Dünya

BMT Təhlükəsizlik Şurası Trampın Qəzza planını təsdiqləyib

18 Noyabr, 2025

211

Foto: Reuters

Birləşmiş Millətlər Təşkilatının (BMT) Təhlükəsizlik Şurası ABŞ prezidenti Donald Tramp administrasiyasının Qəzza zolağının təhlükəsizliyi və idarə olunması ilə bağlı təklif etdiyi planı təsdiqləyib.

Noyabrın 17-də keçirilən səsvermədə Şuranın 13 üzvü planın lehinə səs verib, Rusiya və Çin isə səsvermədə iştirak etməyərək bitərəf qalıb.

ABŞ-nin BMT-dəki səfiri Mayk Voltz bildirib ki, qətnamə “Qəzzanın firavan ola biləcəyi sabit mühitin və İsrailin təhlükəsizlik içində yaşamasını təmin edən şəraitin yaradılması istiqamətində daha bir mühüm addımdır”.

Donald Tramp da “Truth Social” platformasında qərarı alqışlayaraq səs verən ölkələrə təşəkkür edib. O yazıb: “Bu, BMT tarixinin ən mühüm qətnamələrindən biri kimi xatırlanacaq, dünyada daha çox sülhə yol açacaq və həqiqətən tarixi əhəmiyyətə malik bir andır!”

Qəzza zolağına nəzarət edən HƏMAS isə bəyanat yayaraq qətnaməyə qarşı çıxıb və bildirib ki, sənəd “Fələstin xalqının siyasi və humanitar tələblərini və hüquqlarını qarşılamır”.

Plana əsasən, hələ yaradılmamış Sülh Şurası Qəzzada keçid dövrü üçün səlahiyyətli orqan kimi fəaliyyət göstərəcək və bu struktur Trampın rəhbərliyi altında olacaq. Eyni zamanda plan Qəzzaya yerləşdiriləcək beynəlxalq sabitləşdirmə qüvvəsinə geniş mandat verir; qüvvələrə sərhədlərə nəzarət, təhlükəsizliyin təmin olunması və ərazinin silahsızlaşdırılması kimi funksiyalar həvalə olunur.

Şura və qüvvələrin mandatının 2027-ci ilin sonunda başa çatması, həmin dövr ərzində isə yerli polis qüvvələrinin hazırlanması nəzərdə tutulur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Dünya

ABŞ və İran arasında qarşılıqlı zərbələr davam edir: Hər iki tərəfdə itkilər artır

17 İyul 2026

Centcom

ABŞ və İran arasında davam edən qarşıdurma fonunda tərəflər qarşılıqlı zərbələri davam etdirir. Son hücumlarda İranın cənubundakı hərbi obyektlərlə yanaşı, Körfəz regionunda yerləşən strateji infrastrukturun da hədəfə alındığı bildirilir. ABŞ Mərkəzi Komandanlığı (CENTCOM) iyulun 16-da İran ərazisində növbəti hava zərbələri endirdiyini açıqlayıb. Məlumata görə, hücumlar İranın cənubundakı hərbi obyektlərə, hava hücumundan müdafiə sistemlərinə, radar qurğularına və logistika infrastrukturuna yönəlib. Tehran isə cavab olaraq Yaxın Şərqdə yerləşən ABŞ hərbi obyektlərinə zərbələr endirdiyini bəyan edib. İran rəsmiləri Suriyadakı ABŞ mövqelərinin də hədəfə alındığını bildiriblər. İran İnqilab Keşikçiləri Korpusu (SEPAH) isə Bəhreyn, Küveyt və Oman istiqamətində raket hücumları həyata keçirdiyini iddia edib. Küveytin...

Davamını oxu

Dünya

Vens: “İsraildə bizi İranla danışıqlardan çəkindirmək istəyənlər var”

16 İyul 2026

Government Press Office

ABŞ vitse-prezidenti Ceyms Vens növbəti dəfə İsraili ölkəsi ilə İran arasında danışıqlara müdaxilə etməkdə ittiham edib. O, iyulun 15-də yayımlanan müsahibədə podkastçı Co Roqana deyib ki, İsraildə bəzi hökumət üzvləri ABŞ-İran danışıqlarına təsir etməyə çalışır. “Şübhəsiz ki, İsrail hökuməti daxilində İrana qarşı hərbi kampaniyanı davam etdirmək istədikləri üçün bizi danışıqlar siyasətindən uzaqlaşdırmağa çalışan insanlar var. Həmçinin, şübhəsiz ki, onların sistemində bəzi insanlar var ki, müharibəni qeyri-müəyyən müddətə davam etdirmək üçün Amerika ictimai rəyini manipulyasiya edir və dəyişdirməyə çalışırlar. Yenə də, heç bir məqsədə doğru deyil, sadəcə qeyri-müəyyən müddətə”, - o qeyd edib. Vens daha öncə də İsrail hökumətini İranla anlaşmaya...

Davamını oxu