Region

Avropa İttifaqı Ermənistana 270 milyon avro ayıracaq

1 İyul, 2025

599

Foto: sosial media

Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas və Ermənistanın xarici işlər naziri Ararat Mirzoyan iyunun 30-da Yerevanda əməkdaşlıq sazişi imzalayıblar.

Kallasın birgə brifinqdə dediyinə görə, saziş iqtisadi inkişaf, təhlükəsizlik və dayanıqlılıq sahələrini əhatə edir və bu çərçivədə Ermənistana 2027-ci ilədək 270 milyon avroluq yardım ayrılması planlaşdırılır.

O bildirib ki, yardım bizneslərə dəstək göstərməyi, Ermənistanla Aİ arasında əlaqələri inkişaf etdirməyi və bu ölkədəki islahatlara töhfə verməyi hədəfləyir.

“Ermənistan və Aİ heç vaxt indiki qədər yaxın olmayıblar. Biz Ermənistanın Aİ ilə əlaqələri dərinləşdirmək siyasətini yüksək qiymətləndiririk”, - Kallas deyib.

“Bizim münasibətlərimiz iqtisadiyyatla məhdudlaşmır. Biz həm də, Qarabağdan qaçqın düşən əhali də daxil olmaqla, ehtiyacı olan insanları evlə və psixoloji dəstəklə təmin edirik”, - o əlavə edib.

Aİ-nin baş diplomatı, həmçinin, Aİ və Ermənistan arasında viza liberallaşdırılması siyasəti üzrə danışıqların davam etdiyini bildirib.

Kallas Ermənistana səfəri çərçivəsində həm də Azərbaycanla sərhəddə monitorinq aparan Aİ missiyasına baş çəkib və Mirzoyanla iki ölkə arasındakı münasibətləri müzakirə edib.

O brifinqdə deyib ki, Aİ ölkələr arasında münasibətlərin normallaşdırılması prosesini “suverenlik, ərazi bütövlüyü və sərhədlərin toxunulmazlığı prinsiplərinə əsaslanmaqla qəti şəkildə dəstəkləyir”.

Bu ilin martında Ermənistan parlamenti ölkənin Aİ üzvlüyünə qəbul olunması prosesinin başlanması haqqında qanun qəbul edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Fərid İsmayılovun azadlığı üçün Avropanın bir neçə şəhərlərində kampaniya keçirilib

Jurnalist Fərid İsmayılovun həbs olunmasından bir il keçir

"Meydan TV işi" üzrə məhkəmə davam edir: Nurlan Libre müddətsiz aclığa başlayıb

4 erməni məhbus azad olundu: Digərlərini və “siyasi məhbus”ları nə gözləyir?

“Tramp marşrutu” ətrafında suallar: Erməni sərhədçilər görünməyəcək?

Akif Qurbanov: "Hakimiyyətin propaqanda maşınının təqdim etdiyi sübutu təkcə mənim 2 sənədim darmadağın edir"

Redaktorun Tövsiyələri

4 erməni məhbus azad olundu: Digərlərini və “siyasi məhbus”ları nə gözləyir?

Xaçatryanın buraxılmasına ictimai reaksiya hakimiyyəti niyə narahat edib?

ABŞ-nin devirdiyi liderlər

İranda valyuta böhranı fonunda etirazlar: “Hakimiyyət etirazlardan dərs çıxarmasa, daha repressiv olacaq”

Trampın Qəzzada sülh planı hansı mərhələdədir: HƏMAS tərk-silah olacaqmı?

Azərbaycan regionlarında əhali azalır: Rəsmi rəqəmlərin gizlədə bilmədiyi reallıq

Region

Naxçıvanda Duz Muzeyi ləğv edilib

11 Noyabr 2025

Foto: açıq mənbə

Naxçıvan Muxtar Respublikasının Mədəniyyət Nazirliyinin tabeliyində fəaliyyət göstərən Duz Muzeyi ləğv edilib. Bu barədə məlumatı “AZƏRTAC”a nazirliyin mətbuat və ictimaiyyətlə əlaqələr üzrə baş məsləhətçisi Məmməd Hüseynli verib. Onun sözlərinə görə, muzey “Duzdağ” otelinin balanssaxlayıcısının dəyişməsi ilə əlaqədar 2023-cü ildə “Naxçıvanqala” Tarix-Memarlıq Muzey Kompleksinə köçürülüb. “Muzeydəki 138 eksponatın əksəriyyəti duz materialından hazırlanıb. Eksponatlar Naxçıvan Dövlət Tarix Muzeyinə təhvil veriləcək və orada xüsusi guşədə sərgilənəcək. Tarix Muzeyi həm daha çox ziyarətçi qəbul edir, həm də xalqımızın tarixi və mədəni irsinin nümayişi üçün daha uyğun məkandır”, - deyə Hüseynli bildirib. Naxçıvan Duz Muzeyi 2017-ci ilin sentyabrında Naxçıvan MR Ali Məclisi sədrinin sərəncamı ilə...

Davamını oxu

Region

Rusiya Azərbaycana nota verib

1 İyul 2025

Foto: report.az

Azərbaycanın Rusiyadakı səfiri Rəhman Mustafayev Rusiya Xarici İşlər Nazirliyinə (XİN) çağırılıb və Bakının “qeyri-dost hərəkətinə görə” etiraz edilib. Bu barədə Rusiya XİN məlumat yayıb. Məlumatda bildirilir ki, Mustafayev Rusiya xarici işlər nazirinin müavini Mixail Qaluzin tərəfindən qəbul olunub. Notada Rusiya tərəfi ötən gün Bakıda saxlanılan “Sputnik Azərbaycan”ın rusiyalı əməkdaşları İqor Kartavıx və Yevgeni Belusovun həbsdən azad edilməsinin zəruriliyini qeyd edib. “Son günlərdə Yekaterinburqda Azərbaycan əsilli Rusiya vətəndaşlarının saxlanılması ilə bağlı vəziyyətə gəlincə, Rusiya hüquq-mühafizə orqanları tərəfindən əvvəlki illərdə Rusiya ərazisində, o cümlədən Azərbaycan vətəndaşlarına qarşı törədilmiş ağır cinayətlər faktı üzrə cinayət işlərinin istintaqı çərçivəsində Rusiya qanunvericiliyinə uyğun olaraq istintaq hərəkətlərinin...

Davamını oxu