Dünya

“Dojd” telekanalının baş redaktoruna 8 il qiyabi həbs verilib

12 May, 2026

Kommersant

Rusiyanın “Dojd” telekanalının baş redaktoru Tixon Dzyadko qiyabi olaraq 8 il həbsə məhkum edilib.

Moskvanın Qolovinski rayon məhkəməsi onu Rusiya ordusu haqqında “saxta məlumat yaymaq” və “xarici agentlər” haqqında qanunu pozmaqda təqsirli bilərək ümumi rejimli koloniyaya göndərilməsi barədə qərar çıxarıb. Bundan əlavə, jurnalistə 250 min rubl məbləğində cərimə təyin olunub

Cinayət işinin açılmasına səbəb Dzyadkonun 2022-ci ilin iyul və dekabr aylarında özünün “Telegram” kanalında jurnalist Pyotr Ruzavinin Buçadan hazırladığı reportaja və “The New York Times” qəzetinin Kiyev vilayətində Rusiya hərbçilərinin törətdiyi cinayətlər barədə araşdırmasına keçid paylaşması olub.

Məhkəmə həmçinin jurnalisti paylaşımlarında “xarici agent” statusuna dair qeydiyyat nişanını göstərməməkdə ittiham edib. Rusiya Ədliyyə Nazirliyi onu 2022-ci ildə “xarici agent” elan etmişdi.

2025-ci ilin aprelində Rusiya Daxili İşlər Nazirliyi Dzyadkonu axtarışa verib. Həmin ilin oktyabrında isə onun adı Rosfinmonitorinqin “terrorçular və ekstremistlər” siyahısına daxil edilib.

2026-cı ilin fevralında isə “Dojd” telekanalının aparıcısı və Dzyadkonun həyat yoldaşı Yekaterina Kotrikadze də qiyabi olaraq 8 il müddətinə azadlıqdan məhrum edilib. O da Rusiya ordusu haqqında “saxta məlumat yaymaq” və “xarici agentlər” haqqında qanunu pozmaqda ittiham olunub.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Qəzza rəsmiləri: "Atəşkəsdən bəri 1000-dən çox sakin öldürülüb"

Ombudsmana zəngə görə həbs edilən şəxs Avropa Məhkəməsinə üz tutub

Akif Qurbanov hakimə: "Sanki Əliyevin sifarişi ilə həbs olunmağımıza baxmayaraq, ədalətli məhkəmə aparacaqdınız"

Ramil Babayev ədliyyə nazirinə: “Təcridxananın rəis müavininin qanundan kənara çıxmasının qarşısını alın”

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Dünya

Almaniyadan Tacikistana göndərilən müxalifət fəalı ölkəyə çatan kimi saxlanılıb

23 İyun 2026

Sosial media

Almaniya tacikistanlı müxalifət fəalı Əsədullo Boboyevi deportasiya edib. Bu barədə “Azadlıq Radiosu”nun tacik xidməti məlumat yayıb. Məlumata görə, Boboyev və onun 19 yaşlı oğlu 2026-cı il iyunun 8-də Almaniyanın Kleve rayonunda saxlanılıblar. Onlara iyulun 1-dək Almaniyada qalmaq hüquqlarını əsaslandırmaq üçün vaxt verilsə də, müdafiə tərəfinin Tacikistanda təqib və işgəncə riski ilə bağlı təqdim etdiyi sənədlərə baxmayaraq, məhkəmə onların deportasiyasına qərar verib. Fəalın deportasiya edildiyini Avropada fəaliyyət göstərən “Tacikistanın İslahatları və İnkişafı” müxalifət hərəkatının rəhbəri Şərofiddin Qadoyev də təsdiqləyib. “Vəkilimiz vasitəsilə Almaniya məhkəməsinə Əsədullo Boboyevin Tacikistanda təqibə, işgəncələrə və cəzalandırılmaya məruz qalacağına dair onlarla səhifəlik fakt və sübut təqdim etmişdik. Lakin...

Davamını oxu

Dünya

Qəzza rəsmiləri: "Atəşkəsdən bəri 1000-dən çox sakin öldürülüb"

23 İyun 2026

Getty Images

Qəzzada ötən ilin oktyabrında qüvvəyə minən atəşkəsdən bəri öldürülən fələstinlilərin sayının 1000-i ötdüyü bildirilir. Qəzzanın Səhiyyə Nazirliyinin açıqlamasına görə, ötən həftə İsrail ordusunun Qəzzanın cənubunda Muvasi qaçqın düşərgəsinə açdığı atəş nəticəsində iki nəfər ölüb, daha altı nəfər yaralanıb. Atəşkəsdən bəri ölənlərin ümumi sayının 1005-ə çatdığı, onların 265-inin uşaqlar olduğu deyilir. İsrail Müdafiə Qüvvələri (IDF) atəşin terrorçuları hədəf aldığını iddia edib. IDF bir qayda olaraq sadəcə Qəzzaya nəzarət edən HƏMAS qruplaşmasının atəşkəsi pozmasına cavab verdiyini deyir. HƏMAS isə iddianı qəbul etmir. Eyni zamanda, atəşkəsə baxmayaraq, İsrail ordusunun Qəzza zolağı daxilində mövqelərini genişləndirdiyi, hazırda zolağın 65 faizinə nəzarət etdiyi bildirilir. Qəzza rəsmiləri...

Davamını oxu