Siyasət

AZAL-ın qəzaya uğrayan təyyarəsinin “qara qutu”ları “çox maraqlı məlumatlar verib” - Lavrov

14 Yanvar, 2025

Kolllaj/Toplum Tv

Dekabrın 25-də Aktau yaxınlığında qəzaya uğramış AZAL-a məxsus sərnişin təyyarəsinin “qara qutu”ları çox maraqlı məlumatlar verib.

Bu haqda Rusiya xarici işlər naziri Sergey Lavrov yanvarın 14-də keçirdiyi illik mətbuat konfransında deyib (APA).

O, təyyarə qəzası ilə bağlı yayılan xəbərlərin “qara qutu”lardakı məlumatlarla faktiki olaraq təsdiqini tapmadığını söyləyib.

Bu haqda geniş açıqlama verməyən nazir bildirib ki, təhqiqat başa çatana qədər gözləmək lazımdır.

Onun sözlərinə görə, rəsmi Moskva təyyarə qəzasının araşdırılmasında Azərbaycanın Rusiyanın iştirakını dəstəkləməsini yüksək qiymətləndirir.

İki ölkənin münasibətlərinə toxunan Lavrov Moskva ilə Bakının istənilən məsələləri həll edə biləcəyini deyib və buna misal olaraq İkinci Qarabağ müharibəsində səhvən Rusiya helikopterinin vurulması ilə Azərbaycan təyyarəsinin qəzaya uğramasını göstərib.

Yanvarın 5-də Braziliyanın Aviasiya Qəzalarının Araşdırılması və Qarşısının Alınması Mərkəzi qəzaya uğramış Embraer sərnişin təyyarəsinə məxsus “qara qutu”nun analizini başa çatdırdığını açıqlamışdı.

Analiz prosesinə nəzarət etmək üçün Qazaxıstan, Azərbaycan və Rusiyadan olan müstəntiqlərin də Braziliyaya getdikləri bildirilirdi.

Audio yazılar və ya ilkin nəticələr barədə heç bir məlumat açıqlanmayıb.

Dekabrın 25-də Bakı-Qroznı reysini həyata keçirən Azərbaycan Hava Yollarına məxsus Embraer 190 təyyarəsi Aktau yaxınlığında təcili eniş etməyə çalışsa da, qəzaya uğrayıb. Nəticədə 38 sərnişin həlak olub, 29 nəfər yaralanıb.

Yanvarın 6-da Prezident İlham Əliyev “qara qutu”lar açıldıqdan sonra bu günə qədər hələ də cavabı bəlli olmayan bütün məsələlərin üzə çıxacağını qeyd edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“2024-cü il repressiyaların və polis özbaşınalığının güclənməsi ilə yadda qaldı” - SMMM-nin illik hesabatı

Ukrayna dronları Bryansk, Engels, Saratov və Aleksindəki zavodları vurublar – UTX-dəki mənbə

Avropa Məhkəməsi Azərbaycanı rekord məbləğdə cərimələyib

Zelenski və Makron Ukraynaya Qərb qoşunlarının yerləşdirilməsi məsələsini müzakirə ediblər

ABŞ Bəxtiyar Hacıyevlə bağlı hökmdən məyusluq hissi keçirir - Səfirlik

Rusiya neftini daşıdığına görə limanlara buraxılmayan tankerlərin sayı artır

Redaktorun Tövsiyələri

Adambaşı ÜDM-ə görə MDB-də Ermənistan 3-cü, Azərbaycan 5-ci yerdədi

Putin enerji savaşını uduzdu

Mərkəzi Bank kreditlərin artmasından niyə narahatdır?

2024-cü ildəki sosial vəziyyətin qısa icmalı: varlıların gəlirləri artdı, kasıbların qazancları azaldı

"Air Astana” nəyə görə “Embraer”i məhkəməyə vermişdi?

6 il öncə minimum pensiyanın məbləği 10 kiloluq qida səbətinin dəyərinə bərabər idisə, gələn il bundan 270 qram çox olacaq.

Siyasət

“2024-cü il repressiyaların və polis özbaşınalığının güclənməsi ilə yadda qaldı” - SMMM-nin illik hesabatı

14 Yanvar 2025

Mikroskopmedia

Siyasi Məhbusların Monitorinqi Mərkəzi Azərbaycanda insan hüquqlarının vəziyyətinə dair illik hesabat açıqlayıb. Hesabatda bildirilir ki, 2024-cü il Azərbaycanda "repressiyaların və polis özbaşınalığının güclənməsi" ilə yadda qalıb. Qeyd olunur ki, ölkədə siyasi məhbusların sayı ötən il 331-ə çatıb və onların arasında yenə də çoxluğu dindarlar təşkil edir. Bununla belə, ötən il həbs edilən ictimai-siyasi fəallar, media nümayəndələri, blogerlər və hüquq müdafiəçilərinin sayı da artıb. Hesabat müəlliflərinə görə, “5-ci kolon”un nümayəndələrini ovlayan” Daxili İşlər Nazirliyi öz işçilərinə “ən amansız hüquqlar" verib və burda söhbət fiziki haqq-hesab çəkməyə qədər gedib çıxır. “KİV-in məlumatına görə, polis həddindən artıq tədbirlərdən istifadə edib və cinayətlərdə şübhəli...

Davamını oxu

Siyasət

Avropa Məhkəməsi Azərbaycanı rekord məbləğdə cərimələyib

14 Yanvar 2025

Avropa Məhkəməsi

Avropa İnsan Haqları Məhkəməsi (AİHM) yanvarın 14-də Azərbaycanla bağlı bu il üzrə ilk qərarını elan edib. Sözügedən məhkəmənin Azərbaycanla qərarlarını izləyən hüquqşünas Xalid Ağəliyev bildirir ki, bununla da AİHM Azərbaycana münasibətdə indiyədək ən yüksək məbləğdə təzminat müəyyən edib - 1 milyon 693 min avro. Qərar Bakıda “Qış Parkı”nın inşası zamanı mülkiyyət hüquqlarının pozulduğunu iddia edən 18 ərizəçinin təqdim etdiyi 14 şikayət ərizəsi üzrə elan edilib. 2022-ci ildə iddia edilən pozuntuları tanıyan Avropa Məhkəməsi təzminat məsələsinin həlli üçün tərəflərə vaxt vermişdi. Bu gün elan olunan qərara görə, ərizəçilərə ümumilkdə 1 milyon 693 min 892 avro məbləğində maddi, mənəvi zərər əvəzi və...

Davamını oxu