Siyasət

İmamoğlunun tərəfdarları ölkə boyu "iqtisadi boykot" elan ediblər

2 Aprel, 2025

açıq mənbədən götürülüb

İstanbul meri Ekrəm İmamoğlunun həbsi ilə başlayan etiraz aksiyalarının tərəfdarları bu gün Türkiyə daxilində boykot çağırışı ediblər.

CHP sədri Özgür Özəl bu çağırışları dəstəkləyəcəyini açıqlayıb.

“Tələbələrə, analara, atalara, qardaşlara edilən bu zülmə qarşı gənclərin başlatdığı istehlak boykotunu ürəkdən dəstəkləyirəm. Hər kəsi bu boykota qoşulmağa və istehlakdan əldə etdikləri gücdən istifadə etməyə dəvət edirəm”, Özəl belə deyib.

İstanbul başda olmaqla bir çox kafe, restoran və iş yeri aprelin 2-də iaşə obyektlərini açmayacaqlarını və satış etməyəcəklərini açıqlayıblar.

İstanbul Baş Prokurorluğu boykot çağırışı edənlərlə bağlı “nifrət və ayrı-seçkilik”, “ictimaiyyəti nifrət və düşmənçiliyə sövq etmək” ittihamları ilə istintaqa başladıb.

Prokurorluq bu çağırışları “bölücü ritorika" adlandırıb.

Ticarət naziri Ömər Bolat da "ticarətində maddi itkiyə məruz qalanların boykot çağırışı edənlərə qarşı təzminat iddiası qaldıra biləcəklərini" deyib.

AKP-nin sözçüsü Ömər Çelik Özgür Özəl-in bu çağırışa dəstəyini “siyasi tariximizin ən böyük siyasi fanatizmi və ictimai parçalanma” adlandırıb.

Ekrem İmamoğlu martın 18-də universitet diplomunun ləğv edilməsindən bir gün sonra saxlanılıb.

O, martın 23-də “korrupsiya” istintaqı çərçivəsində həbs edilib.

İmamoğlu 2019-cu ilin martından İstanbulun bələdiyyə sədri vəzifəsində çalışır. O, yenidən namizədliyi irəli sürüləcəyi təqdirdə Türkiyənin hazırkı prezidenti Rəcəb Tayyib Ərdoğanın əsas rəqibi hesab olunur. Türkiyədə prezident seçkiləri 2028-ci ilə təyin edilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Azər Qasımlının həbs müddəti uzadıldı

"Toplum TV işi": "Önümüzə cəfəngiyyatla dolu qalaq-qalaq kağız qoyublar"

Almaniya prezidenti: “Barışığın elə bir resepti yoxdur ki, hər yerdə tətbiq olunsun”

"Toplum TV işi” üzrə məhkəmə başlayıb

Rusiya son illərin ən böyük hərbi çağırışını reallaşdırır

“Abzas Media işi”: “Müstəntiqlər əl çəksin deyə, uydurma ifadə verdim”

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Siyasət

Almaniya prezidenti: “Barışığın elə bir resepti yoxdur ki, hər yerdə tətbiq olunsun”

2 Aprel 2025

Prezident.az

Azərbaycana rəsmi səfərə gələn Almaniya prezidenti Frank-Valter Ştaynmayer Ermənistanla Azərbayсan arasında sülh prosesinin böyük əhəmiyyəti olduğunu vurğulayıb. “Bir il ərzində çox böyük addımlar atılıb. 13 martda sülh sazişinin mətninin razılaşdırılması barədə bəyanat verildi. İnanıram ki, sülh sazişi imzalanacaq. Bu anı itirməmək lazımdır. Biz də bacardıqca buna dəstək verəcəyik”, - o prezident İlham Əliyevlə görüşündə deyib. Ştaynmayer onu da deyib ki, barışığın elə bir resepti yoxdur ki, hər yerdə tətbiq olunsun. “Qarşılıqlı inam tədricən qurulmalıdır”, o əlavə edib. Almaniya və Fransa arasında çoxsaylı müharibələrdən danışan Frank-Valter Ştaynmayer bu gün iki xalqın keçmişi geridə qoyduğunu, dost xalqlar olduğunu qeyd edib. Azərbaycan prezidenti...

Davamını oxu

Siyasət

Rusiya son illərin ən böyük hərbi çağırışını reallaşdırır

2 Aprel 2025

Açıq mənbədən götürülüb

Rusiyada son illərin ən genişmiqyaslı hərbi xidmətə çağırışı baş tutmaqdadır. Prezident Vladimir Putin aprel-iyul çağırışı üçün 18 yaşdan 30 yaşa qədər 160,000 Rusiya vətəndaşının hərbi xidmətə cəlb olunması haqqında sərəncam verib. Bu, Rusiyada 2011-ci ildən bu yana ən böyük hərbi çağırış hesab olunur. Ötən ilin sentyabrında Putin Rusiya ordusunun ümumi sayını 2,39 milyona, aktiv xidmətdə olanları isə 1,5 milyona çatdırmaq haqqında sərəncam imzalamışdı. Rusiya ordusunun Baş Qərargahının rəis müavini Vladimir Tsimlyanski mətbuata deyib ki, yeni çağırılanlar Ukraynaya qarşı döyüşmək üçün cəbhə xəttinə göndərilməyəcək, lakin onların üçdə biri “müasir hərbi texnikadan istifadəni öyrənmək üçün” hərbi təlim mərkəzlərinə göndəriləcək. Xəbər ABŞ-ın Rusiya...

Davamını oxu