Siyasət

ABŞ təyyarə motoru hissələrinin Azərbaycana satışını qadağan etməyə hazırlaşır

11 Mart, 2025

1325

Toplum TV

ABŞ Konqresinin Azərbaycana təyyarə motoru hissələrinin satışını qadağan edəcək qanun layihəsini oxunuşa çıxaracağı bildirilir.

Bu barədə Vaşinqtonda yaşayan azərbaycanlı jurnalist Ələkbər Raufoğlu "X" səhifəsində adını çəkmədiyi mənbələrə əsasən məlumat verib.

Jurnalist bildirib ki, “Azərbaycan Təyyarə Mühərrikinin İxracına Məhdudiyyətlər Aktı” adlanacaq qanun layihəsi həm Respublikaçı, həm Demokrat olan qanunvericilər tərəfindən hazırlanıb. Akt Azərbaycan hakimiyyətindən iqtisadçı Qubad İbadoğlunun azad edilməsini tələb edir.

Qanun qəbul ediləcəyi təqdirdə ABŞ Dövlət katibi Marko Rubio Konqresin aiddiyatı komitələrinə İbadoğlunun saxlanılma statusu və onun azad edilməsi üçün ABŞ-ın diplomatik səyləri barədə hesabat təqdim etməlidir. Hesabat, həmçinin, Azərbaycanın üçüncü tərəflərin köməyi ilə qadağadan yan keçmək cəhdlərini əks etdirməlidir.

Ə. Raufoğlu əlavə edib ki, Azərbaycana GE90-110B1L və ya GE90-115B mühərrik hissələrinin ixracına yardım edəcək “xarici şirkət, maliyyə institutu və ya hökumət” sanksiyalara məruz qalacaq.

O cümlədən, qanunun pozuntusunda iştirak edəcək tərəfin ABŞ-dakı maliyyə əməliyyatları bloklanacaq və imtiyazları ləğv olunacaq.

2023-cü ilin iyulunda həbs olunan Qubad İbadoğlunun həbsi beynəlxalq çağırışlardan sonra ötən ilin aprelin 22-də ev dustaqlığı tədbiri ilə əvəz edilib.

20224-cü il, mayın 21-də isə onun ev dustaqlığı polis nəzarətinə verilmə qərarı ilə əvəz olunub və iyulun 29-da onun ittiham olunduğu cinayət işi ilə bağlı istintaq qeyri-müəyyən müddətə dayandırılıb. Hazırda onun ölkədən çıxışına qadağa var.

Marko Rubio senator kimi Qubad İbadoğlunun azad olunmasına çağırıb. O, sonuncu dəfə ötən ilin martında X səhifəsində İbadoğlunun “yeganə cinayətinin daha firavan və demokratik bir millət üçün çalışmaq” olduğunu yazmışdı.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Vardanyan məhkəmədən Paşinyanın dindirilməsini istəyib

Paşinyan Trampın Ermənistanı Albaniya ilə səhv salmasından narahat deyil

Arxasında Rusiyanın olduğu deyilən partlayışlara görə 15 nəfərə iş açılıb

Taliban "əxlaqsızlığın qarşısını almaq üçün" internetə qadağa qoyub

Şəmşad Ağa müalicə müəssisəsinə yerləşdirilib

Həyat yoldaşı Navalnının zəhərlə öldürüldüyünü deyir

Redaktorun Tövsiyələri

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Siyasət

Vardanyan məhkəmədən Paşinyanın dindirilməsini istəyib

18 Sentyabr 2025

Foto: Azərtac

Azərbaycanda həbsdə olan erməni iş adamı və Qarabağdakı sabiq separatçı rejimin dövlət naziri olmuş Ruben Vardanyan məhkəmədən Ermənistan baş naziri Nikol Paşinyanın dindirilməsini istəyib. "Azərtac"ın xəbərinə görə, sentyabrın 16-da Bakı Hərbi Məhkəməsində hakim Zeynal Ağayevin sədrliyi ilə keçirilən prosesdə Vardanyan bu vəsatətlə çıxış edib. İş adamı, həmçinin, Avropada Təhlükəsizlik və Əməkdaşlıq Təşkilatının (ATƏT) Minsk Qrupunun üzvlərinin və Beynəlxalq Qırmızı Xaç Komitəsinin (BQXK) Azərbaycandakı nümayəndələrinin dindirilməsini də istəyib. Minsk Qrupu sentyabrın 1-də ATƏT üzv dövlətlərinin səsverməsi ilə buraxılıb. BQXK-nın Azərbaycandakı nümayəndəliyi isə sentyabrın 3-də ölkədə fəaliyyətini dayandırıb. Baş prokurorun böyük köməkçisi Vüsal Əliyev və Baş Prokurorluğun Dövlət ittihamının müdafiəsi üzrə idarəsinin...

Davamını oxu

Siyasət

Paşinyan Trampın Ermənistanı Albaniya ilə səhv salmasından narahat deyil

18 Sentyabr 2025

Foto: primeminister.am

Ermənistan baş naziri Nikol Paşinyan ABŞ prezidenti Donald Trampın Ermənistanla Albaniyanı səhv salmasından narahat olmadığını deyib. O, mətbuat brifinqində jurnalistlərdən birinin bu barədə sualına cavab olaraq bunu bildirib. "Ölkə liderləri də daxil olmaqla istənilən şəxs danışıqda səhvə yol verə bilir. Sonradan bu səhvi düzəldirlər. ABŞ prezidenti də sosial media paylaşımında bu səhvi düzəldib", - baş nazir qeyd edib. Paşinyan əlavə edib ki, özü də hərdən adları səhv salır. O, bu yaxınlarda iki erməni boksçunun adlarını səhv salmasını nümunə gətirib. Tramp bu yaxınlarda verdiyi iki müsahibədə Ermənistanın adını Albaniya ilə səhv salıb. O, Azərbaycanla Albaniyanın 30 ildən çox müharibə etdiyini və...

Davamını oxu