Siyasət

Əfqan Sadıqovun quru aclığa başladığı deyilir

3 Fevral, 2025

sosial media

Jurnalist Əfqan Sadıqovun fevralın 2-dən Tbilisi təcridxanasında quru aclığa başladığı bildirilir (“Turan”).

Onun həyat yoldaşı Sevinc Sadıqovanın sözlərinə görə, 136 gündür aclıq edən Sadıqov fevralın 2-dən su və dərman qəbulundan da imtina edib. O, Əfqan Sadıqovun səhhətinin ağır olduğunu, bu səbəbdən də həyat yoldaşından quru aclığı dayandırmasını xahiş etdiyini, amma rədd cavabı aldığını deyib.

“Əfqan siyasi sifarişlə həbs edilib. Gürcüstan hakimiyyəti Bakının sifarişini icra edir. Yanvarın 31-də onu sübh tezdən aparıblar məhkəməyə, məhkəmə saat 15:00-da başlayıb. Bu, Gürcüstan hakimiyyətinin ona qarşı münasibətini bir daha nümayiş etdirib. 130 gündən çox aclıq edən adama əziyyət vermək olarmı? Əfqan təcridxanadan kitab istəyib, verməyiblər ki, Azərbaycan dilində kitab yoxdur. Vəkili Azərbaycan dilində kitab aparıb, o kitabı da vermirlər”, - Sadıqova söyləyib.

Hazırda Sevinc Sadıqova üç uşaqla birlikdə üçüncü ölkədədir və orada Gürcüstan səfirliyinin qarşısında aksiya keçirmək niyyətindədir.

Əfqan Sadıqov Azərbaycanda təqiblərdən ehtiyat edərək 2023-cü ilin dekabrında ailəsilə birlikdə Gürcüstana gedib. İyulda onu Gürcüstandan Türkiyəyə buraxmayıblar və deyiblər ki, ancaq Azərbaycana qayıda bilər.

Avqustda Azərbaycanın sorğusu əsasında Sadıqov həbs edilib. Hədə yoluyla tələb etmədə ittiham olunan Sdıqovun ekstradisiyası tələb olunur. Gürcüstan hakimiyyəti ona siyasi sığınacaq verməkdən imtina edib.

Noyabrın 28-də Tbilisi Şəhər Məhkəməsi Sadıqovun Azərbaycana ekstradisiyası barədə qərar qəbul edib. Yanvarın 31-də Tbilisi məhkəməsi Əfqan Sadıqovun həbs müddətini daha üç ay uzadıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Müsavat Partiyası Anar Məmmədli və Ələsgər Məmmədlinin səhhətinə görə narahatdır

Gürcüstanın nümayəndə heyəti AŞPA-dakı fəaliyyətini dayandırdı

“Həbsdəki araşdırmaçı Hafiz Babalının “Qafqazinfo”ya qarşı qaldırdığı iddiaya baxılması yubanır”

İqtisadi geriləmə və staqnasiya riski: Hindistan möcüzəsinin sonu?

İmişlidə bələdiyyələrdən birinə keçirilən seçkilər etibarsız hesab edilib

Sərhəd rayonlarında postlar qurulub: Əməliyyat keçirilir

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Siyasət

Müsavat Partiyası Anar Məmmədli və Ələsgər Məmmədlinin səhhətinə görə narahatdır

3 Fevral 2025

Ələsgər Məmmədli/şəxsi arxiv

Fevralın 3-də keçirilən Müsavat Partiyası Divanının (İdarə Heyəti) iclasında siyasi məhbuslar məsələsi gündəmə gətirilib. "Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", partiyadan deyilib. Məlumatda siyasi motivlərlə həbs olunmuş şəxslərdən bəzilərinin, o cümlədən ictimai fəallar Anar Məmmədli və Ələsgər Məmmədlinin səhhətində problemlərin yaranması ilə bağlı narahatlıq ifadə olunub. Ədliyyə Nazirliyi Penitensiar Xidmətindən “Turan”a deyilib ki, məhbuslara qarşı təzyiq göstərilməsi haqda yayılan məlumatlar həqiqəti əks etdirmir. “Saxlanma yerlərində və cəzaçəkmə müəssisələrində saxlanılan şəxslərə qarşı münasibətlər qanunvericilik normalarına və daxili nizamnamə qaydalarına uyğun qurulur, hər hansı ayrı-seçkiliyə yol verilmir”, Penitensiar Xidmətdən qeyd olunub. Hüquq müdafiəçiləri...

Davamını oxu

Siyasət

“Həbsdəki araşdırmaçı Hafiz Babalının “Qafqazinfo”ya qarşı qaldırdığı iddiaya baxılması yubanır”

3 Fevral 2025

Toplum TV

“Abzas Media işi” üzrə həbs edilmiş araşdırmaçı jurnalsitin Hafiz Babalının “Qafqazinfo.az” saytına qarşı qaldırdığı iddiasına baxılması yubadılır (“Turan”). İddia adıçəkilən saytda 28 dekabr 2023-cü ildə dərc edilmiş "Hafiz Babalının işi üzrə yeni detallar" adlı yazı ilə bağlı qaldırılıb. Yazıda araşdırmaçı jurnalistin şərəfinə, ləyaqətinə və işgüzar reputasiyasına xələl gətirən böhtan və təhqiredici məlumatların getdiyi bildirilir. "Babalı qrant layihələrilə əlaqədar xarici təşkilatlar və fondlar ilə əlaqə quraraq, onların tapşırığı ilə araşdırmalar aparıb və məqalələr hazırlayıb", məqalədə iddia olunur. Bu iddiaları rədd edən Babalı araşdırmaların onun jurnalist fəaliyyətinin bir hissəsi olduğunu qeyd edir. Bundan əlavə, heç kimin onun aşdırmaları ilə bağlı irad bildirmədiyini,...

Davamını oxu