Ölkə

Sumqayıtda və Novxanıda partlayış olub, xəsarət alanlar var

3 Dekabr, 2024

azərtac

Baş Prokurorluqla FHN birgə məlumat yaydı

Dekabrın 3-də saat 06:40 radələrində Sumqayıt şəhəri, 13-cü mikrorayon ərazisində yerləşən 9-cu binada partlayış baş verib, 3 nəfərin xəsarət aldığı deyilir.

TƏBİB-dən verilən məlumata görə, hadisə nəticəsində xəsarət alan 3 nəfər (2 kişi cinsli, 1 qadın cinsli) Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunublar.
“1977, 2007 və 2010-cu il təvəllüdlü şəxslər ağır yanıq xəsarətləri ilə Reanimasiya şöbəsinə yerləşdirilib. Hazırda 1 nəfərin vəziyyəti ağır, digərlərinin vəziyyəti isə orta ağırdır. Təcili tibbi yardım briqadaları hadisə yerindədir”, TƏBİB-dən bildirilir.

Fövqəladə Hallar Nazirliyinin Sumqayıt Regional Mərkəzinin rəisi polkovnik Vaqif Fətullayevin sözlərinə görə, dağıntılar arasında qalanların olması ehtimalı var, axtarışlar davam etdirilir.

İlkin ehtimala görə, partlayış qaz sızmasından olub.

Bundan başqa, bu gün Sumqayıt şəhəri, Sahil küçəsi, Novxanı bağlar massivində yerləşən fərdi yaşayış evində də partlayış baş verib. Hadisənin mərhum şahmatçı Vüqar Həşimovun valideynlərinin yaşadığı evdə baş verdiyi qeyd olunur.

Ailə üzvləri dağıntılar altından xilas edilib.

TƏBİB-in açıqlamasına görə, hadisə nəticəsində xəsarət alan 2 nəfər Sumqayıt Tibb Mərkəzinin nəzdindəki Təcili Tibbi Yardım Xəstəxanasına hospitalizasiya edilib. Reanimasiya şöbəsinə yerləşdirilən 1949-cu il təvəllüdlü şəxsə hər iki aşağı ətrafın və sifətin I, II, III dərəcəli yanığı, 1959-cu il təvəllüdlü şəxsə isə sol bud sümüyünün sınığı, sol əlin yarası diaqnozları qoyulduöu deyilir.

Fövqəladə Hallar Nazirliyi və Baş Prokurorluq hər iki partlayışla bağlə birgə məlumat yayıb. Məlumatda bildirilir ki, faktla bağlı FHN-in Əməliyyat-istintaq idarəsində araşdırma aparılmaqla partlayışların səbəbinin, əhəmiyyət kəsb digər edən halların müəyyən edilməsi istiqamətində zəruri tədbirlər həyata keçirilir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“Abzas Media işi” üzrə materiallar məhkəməyə göndərilib

Rüfət Səfərova daha bir ittiham verildi, 4 ay həbs olundu

Gürcüstanda azərbaycanlılar da etiraza qalxdılar

Həbsdə olan AXCP üzvü aclığa başlayıb

Böyük Britaniya səfiri Rüfət Səfərovun saxlanılmasına görə narahat olduğunu yazır

Almaniya Gürcüstanla əməkdaşlığını dayandırır

Redaktorun Tövsiyələri

İlhamiz Quliyev: “Rəis göstəriş verib ki, gedin, tutun, sürüyün, gətirin, yükləyin”

Zümrüd Yağmurun axtarışa verildiyi deyilir

İqtisadçının ölkədən çıxışına qadağa qoyulub

Yoxsulların sayı artıb, dövlətdən müavinət alan yoxsulların sayı isə sürətlə azalıb

Fərid Mehralızadə Hikmət Hacıyevi daha məsuliyyətli açıqlamalar verməyə çağırıb

Deputat: “Monopoliya ucbatından xeyli insan evinə çörək aparmaqdan məhrum edilir”

Ölkə

Rüfət Səfərov xuliqanlıq və dələduzluqda şübhəli bilinir (Yenilənir)

3 Dekabr 2024

Sosial Media Hesabı

Rüfət Səfərov Cinayət Məcəlləsinin 221.1(xuliqanlıq) və 178.3.2-ci (dələduzluq, külli miqdarda ziyan vurmaqla törədildikdə) maddələri ilə şübhəli şəxs qismində saxlanılıb. Bu haqda Toplum TV-yə onun vəkili Bəhruz Bayramov deyib. Vəkilin sözlərinə görə, 48 saat ərzində ya ona ittiham verilərək məhkəməyə çıxarıla bilər ya da sərbəst buraxılmalıdır. *** Hüquq müdafişəçisi Rüfət Safarov saxlanılıb. Vəkili Elçin Sadıqov deyir ki, hazırda o dindirilir. “Həbs edib gətiriblər Binəqədi Rayon Polis İdarəsinə. Özü deyir ki, avtomobilini qarajda saxlarkən tanımadığı şəxs ona hücum edib, daha sonra işdə şahid qismində çıxış edəcək polislər tökülüşüblər. İndi onu gətiriblər idarəyə. Həmin şəxs də bildirib ki, Rüfətin atasından torpaq alıb, 58...

Davamını oxu

Ölkə

DTX hərbi attaşenin 70 kq qızılı kimlərlə və neçə keçirməsi haqda məlumat yayıb

29 Noyabr 2024

Qafqazinfo

Dövlət Təhlükəsizliyi Xidməti Türkiyədə 70 kq qızılla saxlanıldığı deyilən ABŞ-dakı hərbi attaşe, polkovnik leytenant Qəhrəman Məmmədov haqqında məlumat yayıb. Qəhrəman Məmmədovun digər Azərbaycan vətəndaşı Anar Qasımov və xarici ölkə vətəndaşları ilə sövdələşərək Birləşmiş Ərəb Əmirliklərindən Türkiyəyə daşınan xüsusilə külli miqdarda qızıl külçələrin qaçaqmalçılıq yolu ilə gömrük sərhədindən keçirilməsində iştirak etməsinə əsaslı şübhələr müəyyən edilib, məlumatda deyilir. Qeyd olunur ki, Q.Məmmədov noyabrın 22-də Birləşmiş Ştatlardan Türkiyəyə gəlib, həmin gün Anar Qasımov tərəfindən Birləşmiş Ərəb Əmirliklərindən gətirilmiş və İstanbul Beynəlxalq Hava Limanında gömrük nəzarətindən kənarda yerləşən saxlanc yerinə qoyulmuş, içərisində xüsusilə külli miqdarda qızıl külçələrin olduğu çantanı götürüb. Onun diplomatik pasportdan və...

Davamını oxu