Dünya

ABŞ və İran arasında qarşılıqlı zərbələr davam edir: Hər iki tərəfdə itkilər artır

17 İyul, 2026

Centcom

ABŞ və İran arasında davam edən qarşıdurma fonunda tərəflər qarşılıqlı zərbələri davam etdirir. Son hücumlarda İranın cənubundakı hərbi obyektlərlə yanaşı, Körfəz regionunda yerləşən strateji infrastrukturun da hədəfə alındığı bildirilir.

ABŞ Mərkəzi Komandanlığı (CENTCOM) iyulun 16-da İran ərazisində növbəti hava zərbələri endirdiyini açıqlayıb. Məlumata görə, hücumlar İranın cənubundakı hərbi obyektlərə, hava hücumundan müdafiə sistemlərinə, radar qurğularına və logistika infrastrukturuna yönəlib.

Tehran isə cavab olaraq Yaxın Şərqdə yerləşən ABŞ hərbi obyektlərinə zərbələr endirdiyini bəyan edib. İran rəsmiləri Suriyadakı ABŞ mövqelərinin də hədəfə alındığını bildiriblər. İran İnqilab Keşikçiləri Korpusu (SEPAH) isə Bəhreyn, Küveyt və Oman istiqamətində raket hücumları həyata keçirdiyini iddia edib.

Küveytin Elektrik, Su və Bərpa Olunan Enerji Nazirliyinin məlumatına görə, İranın hücumu nəticəsində elektrik istehsalı və suyun duzsuzlaşdırılması müəssisələrindən biri zərər görüb. Bildirilib ki, hücumdan sonra obyektdə yanğın baş verib.
Məlumatlarda həmçinin İranın hücumları zamanı Səudiyyə Ərəbistanı ilə Bəhreyni birləşdirən "Kral Fəhd" körpüsünün də vurulduğu qeyd olunur.

İran Səhiyyə Nazirliyinin məlumatına əsasən, iyul ayında ABŞ-nin endirdiyi zərbələr nəticəsində azı 35 nəfər həlak olub. İyulun 17-də İran rəsmiləri son hava hücumları nəticəsində ölənlərin sayının 38-ə çatdığını, 400-dən çox şəxsin isə yaralandığını açıqlayıblar.

ABŞ tərəfi də hərbi itkilərlə bağlı məlumat yayıb. Bildirilib ki, münaqişənin başlanmasından indiyədək ABŞ Silahlı Qüvvələrinin 14 hərbçisi həlak olub, 400-dən çox hərbçi yaralanıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Britaniya Rusiyaya qarşı sanksiyalardan yayınmaya görə cərimələri iki dəfə artırıb

Əli Kərimlinin ailəsinə qarşı təxribat hazırlandığı deyilir

Su obyektlərindən xüsusi istifadəyə görə ödənişlər qüvvəyə minib

Azərbaycanda həbsdə olan ermənilərlə bağlı Avropa Məhkəməsinə müraciət olunub

Ramil Babayev ədliyyə nazirinə: “Siyasi məhbuslara verilən işgəncələr dərhal dayandırılsın”

Bişkekdə Əliyev və Paşinyan əməkdaşlığın genişləndirilməsi müzakirə ediblər

Redaktorun Tövsiyələri

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Dünya

Britaniya Rusiyaya qarşı sanksiyalardan yayınmaya görə cərimələri iki dəfə artırıb

1 Sentyabr 2026

açıq mənbə

Böyük Britaniya Rusiyaya qarşı sanksiyalardan yayınmaya görə cərimələri iki dəfə artırıb. Əvvəllər Britaniyanın Maliyyə Sanksiyalarının Tətbiqi İdarəsi sanksiyaların pozulmasına görə pozuntunun dəyərinin 50 faizi həcmində cərimə tətbiq edə bilirdi. Yeni qaydalara əsasən, bu hədd 100 faizə qaldırılıb. Britaniya hökuməti hesab edir ki, dəyişiklik sanksiyaların çəkindirici təsirini gücləndirəcək və məhdudiyyətlərə daha effektiv əməl olunmasına xidmət edəcək. Böyük Britaniyanın maliyyə naziri Con Hili bildirib ki, London Rusiyaya iqtisadi təzyiqi artırmaqda davam edəcək: “Biz Putinə iqtisadi təzyiqi artırır və ona qanunsuz müharibəni aparmaqda kömək edənlərə gizlənmək imkanı vermirik. Böyük Britaniya və müttəfiqlərimiz sanksiyalardan yayınma hallarını aşkar etmək və Rusiyanın təcavüzünü maliyyələşdirən şəbəkələri dağıtmaq...

Davamını oxu

Dünya

ABŞ və İran bir aydan sonra ilk dəfə qarşılıqlı zərbələr endirib

31 Avqust 2026

sosial media

ABŞ İranın Larak adasında yerləşən iki raket buraxılış qurğusuna zərbə endirib. “Axios” ABŞ Mərkəzi Komandanlığının (CENTCOM) sözçüsü Tim Hokinsə istinadən yazır ki, İran İslam İnqilabı Keşikçiləri Korpusu (SEPAH) Hörmüz boğazına dəniz minaları yerləşdirməyə hazırlaşırdı. CENTCOM bildirib ki, ABŞ qüvvələri ötən həftə Hörmüz boğazındakı gəmiçilik marşrutlarının minalardan təmizlənməsini başa çatdırıb. Komandanlıq əməliyyatı “məhdud və dəqiq zərbələr” kimi xarakterizə edib və hədəfin birbaşa təhlükə yaradan SEPAH qüvvələri olduğunu açıqlayıb. Hücumdan sonra SEPAH bir neçə hərbçinin öldüyünü və yaralandığını bildirib və ABŞ-yə cavab veriləcəyini açıqlayıb. SEPAH-a yaxın “Tasnim” agentliyinin qeyri-rəsmi məlumatına görə, iki nəfər ölüb, iki nəfər yaralanıb. İran avqustun 31-də Larak adasına...

Davamını oxu