Dünya

Tramp: “Venesuela ABŞ-yə 50 milyon barelə qədər neft verəcək”

7 Yanvar, 2026

İllustrasiya: Eddie Marshall

ABŞ prezidenti Donald Tramp Venesuelanın ABŞ-yə 30-50 milyon barel neft verəcəyini deyib.

O, bu barədə yanvarın 6-da "Truth Social" platformasında yazıb.

Trampın sözlərinə görə, neft bazar qiymətinə satılacaq və əldə olunan pul Venesuela və ABŞ xalqlarının "mənafeyi üçün xərclənəcək".

O, planın dərhal icrası üçün Enerji Katibliyinə tapşırıq verdiyini əlavə edib.

Bundan bir gün öncə Venesuelanın vitse-prezidenti Delsi Rodrigez prezidentlik səlahiyyətlərini müvəqqəti icra etmək üçün and içib.

ABŞ-nin böyük neft şirkətlərinin nümayəndələrinin bu həftə Trampla görüşməsi gözlənilir. O, daha öncə bildirmişdi ki, ABŞ şirkətləri Venesuelanın enerji infrastrukturunu bərpa edə bilər.

300 milyard bareldən çox neft ehtiyatı olduğu deyilən Venesuela bununla dünya üzrə birinci yerdədir.

Yanvarın 3-ü səhər saatlarında ABŞ ordusu Karakasa zərbələr endirib, Venesuela prezidenti Nikolas Maduro və həyat yoldaşını tutaraq ABŞ-yə gətirib.

Maduro narkoterrorçuluq və ABŞ-yə qarşı silahlı hücum planında təqsirləndirilir.

Tramp administrasiyası 2013-cü ildən hakimiyyətdə olan Maduronu Venesuelanın legitim prezidenti kimi tanımır.

Maduro ötən il keçirilən səsvermədə yenidən seçildiyini iddia edib, lakin ABŞ və digər Qərb ölkələri həmin seçkini saxta adlandırıb və müstəqil müşahidəçilər seçkilərdə müxalifətin böyük üstünlüklə qalib gəldiyini bildiriblər.

Tramp uzun müddətdir Venesuelanın ABŞ-yə narkotik maddələr ixrac etdiyini iddia edir. ABŞ ordusu bu ölkədən olduğu və narkotik maddə daşıdığı deyilən qayıqlara beynəlxalq sularda zərbələr endirir və bunun nəticəsində onlarla insan həlak olur.

Trampın tənqidçiləri isə qayıqların narkotik maddə daşıdığına dair sübutların olmadığını deyirlər.

Maduro da daha öncə ictimaiyyət önündə çıxışında Trampın əsl məqsədinin onu devirmək və ölkənin neft ehtiyatlarını ələ keçirmək olduğunu deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fərid İsmayılovun azadlığı üçün Avropanın bir neçə şəhərlərində kampaniya keçirilib

Jurnalist Fərid İsmayılovun həbs olunmasından bir il keçir

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

4 erməni məhbus azad olundu: Digərlərini və “siyasi məhbus”ları nə gözləyir?

“Tramp marşrutu” ətrafında suallar: Erməni sərhədçilər görünməyəcək?

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

Redaktorun Tövsiyələri

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

İranda valyuta böhranı fonunda etirazlar: “Hakimiyyət etirazlardan dərs çıxarmasa, daha repressiv olacaq”

Trampın Qəzzada sülh planı hansı mərhələdədir: HƏMAS tərk-silah olacaqmı?

Azərbaycan regionlarında əhali azalır: Rəsmi rəqəmlərin gizlədə bilmədiyi reallıq

Dünya

Maçado Nobel Sülh Mükafatını Trampa verib

16 Yanvar 2026

Foto: Ağ Ev

Venesuelalı müxalif siyasətçi Mariya Korina Maçado ötən il qazandığı Nobel Sülh Mükafatını ABŞ prezidenti Donald Trampa verib. O, bunu yanvarın 15-də Ağ Evdə Trampla görüşdükdən sonra jurnalistlərə deyib. Tramp "Truth Social" platformasında xəbəri təsdiqləyib və Maçadoya "gözəl jestə görə" təşəkkür edib. Tez-tez müxtəlif ölkələrdə müharibələrə son qoyduğunu iddia edən və Nobel Sülh Mükafatını qazanmamağından gileylənən Tramp ötən il mükafat Maçadoya verildikdə narazılığını ifadə etmişdi. Maçado daha öncə Venesuela prezidenti Nikolas Maduronun Trampın əmri ilə amerikalı hərbçilər tərəfindən tutularaq ABŞ-yə gətirilməsini alqışlamış, bunu "insanlıq naminə böyük addım" adlandırmışdı. Maçado 2023-cü ildə Venesuelada müxalif qüvvələrin prezidentliyə namizədi seçmək üçün keçirdiyi seçkidə səslərin...

Davamını oxu

Dünya

ABŞ Qəzzada sülh planının ikinci mərhələsinin başladığını elan edib

15 Yanvar 2026

Foto: Reuters

ABŞ prezidenti Donald Trampın Yaxın Şərq üzrə xüsusi elçisi Stiv Vitkof Qəzza üçün nəzərdə tutulan sülh planının ikinci mərhələsinin başladığını elan edib. O, bu barədə yanvarın 14-də "X" səhifəsində yazıb. Vitkofun sözlərinə görə, bu mərhələdə Qəzzanın demilitarizasiyası, texnokratik idarəetməyə keçid və müharibədən çıxmış bölgənin bərpası nəzərdə tutulub. "İkinci mərhələ Qəzzada keçid dövrü üçün texnokratik Fələstin administrasiyasını — Qəzzanın İdarə Olunması üzrə Milli Komitəni (NCAG) — yaradır və Qəzzanın tam demilitarizasiyasına və bərpasına start verir; əsasən də bütün icazəsiz silahlı şəxslərin tərksilah edilməsini əhatə edir. ABŞ HƏMAS-ın öhdəliklərinə tam şəkildə əməl edəcəyini, o cümlədən sonuncu mərhum girovun dərhal qaytarılmasını gözləyir. Bu...

Davamını oxu