Əsas sosial-iqtisadi göstəricilərinə görə Azərbaycanın MDB-də yeri haqda məlumatlar

MDB Statistika Qurumu Birliyə üzv olan ölkələr üzrə 2020-2023-cü illər üzrə sosial-iqtisadi göstəricilərə dair hesabatlar açıqlayıb. Ən vacib göstəricilərə görə Azərbaycan 10 ölkə arasında hansı yerdə qərarlaşır?

Adambaşı ÜDM-ə görə 9 ölkə arasında 5-ci yer

Bu göstəricilərlə bağlı Türkmənistan istisna olmaqla 9 ölkə üzrə məlumat açıqlanıb və 2023-cü ilin sonuna bu ölkələr üzrə adambaşına ÜDM məbləği aşağıdakı kimi olub:

·         Rusiya – 13900 dollar;

·         Qazaxıstan – 13194 dollar;

·         Ermənistan – 8126 dollar;

·         Belarus -  7845 dollar;

·         Azərbaycan – 7126 dollar;

·         Moldova - 6730 dollar;

·         Özbəkistan – 2790 dollar;

·         Qırğızıstan- 1970 dollar;

·         Tacikistan – 1184 dollar;

Göründüyü kimi, Qazaxıstan və Rusiyada adambaşına ÜDM-nin məbləği  Azərbaycanla müqayisədə 2 dəfə, Tacikistanla müqayisədə az qala 11 dəfə yüksəkdir.

Nominal əmək haqqı səviyyəsinə görə 10 ölkə arasında 7-ci yer

Nominal əmək haqqının məbləğinə görə də Rusiya və Qazaxıstan liderlik edir və ölkələr üzrə nəticələr aşağıdakı kimidir:

·         Rusiya – 884 dollar;

·         Qazaxıstan – 798 dollar;

·         Ermənistan – 688 dollar;

·         Moldova - 672 dollar;

·         Belarus -  638 dollar;

·         Türkmənistan 633 dollar;

·         Azərbaycan – 549 dollar;

·         Qırğızıstan- 360 dollar;

·         Özbəkistan – 324 dollar;

·         Tacikistan –186 dollar;

Bu siyahıda Moldovanın göstəricisi daha maraqlı görünür -  adambaşına ÜDM məbləğinə görə daha aşağı sırada dayanmasına baxmayaraq, orta əmək haqqı göstəricisi daha yüksəkdir. Bu, ölkədə muzdlu işçilərin xeyrinə milli gəlirin bölgüsünün  daha ədalətli olduğuna işarədir.

Minimum əmək haqqı səviyyəsinə görə 10 ölkə arasında 3-cü yer

Bu göstərici üzrə siyahının liderləri isə Türkmənistan və Moldovadır.

·         Türkmənistan – 331 dollar;

·         Moldova 226 dollar;

·         Azərbaycan – 203 dollar;

·         Ermənistan – 185 dollar;

·         Rusiya – 175 dollar;

·         Belarus -  174 dollar;

·         Qazaxıstan – 153 dollar;

·         Özbəkistan – 85 dollar;

·         Tacikistan –55 dollar;

·         Qırğızıstan- 26 dollar;

Əhalinin mənzil təminatına görə Azərbaycanın göstəriciləri aşağıdır

2023-cü ilin yekunlarına görə, əhalinin hər nəfərinə düşən mənzil sahəsinə görə, Azərbaycan 10 ölkə arasında 7-ci yerdədir.

·         Ermənistan – 36,4 kv/metr;

·         Moldova -  35,3 kv/metr;

·         Belarus -  29,9 kv/metr;

·         Rusiya –   28,8 kv/metr;

·         Qazaxıstan –23,9 kv/metr;

·         Türkmənistan – 23,2 kv/metr;

·         Azərbaycan – 22,6 kv/metr;

·         Özbəkistan – 19 kv/metr;

·         Qırğızıstan- 12,7 kv/metr;

·         Tacikistan – 10,9 kv/metr;

2023-cü ildə əhalinin hər 10 000 nəfəri hesabı ilə tikilib istifadəyə verilmiş mənzillərin say göstəricisinə görə də Azərbaycan MDB ölkələri arasında heç də yaxşı vəziyyətdə deyil.  Həmin göstəriciyə görə Birliyə üzv ölkələrin sıralaması aşağıdakı kimidir:

·         Rusiya –   99 mənzil;

·         Qazaxıstan –81 mənzil;

·         Belarus -  52 mənzil;

·         Moldova -  31 mənzil;

·         Qırğızıstan- 23 mənzil;

·         Azərbaycan – 22 mənzil;

·         Özbəkistan – 21 mənzil;

·         Ermənistan – 18 mənzil;

·         Tacikistan – 16 mənzil;

Nəzərə almaq lazımdır ki, Azərbaycan qeyd olunan göstəricilərə görə, kiçik istisnalarla iqtidisadi inkişaf səviyyəsinə görə üçüncü dünya ölkələri ilə müqayisə edilir.

Ölkəni 30 ildən çox idarə edən bir siyasi hakimiyyətin hədəfi inkişaf etmiş dünya olmayanda, iqtisadiyyat bu qədər irəliləyə bilir.

Başqa sözlə, niyyətin hara, mənzilin də ora...

Toplum TV