dekabrında həbs olunublar. Onlar Birləşmiş Ərəb Əmirlikləri və İrandan...

Davamını oxu

Məhkəmə

Fərid İsmayılov: “Ədaləti meyvə-tərəvəz kimi satan mantiyalı kölələr mənim üçün məhkəmə görüntüsü yarada bilməzlər”

3 Oktyabr 2026

VOA

“Toplum TV işi” üzrə həbsdə olan jurnalist Fərid İsmayılov Məhkəmə-Hüquq Şurasına açıq müraciət edib. O bildirir ki, Umbakı Penitensiar Kompleksi məhkəmə və hakimlər barədə işlətdiyi ifadələri təhqir sayaraq əvvəlki şikayətini Şuraya göndərməkdən imtina edib. Jurnalistin açıqlamasını və açıq müraciətini təqdim edirik. "Umbakı Penitensiar Müəssisəsi Məhkəmə-Hüquq Şurasına ünvanladığım şikayəti göndərməkdən imtina edib. Buna səbəb kimi Bakı Apellyasiya Məhkəməsinə “kolxoz”, hakimlərinə isə “bazarkom” yazmağım göstərildi. Mənə bu sözlərin təhqir olduğunu deyən rəsmilərə bu sözlərin “təsvir” olduğunu desəm də, qəbul etmədilər. Ona görə də MHŞ-yə açıq müraciət etmək məcburiyyətindəyəm: “Diqqətinizə çatdırıram ki, apellyasiya şikayətimin məqsədi Avropa İnsan Haqları Məhkəməsi üçün formal prosedurdur. Yerli məhkəmələrdən...

Davamını oxu