Siyasət

"Kərimə dövləti" qurmağa cəhddə ittiham olunan inanclı fəal aclıq edir

23 İyun, 2026

Toplum TV

Həbsdə olan inanclı fəal İlkin Bağırovun aclıq aksiyası keçirdiyi bildirilir.

Bu barədə jurnalist Arzu Abdulla iyunun 23-də məhbusun ailə üzvlərinə istinadən məlumat yayıb.

İ.Bağırovun üç gündür aclıq etdiyi və qapalı rejimli Umbakı Penitensiar Kompleksinə köçürülmə qərarına etiraz etdiyi deyilir.

"Oğluma qarşı haqsızlıq bitmir ki, bitmir. Əvvəlcə 12 saylı Cəzaçəkmə Müəssisəsinə köçürdülər. Köçürüldüyü gündən heç bir səbəb olmadan "kars"da (cərimə kamerası - red.) saxlanıldı. Qapalı tipli cəzaçəkmə müəssisəsinə göndərilməsi ilə bağlı məhkəmə təyin edildiyi üçün 1 saylı Bakı İstintaq Təcridxanasına köçürülüb. Məhkəmə 21 iyuna təyin edilmişdi. Məhkəməni İlkinin şəxsi işi itib deyə təxirə saldılar. Heç bir səbəb göstərilmədən, asayişi pozmaq bəhanəsi ilə yenidən məhkəmə qurub təcridxanadan birbaşa ciddi rejimə, Umbakıya göndərmək istəyirlər. Axı heç bir səbəb yoxdur. Bu düşmən münasibətin səbəbi nədir?", - məhbusun anası Xuraman Bağırova deyib.

İlkin Bağırov 2023-cü ilin mayında Dövlət Təhlükəsizlik Xidmətinin əməliyyatı ilə saxlanılıb. O və onunla birlikdə saxlanılan bir qrup fəal Azərbaycanda "Kərimə dövləti" yaratmaq cəhdində ittiham olunub.

Ötən il iyunun 11-də Bakı Ağır Cinayətlər Məhkəməsində İ.Bağırova 16 il həbs cəzası verilib. Digər şəxslər də 10 ildən 17 ilə qədər müddətə həbs cəzaları alıblar.

Cinayət işində iddia olunur ki, qrup İranda yaşayan Ruhulla Axundzadə adlı şəxs tərəfindən Azərbaycanda “Kərimə” adlı, şəriət qanunları ilə idarə ediləcək dini dövlət qurulması məqsədilə yaradılıb və Axundzadə qrup üzvlərinə “Telegram” messenceri üzərindən tapşırıqlar verib.

Sabiq təhsil naziri Misir Mərdanov və “Real TV”-nin rəhbəri Mirşahin Ağayev cinayət işi üzrə zərərçəkmiş şəxs qismində tanınıblar.

Təqsirləndirilən şəxslər isə ittihamları rədd edirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Almaniyadan Tacikistana göndərilən müxalifət fəalı ölkəyə çatan kimi saxlanılıb

Qəzza rəsmiləri: "Atəşkəsdən bəri 1000-dən çox sakin öldürülüb"

Ombudsmana zəngə görə həbs edilən şəxs Avropa Məhkəməsinə üz tutub

Akif Qurbanov hakimə: "Sanki Əliyevin sifarişi ilə həbs olunmağımıza baxmayaraq, ədalətli məhkəmə aparacaqdınız"

Ramil Babayev ədliyyə nazirinə: “Təcridxananın rəis müavininin qanundan kənara çıxmasının qarşısını alın”

Dövlət borcunun görünməyən tərəfi: Təminat Fondunun resursları niyə tükənir?

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Siyasət

Ombudsmana zəngə görə həbs edilən şəxs Avropa Məhkəməsinə üz tutub

23 İyun 2026

Açıq mənbə

Həbsinə görə Ombudsman Aparatını ittiham edən Niyaməddin Aslanzadənin şikayəti əsasında Avropa İnsan Hüquqları Məhkəməsində kommunikasiya başlanılıb. “Azadlıq Radiosu”nun xəbərinə görə, məhkəmə iş üzrə Azərbaycan hökumətinə sorğu ünvanlayıb. Niyaməddin Aslanzadə 7 ildir həbsdə olan jurnalist, “xeberman.com” saytının baş redaktoru Polad Aslanovun qardaşıdır. Şikayətə əsasən, həmin dövrdə Polad Aslanov həbsxanada aclıq aksiyası keçirirdi və səhhətinin pisləşdiyi bildirilirdi. Niyaməddin Aslanzadə Ombudsman Aparatına dəfələrlə zəng edərək qurum nümayəndələrinin onun qardaşına baş çəkməsini xahiş etdiyini qeyd edir. O bildirir ki, müraciətlərinə cavab ala bilmədiyi üçün son telefon danışığında Ombudsman Aparatının əməkdaşlarını fəaliyyətsizlikdə ittiham edib və onları tənqid edib. Bir müddət sonra Ombudsman Aparatından Daxili İşlər...

Davamını oxu

Siyasət

Ramil Babayev ədliyyə nazirinə: “Təcridxananın rəis müavininin qanundan kənara çıxmasının qarşısını alın”

22 İyun 2026

Toplum TV

"Toplum TV işi" üzrə həbsdə olan, Demokratik Təşəbbüslər İnstitutunun (IDI) əməkdaşı Ramil Babayev ədliyyə naziri Fərid Əhmədova müraciət ünvanlayıb. Müraciəti olduğu kimi təqdim edirik. Hörmətli Fərid bəy, mən Bakı İstintaq Təcridxanasının rəis müavini Cavid Güləliyevin təcridxanada təqsirləndirilən şəxsləri vəhşicəsinə döyməyinə etiraz olaraq 5 gün quru aclıq olmaqla, ümumilikdə 17 gün aclıq etmişəm. Yekunda təcridxananın rəisi Elnur İsmayılov Cavid Güləliyevin bir daha təcridxanada heç kimi döyməyəcəyi ilə bağlı söz verib. Bundan əlavə, Penitensiar Xidmətin rəisi general Mirsaleh Seyidov da "Niyə təcridxanadan olan şikayətlərin hamısı səninlə bağlıdır?" sualı ilə Güləliyevə qanunsuz davranışları ilə bağlı iradını bildirib. Buna baxmayaraq, Güləliyev öz rəisinin verdiyi sözü...

Davamını oxu