Məhkəmə

Məhkəmə Azər Qasımlının şahid tələbi ilə bağlı vəsatətini baxılmamış saxlayıb

9 Oktyabr, 2025

Foto: VOA

Siyasi Menecment İnstitutunun direktoru, həbsdə olan politoloq Azər Qasımlının vəkilləri onun işində zərərçəkmiş kimi tanınan Qurbanəli Yusifovun keçmiş həyat yoldaşının məhkəmədə dindirilməsini istəyiblər.

“Azadlıq Radiosu” xəbər verir ki, bu barədə vəsatəti vəkil Rövşanə Rəhimova oktyabrın 8-də Bakı Ağır Cinayətlər Məhkəməsində, hakim Telman Hüseynovun sədrliyi ilə keçirilən iclasda qaldırıb.

Hazırda məhkəmədə A.Qasımlının dindirilməsi davam edir.

Politoloq bildirib ki, Q.Yusifova kriptovalyuta birjasına yatırım üçün iki dəfəyə 20 min dollar verib, lakin qarşı tərəf etimadından sui-istifadə edib.

Vəkillər suallara etiraz edərək bildiriblər ki, istintaqın predmeti “hədə-qorxu ilə tələb etmə”dir və kommersiya xarakterli suallar vaxt itkisinə səbəb olur.

Rövşanə Rəhimova deyib ki, Q.Yusifovun şikayətindən başqa nə birbaşa şahid, nə də sübut var:
"Birbaşa şahid Qurbanəli Yusifovun keçmiş həyat yoldaşı ola bilərdi. O, ötən məhkəmə iclaslarının birində Azər Qasımlıya bildirdi ki, "sənə görə ailəm dağıldı". Üstəlik, iddia edir ki, Azər Qasımlı onu həmin həyat yoldaşından olan oğlunu oğurlamaqla hədələyib. Əgər doğrudan da Azər Qasımlıya görə ailəsi dağılıbsa, keçmiş həyat yoldaşı gəlsin, suallarımızı verək, o da cavab versin…”.

Prokuror və zərərçəkmiş tərəf vəsatətə etiraz edib. Hakimlər vəsatəti baxılmamış saxlayaraq bildiriblər ki, əsas şahidlər ifadə verdikdən sonra bu məsələ yenidən müzakirə olunacaq.

Məhkəmə prosesi oktyabrın 22-nə təxirə salınıb.

Azər Qasımlı ötən ilin dekabrından həbsdədir. O, Cinayət Məcəlləsinin 182.2.3-cü maddəsi (hədə-qorxu ilə tələb etmə, zor tətbiqi ilə törədildikdə) ilə ittiham olunur. Politoloq ittihamları rədd edir və həbsini siyasi fəaliyyəti ilə əlaqələndirir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Putin: AZAL təyyarəsi çox güman ki, Rusiya səmasının müdafiəsi zamanı zədələnib

Koçaryan: "Paşinyan Ağ Evdə sadəcə bir alət idi"

Macar yazıçı ədəbiyyat üzrə Nobel mükafatına layiq görülüb

Rusiyada 14 yaşlı məktəbli dayanacağa “Navalnı” yazdığına görə cəzalanıb

“QHT işi” üzrə Bəşir Süleymanlının məhkəməsi başlayır

Əli Kərimli üçün pasport hazırlanıb, amma verilməyib

Redaktorun Tövsiyələri

“Abzas Media” jurnalistlərinin Lənkərana köçürülməsi qanunauyğundurmu?

Azərbaycanda rəsmi 5 faiz işsizlik göstəricisi gerçəyi əks etdirirmi?

Jurnalistlərə və QHT fəallarına qarşı “leqallaşdırma” ittihamı qanunidirmi?”

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

Məhkəmə

“QHT işi” üzrə Bəşir Süleymanlının məhkəməsi başlayır

9 Oktyabr 2025

Foto: Meydan TV

“QHT işi” üzrə təqsirləndirilənlərdən biri, “Vətəndaş Hüquqları İnstitutu”nun rəhbəri Bəşir Süleymanlının cinayət işi üzrə məhkəmənin hazırlıq iclası keçirilib. “APA”-nın məlumatına görə, oktyabrın 9-da Bakı Ağır Cinayətlər Məhkəməsində hakim Vüqar Seyidovun sədrliyi ilə baş tutan prosesdə Bəşir Süleymanlının vəkilinin onun yanında əyləşməsi barədə vəsatət təmin edilib. Daha sonra anket məlumatları dəqiqləşdirilib. Təqsirləndirilən şəxs Bəşir Süleymanlı cinayət işinə xitam verilməsi barədə vəsatət qaldırıb. Onun müdafiəçisi Elçin Sadıqov da vəsatətin təmin olunmasını istəyib. Dövlət ittihamçısı isə vəsatətlərin rədd edilməsini təklif edib. Müşavirədən sonra məhkəmə vəsatətləri təmin etməyib və işin məhkəmə baxışına verilməsinə qərar verib.  Baxış iclası oktyabrın 23-nə təyin olunub. Bəşir Süleymanlı bu ilin...

Davamını oxu

Məhkəmə

Qalib Bayramovun məhkəməsi başlayıb

9 Oktyabr 2025

Foto: açıq mənbə

Oktyabrın 8-də Bakı Ağır Cinayətlər Məhkəməsində İqtisadi Tədqiqatlar Mərkəzi İctimai Birliyinin Mərkəzi İdarə Heyətinin sədri, “QHT işi” üzrə ittiham olunan vətəndaş cəmiyyəti üzlərindən biri, iqtisadçı Qalib Bayramovun məhkəməsi başlayıb. “APA“ xəbər verir ki, Eldar İsmayılovun sədrlik etdiyi hazırlıq iclasında Qalib Bayramovun anket məlumatları dəqiqləşdirilib. Vəkil Zibeydə Sadıqova vəsatət verərək cinayət işinə bəraətverici əsaslarla xitam verilməsini istəyib. Prokuror vəsatətin baxılmamış saxlanılmasını tələb edib. Məhkəmə vəsatəti baxılmamış saxlayıb və proses oktyabrın 22-nə təxirə salınıb. Qalib Bayramov Cinayət Məcəlləsinin 193-1.3.2-ci (cinayət yolu ilə əldə edilmiş əmlakı leqallaşdırma – xeyli miqdarda törədildikdə) və 308-ci (vəzifə səlahiyyətlərindən sui-istifadə) maddələri ilə ittiham olunur. “QHT işi” üzrə həbslər...

Davamını oxu