Siyasət

Ombudsmana zəngə görə həbs edilən şəxs Avropa Məhkəməsinə üz tutub

23 iyun, 2026
393

Açıq mənbə

Həbsinə görə Ombudsman Aparatını ittiham edən Niyaməddin Aslanzadənin şikayəti əsasında Avropa İnsan Hüquqları Məhkəməsində kommunikasiya başlanılıb. 

“Azadlıq Radiosu”nun xəbərinə görə, məhkəmə iş üzrə Azərbaycan hökumətinə sorğu ünvanlayıb.

Niyaməddin Aslanzadə 7 ildir həbsdə olan jurnalist, “xeberman.com” saytının baş redaktoru Polad Aslanovun qardaşıdır. 

Şikayətə əsasən, həmin dövrdə Polad Aslanov həbsxanada aclıq aksiyası keçirirdi və səhhətinin pisləşdiyi bildirilirdi. Niyaməddin Aslanzadə Ombudsman Aparatına dəfələrlə zəng edərək qurum nümayəndələrinin onun qardaşına baş çəkməsini xahiş etdiyini qeyd edir. O bildirir ki, müraciətlərinə cavab ala bilmədiyi üçün son telefon danışığında Ombudsman Aparatının əməkdaşlarını fəaliyyətsizlikdə ittiham edib və onları tənqid edib.

Bir müddət sonra Ombudsman Aparatından Daxili İşlər Nazirliyinə müraciət olunub. Müraciətdə Niyaməddin Aslanzadənin qurum əməkdaşlarını təhqir etdiyi iddia edilib. Bununla əlaqədar şikayət polisə göndərilib və Aslanzadə Nərimanov Rayon Polis İdarəsinin 18-ci polis bölməsinə çağırılaraq izahat verib.

Hadisədən bir neçə həftə sonra, 2021-ci il avqustun 26-da Niyaməddin Aslanzadə saxlanılıb. Onun barəsində xırda xuliqanlıq ittihamı ilə inzibati protokol tərtib olunub və iş məhkəməyə göndərilib. Nərimanov Rayon Məhkəməsinin qərarı ilə ona 5 sutka inzibati həbs cəzası verilib.

Məhkəmə qərarında Aslanzadənin təqsirini etiraf etdiyi göstərilsə də, o, apellyasiya şikayətində bunu təkzib edib. Onun sözlərinə görə, Ombudsman Aparatının əməkdaşlarını təhqir etməyib, yalnız qardaşının vəziyyəti ilə bağlı qurumun fəaliyyətsizliyini tənqid edib.

Aslanzadə həmçinin təhqir olunduğu iddia edilən şəxsin məhkəmədə dindirilməsini və Ombudsman Aparatına etdiyi zəngin səs yazısının araşdırılmasını tələb edib. Lakin onun vəsatətləri təmin olunmayıb. Sonradan Apellyasiya Məhkəməsi də birinci instansiya məhkəməsinin qərarını qüvvədə saxlayıb.

Bundan sonra Niyaməddin Aslanzadə Avropa İnsan Hüquqları Məhkəməsinə müraciət edib. O, ərizəsində İnsan Hüquqları üzrə Avropa Konvensiyasının 6-cı maddəsi (ədalətli məhkəmə araşdırması hüququ) və 10-cu maddəsi (ifadə azadlığı) ilə qorunan hüquqlarının pozulduğunu iddia edib. Həmçinin saxlanılarkən ailəsi ilə əlaqə saxlamaq və seçdiyi vəkilin xidmətindən istifadə etmək imkanının məhdudlaşdırıldığını bildirib.

Avropa İnsan Hüquqları Məhkəməsi ərizədə qaldırılan məsələlərlə bağlı Azərbaycan hökumətinə suallar göndərərək iş üzrə araşdırmaya başlayıb.

Polad Aslanov 2019-cu ildə casusluq ittihamı ilə həbs olunub. O, ittihamları rədd edir və bunu korrupsiya ilə bağlı ifşaları ilə əlaqələndirir.

Hüquq müdafiəçiləri onu siyasi məhbus kimi tanıyır. Avropa İnsan Hüquqları Məhkəməsi də onun həbsi ilə bağlı Azərbaycan hökumətinə qarşı qərar çıxarıb.


Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Siyasət

İsa Qəmbərin Azərbaycandan çıxışına məhdudiyyət qoyulub

21 noyabr 2026

Foto: VOA

Müsavat Partiyasının başqanı İsa Qəmbərin Azərbaycandan çıxışına məhdudiyyət qoyulub.  Bu barədə onun özü sosial media hesabında məlumat verib. Siyasətçinin sözlərinə görə, noyabrın 21-ə keçən gecə Berlinə uçmaq üçün Bakı Beynəlxalq Hava Limanına yollansa da, onun ölkəni tərk etməsinə icazə verilməyib. İ.Qəmbər ölkədən çıxışının məhdudlaşdırılması barədə özünə rəsmi izah verilmədiyini yazıb. O, konfransda iştirak üçün Berlinə uçmalı olduğunu bildirib və noyabrın 23-də Azərbaycana qayıdacağını göstərən təyyarə biletini də paylaşımına əlavə edib.  Bu ilin iyununda Müsavat Partiyası Məclisinin sədri Arif Hacılı da Azərbaycanı tərk etmək istəyərkən çıxışına məhdudiyyət qoyulduğunu öyrənib.  Azərbaycanda son illərdə bir sıra müxalif siyasətçilər, jurnalistlər və ictimai fəalların ölkədən...
Siyasət

Elnarə Qasımovanın yazısından: “Rəis qadın məhkumları döyür, yaraları görünməsin deyə “kars”a göndərir”

21 noyabr 2026

Foto: Ülviyyə Əli

4 saylı Cəzaçəkmə Müəssisəsinin rəisi məhkumları “döyür, ardınca cərimə kamerasına (“kars”) göndərir”.  Bu iddia “Abzas Media”nın həbsdə olan jurnalisti Elnarə Qasımovanın sözügedən həbsxanada saxlanılan məhkumlara istinadən qələmə aldığı yazısında yer alıb.  Aprel ayında 4 saylı Cəzaçəkmə Müəssisəsinin rəisi Elgiz İsmayılov ədliyyə naziri Fərid Əhmədovun əmri ilə vəzifəsindən azad olunub. Onun yerinə 5 il əvvəl də bu müəssisəyə rəhbərlik etmiş Vaqif İsmayılov təyin olunub. E.Qasımovanın yazdığına görə, V.İsmayılovun bu müəssisədə ilk rəisliyi 1 il 2 ay çəkib və o, çoxsaylı şikayətlərdən sonra vəzifəsindən azad olunub. O, məhkumlara istinadən əlavə edir ki, V.İsmayılov müəssisəyə qayıtdıqdan sonra məhkumlar önündə ilk çıxışında vaxtilə barəsində...

Seçilmiş Videolar

Toplum TV loqo