Məhkəmə

Ələsgər Məmmədli həbsdə qaldı  

29 mart, 2024
4648

Martın 29-da Xətai rayon Məhkəməsində Toplum TV-nin təsisçisi, həbsdə olan Ələsgər Məmmədlinin vəsatətinə baxılıb və təmin olunmayıb.  

20 gündən çoxdur qaçalmalçılıq ittihamıyla barəsində həbs-qətimkan tədbiri seçilmiş Ələsgər Məmmədli səhhətiylə bağlı qətimkan tədbirinin dəyişdirilməsi üçün məhkəməyə müraciət edib. Vəkil Aqil Layıcın deməsinə görə, bütün müvafiq sənədlər məhkəməyə təqdim edilməsinə baxmayaraq, hakim Ələsgər Məmmədli barəsindəki həbs-qətimkan tədbirini ev dustaqlığıyla əvəz etməyib. 

Ələsgər Məmmədlinin qardaşı Nəsimi Məmmədli öz Facebook hesabında bu barədə yazıb: “Ələsgər bəy məhkəmə çıxışında bildirib ki, onu heç bir sübut, dəlil, əsas olmadan həbs ediblər. Ona aydın deyil ki, təqsirsiz olmağına baxmayaraq nəyə görə hələ də həbsdədir. Təqsirsiz olmağı ilə yanaşı səhətindəki problemin ciddiliyini də hakimin diqqətinə çatdırıb. Ələsgər bəy qalxanabənzər vəzidə aşkar olunan şişin böyüdüyünü və boğulma yaratdığını bildirib. Təcridxanada iynə biopsiyasının edilməsinə şərait yoxdur. Əlavə diaqnoz və müalicə üçün özəl klinikalara müraciət olunmalıdır. Hətta məhkəmə iclasında qan təzyiqinin kəskin yüksəlməsinə görə yerindəcə təzyiqi ölçülüb və əlavə dərman verilib. Ələsgər bəyin ev dustaqlığına buraxılması ilə bağlı verilən vəsatət onun müalicəsinə başlanması üçün vacib idi. Humanitar məsələ olmasına baxmayaraq təəssüf ki ona bu elementar imkan yaradılmadı. Həbsdə saxlanmasına qərar verildi. Məhkəmə orqanında ədalət prinsipi, hakimlərdə isə mərhəmət hissi qalmayıb. Ələsgər bəy kimi dəyərli bir ziyalını heç bir təqsiri olmadan həbsdə saxlamaq onun həyatına sui-qəsdə bərabərdir”. 
Vəkil Aqil Layıcsa bildirib ki, məhkəmədən sonra Ələsgər Məmmədlinin müalicə müəssisəsinə köçürülməsi, müayinə və müalicəsinin aparılması üçün Ədliyyə Nazirliyinə və Penitensiar Xidmətə elektron müraciət edib. 

Ələsgər Məmmədli ilə eyni gündə Toplum TV-nin sosial media məsləhətçisi – Demokratik Təşəbbüslər İnstitutu qeyri hökumət təşkilatının üzvü Ruslan İzzətli də həbs olunub. O da Cinayət Məcəlləsinin 206.3.2-ci (qaçaqmalçılıq) maddəsi ilə ittiham olunur. 

Ondan 3 gün əvvəl – martın 6-da polis Toplum TV-nin yerləşdiyi ofisi basıb, əməkdaşları Bakı Şəhər Baş Polis İdarəsinə aparıb. Toplum TV-yə məxsus texniki avadanlıqlar müsadirə olunub,. Müşfiq Cabbar, Əli Zeynalov, İlkin Əhmədov və Ramil Babayev, III Respublika Platformasının spikeri Akif Qurbanov qaçaqmalçılıq ittihamıyla həbs edilib. Hər biri barəsində 4 ay müddətinə həbs qətimkan tədbiri seçib. İki əməkdaş - Fərid İsmayılov və Elmir Abbasovu polis məhkəməyə təqdim etməyib və barələrində 4 ay müddətinə polis nəzarəti altına vermə qətimkan tədbiri seçib. Toplum TV-nin Youtube  və instagram səhifələri ələ keçirilərək videomateriallar, verilişlər silinib. 

Toplum TV öz fəaliyyətində hər hansı qanunsuzluğa yol vermədiyini bəyan edib, hakimiyyətin bu addımını mediaya qarşı repressiya dalğasının bir hissəsi adlandırıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Məhkəmə

AİHM “Qış parkı” söküntülərinə görə Azərbaycanın 751 min avro təzminat ödəməsinə qərar verib

9 noyabr 2026

Foto: Toplum TV

Bakıda “Qış parkı”nın salınması zamanı sökülən evlərlə bağlı daha bir qrup vətəndaşın şikayəti üzrə Avropa İnsan Hüquqları Məhkəməsi (AİHM) kompensasiya məbləğini müəyyənləşdirib. “Azadlıq Radiosu” yazır ki, noyabrın 3-də açıqlanan qərara əsasən, Azərbaycan hökuməti mülkiyyət hüquqları pozulmuş 13 ərizəçiyə ümumilikdə 751 min 250 avro təzminat ödəməlidir. Kompensasiya alacaq şəxslər arasında Ağ Partiya sədri Tural Abbaslının anası Başxanım Abbasova da var. Məhkəmənin qərarına əsasən, ona dəymiş maddi ziyana görə 104 min 500 avro, mənəvi ziyana görə isə 3 min avro ödənilməlidir. AİHM bu iş üzrə ilk qərarını 2025-ci ilin fevralında çıxarıb. Həmin qərarda 13 ərizəçinin mülkiyyət hüququnun pozulduğu müəyyən edilib. Məhkəmə qeyd...
Məhkəmə

“Toplum TV işi”ndə jurnalist hakimə: ‘Bunu məhkəmə hesab etmirəm, məni zaldan çıxarın’

2 noyabr 2026

Toplum TV

Noyabrın 2-də Bakı Apellyasiya Məhkəməsində “Toplum TV işi” üzrə növbəti məhkəmə iclası keçirilib. Proses başlamazdan əvvəl “Toplum TV” jurnalisti Fərid İsmayılov saxlanıldığı təcridxanada məhbuslara münasibətlə bağlı danışıb. “Umbakı Penitensiar Müəssisəsində insanlıq əleyhinə cinayətlər baş verir. Təcridxananın rəisi Rəşad Yusifov sentyabrın 27-də öz iş otağında ictimai fəal Nicad İbrahimi Pərviz adlı rejim rəisinə döydürüb. Məhbusun vəziyyətini işçilər və məhbuslar görüb. Kameraları açıb baxsınlar. Qan içində qalan məhbusu yerdə sürüyərək qanı təmizlətdiriblər. Pərviz adlı rejim rəisi tərəfindən döyülüb. Onu o qədər döyüblər ki, yer bütün qan olub. Sonra N.İbrahimə deyiblər qanı silsin. O da bundan imtina edəndə özünü yerdə sürüyüb, qanı elə siliblər”,...

Seçilmiş Videolar

Toplum TV loqo