Region

Rusiyanın nüvə doktrinası dəyişir: adi silahlarla hücuma da nüvə silahıyla cavab veriləcək

26 Sentyabr, 2024

306

cnn.com

Rusiya Prezidenti Vladimir Putin Təhlükəsizlik Şurasının sentyabrın 25-də keçirilən iclasında ölkənin nüvə silahından istifadə doktrinasına dəyişikliklər təklif edib.

Putin hesab edir ki, Moskvanın nüvə silahından istifadəsinə haqq qazandıracaq hərbi təhdidlərin siyahısı genişləndirilməlidir.

Doktrinanın yeni versiyasına görə, Rusiya ona qarşı adi silahlarla kütləvi hücuma cavab olaraq nüvə silahından da istifadə edəcək.

Putin adi silahlardan danışarkən strateji və taktiki aviasiyanı, qanadlı raketləri, dronları, sürəti səsin sürətindən çox olan raketləri və digərlərini qeyd edib.

O deyib ki, Rusiyaya hərbi hava-kosmik vasitələrlə hücumun başlanmasına dair etibarlı informasiya da nüvə cavabı ilə nəticələnəcək.

Yeni doktrinaya görə, “ölkənin suverenliyinə qarşı kritik hədə yarandığı bütün hallarda” Rusiya nüvə zərbəsindən istifadə haqqına malik olacaq.

Putin onu da deyib ki, Belarus da belə təhlükə ilə üzləşərsə, Rusiya nüvə silahından istifadə edə bilər.

Rusiya prezidenti təklif edib ki, Rusiyaya qarşı istənilən qeyri-nüvə ölkəsinin hərbi hərəkətləri nüvə ölkəsi tərəfindən dəstəklənərsə, bu onların Rusiyaya qarşı birgə hücumu kimi qiymətləndirilməlidir.

Putinin sözlərinə görə, nüvə doktrinasının tətbiq oluncağı dövlətlərin və hərbi ittifaqların siyahısı genişləndirilməlidir. O, siyahıya hansı ölkələrin əlavə ediləcəyini deməyib.

Ukrayna prezidenti administrasiyasının rəhbəri Andrey Yermak Putinin çıxışına cavab olaraq deyib ki, "Nüvə şantajından başqa Rusiyanın dünyanı qorxutmaq üçün heç nəyi, heç bir aləti yoxdur. Bu alətlərsə işləməyəcək”.

Bu il iyulun 7-də Peterburq iqtisadi forumunda çıxış edən Putin ölkənin nüvə doktrinasına dəyişiklik olunacağını istisna etmədiyini demişdi.

Amma o əlavə etmişdi ki, hazırda nüvə silahından istifadə barədə heç düşünməyə belə ehtiyac yoxdur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

"Toplum TV işi": "Önümüzə cəfəngiyyatla dolu qalaq-qalaq kağız qoyublar"

İmamoğlunun tərəfdarları ölkə boyu "iqtisadi boykot" elan ediblər

Almaniya prezidenti: “Barışığın elə bir resepti yoxdur ki, hər yerdə tətbiq olunsun”

"Toplum TV işi” üzrə məhkəmə başlayıb

Rusiya son illərin ən böyük hərbi çağırışını reallaşdırır

“Abzas Media işi”: “Müstəntiqlər əl çəksin deyə, uydurma ifadə verdim”

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Region

Aİ Ermənistandakı Mülki Missiyanın müddətinin uzadılmasını müzakirə edir

10 Yanvar 2025

Eeas.europe.eu

Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi qurumun Ermənistandakı mülki missiyasının müddətinin daha iki il uzadılmasını təklif edib. Bu barədə Azadlıq Radiosuna qurumun mətbuat xidmətindən bildirilib. Məlumatda deyilir ki, Avropa İttifaqına üzv dövlətlər təklifi müsbət qarşılayıb və Avropa İttifaqı Şurası lazımi hüquqi aktları müzakirə edir. Şuranın bununla bağlı qərarı yaxın günlərdə verəcəyi gözlənilir. Rəsmi Bakı Aİ-nin Ermənistandakı mülki missiyasını casusluqda və regional sabitliyə zərbə vurmaqda ittiham edir. Aİ-nin Xarici İşlər və Təhlükəsizlik Siyasəti üzrə Ali Nümayəndəsinin Ofisi bu ittihamlara da münasibət bildirib: “Avropa İttifaqının Ermənistandakı Missiyasının mandatı çox aydındır: Ermənistan-Azərbaycan sərhədinin Ermənistan tərəfində ərazidə müşahidə aparmaq,...

Davamını oxu

Region

Gürcüstan müxalifəti prezidentlə birlikdə iqamətgahda qalmağa hazır olduğunu bildirir

26 Dekabr 2024

France24.com

Gürcüstan müxalifəti dekabrın 29-dan sonra Zurabişviliyə prezident iqamətgahını tərk etməməyi təklif edir (https://t.me/NGnewsgeorgia/21706). Müxalifətin bir hissəsi Gürcüstan prezidentinin iqamətgahına gedib Salome Zurabişvili ilə birlikdə orada qalmağa hazırdır. “Güclü Gürcüstan” koalisiyasının liderlərindən biri Anna Dolidze prezidentin ölkə müxalifətilə görüşündən sonra jurnalistlərə belə deyib. “Mən müstəqillik uğrunda mübarizədə Gürcüstan prezidentinə tam dəstəyimi təklif etdim. Biz dekabrın 29-dan sonra sarayda (prezident iqamətgahı – red.) qalmağa və oranı Gürcüstanın qanuni prezidentinin olduğu yeganə yer elan etməyə hazırıq. Bu bizim təkliflərimizdən biridir. Ədalətli, qanuni və qeyri-zorakı dəstək formalarından biri”, deyə Dolidze əlavə edib. “Dəyişikliklər üçün koalisiya”nın lideri Nika Qvaramia bu təklifi dəstəklədiklərini bildirib. Salome Zurabişvili...

Davamını oxu