Region

Paşinyanın partiyası seçkilərdə böyük üstünlüklə qələbə qazanıb

8 İyun, 2026

Ermənistan baş naziri Nikol Paşinyanın “Vətəndaş Müqaviləsi” partiyası 7 iyunda keçirilən parlament seçkilərində böyük üstünlüklə qələbə qazanıb.

Ermənistanın Mərkəzi Seçki Komissiyasının məlumatına əsasən, səslərin 90 faizdən çoxu hesablandıqdan sonra “Vətəndaş Müqaviləsi” partiyası təxminən 49,81 faiz nəticə göstərib.

Bu göstərici Paşinyanın partiyasının parlamentdə çoxluğu əldə etməsinə imkan yaradacaq.

MSK nəticələrinə görə, parlamentə iki əsas müxalifət bloku da daxil olur. Bunlar “Güclü Ermənistan” və “Ermənistan” bloklarıdır. Hər iki siyasi qüvvə Rusiya yönümlü mövqeləri ilə tanınır.

İlkin nəticələrə əsasən, “Güclü Ermənistan” alyansı təxminən 23 faiz səslə ikinci yerdə qərarlaşıb. Keçmiş prezident Robert Koçaryanın rəhbərlik etdiyi “Ermənistan” bloku isə təxminən 10 faiz səs toplayıb.

Qaqik Tsarukyanın rəhbərlik etdiyi “Çiçəklənən Ermənistan” partiyası 4 faizlik baryer ətrafında nəticə göstərib və parlamentə keçib-keçməyəcəyi hələlik məlum deyil.

MSK həmçinin bildirib ki, digər siyasi qüvvələr parlamentə keçmək üçün tələb olunan baryeri aşmayıb.

Erkən mərhələdə (səslərin təxminən 10 faizinin hesablandığı vaxt) “Vətəndaş Müqaviləsi” partiyası 54 faizdən çox nəticə ilə öndə olub və baş nazir Nikol Paşinyan həmin mərhələdə qələbə elan edib. Lakin sonrakı sayımlarda göstəricilər azalıb və 50 faizə yaxınlaşan nəticə ilə sabitləşib.

Ümumilikdə parlament seçkilərində 1 476 597 nəfərin səs verdiyi deyilir.

Yekun nəticələrin MSK tərəfindən təsdiqlənməsindən sonra parlamentdə mandat bölgüsü rəsmiləşdiriləcək.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Kərimə dövləti" qurmağa cəhddə ittiham olunan inanclı fəal aclıq edir

Almaniyadan Tacikistana göndərilən müxalifət fəalı ölkəyə çatan kimi saxlanılıb

Qəzza rəsmiləri: "Atəşkəsdən bəri 1000-dən çox sakin öldürülüb"

Ombudsmana zəngə görə həbs edilən şəxs Avropa Məhkəməsinə üz tutub

Akif Qurbanov hakimə: "Sanki Əliyevin sifarişi ilə həbs olunmağımıza baxmayaraq, ədalətli məhkəmə aparacaqdınız"

Ramil Babayev ədliyyə nazirinə: “Təcridxananın rəis müavininin qanundan kənara çıxmasının qarşısını alın”

Redaktorun Tövsiyələri

Dövlət borcunun görünməyən tərəfi: Təminat Fondunun resursları niyə tükənir?

300 milyardlıq fond, sanksiyaların ləğvi, aktivlərin qayıdışı: İran qalib sayıla bilər?

İcra hakimiyyəti: "Bayırşəhərdə binaların memarlıq abidələri siyahısından çıxarılması üçün tədbirlər görülür"

Azərbaycana turist axını azalır: Milyonlarla manatlıq təşviqat niyə nəticə vermir?

Akif Qurbanovla müsahibə: “‘Tək adam’ rejiminin sahibi Əliyevi daşı ətəyindən tökməyə səsləyirəm”

İcbari Tibbi Sığorta Fonduna ödənişlər niyə azalır?

Region

Paşinyan Hacıyevin Ermənistan səfərini sülh gündəliyi üçün mühüm addım adlandırıb

19 İyun 2026

Nikol Paşinyanın sosial media hesabından

Ermənistanın baş naziri Nikol Paşinyan Azərbaycan prezidentinin köməkçisi Hikmət Hacıyevin ölkəsinə səfərini sülh prosesində dinamikanın qorunması baxımından mühüm hadisə kimi qiymətləndirib. Baş nazir bu barədə iyunun 18-də keçirilən brifinqdə çıxışı zamanı danışıb. Paşinyan bildirib ki, o, Təhlükəsizlik Şurasının katibi Armen Qriqoryana Hacıyevlə görüşün zəruriliyini müzakirə etməyi tapşırıb. “Biz həm Azərbaycan, həm də Ermənistanın ekspert dairələrində vəziyyətin gərginləşməsinə səbəb ola biləcək müəyyən tendensiyalar müşahidə etdik. Məsuliyyətimizdən irəli gələrək bu risklərin idarə olunması ilə məşğuluq”, - Paşinyan deyib. Hikmət Hacıyev iyunun 14-də Ermənistanın şimalındakı Dilican şəhərində Armen Qriqoryanla görüşüb. Bu, Hacıyevin Ermənistana ilk işgüzar səfəri olub. Eyni zamanda, 2025-ci ilin avqustunda tərəflərin...

Davamını oxu

Region

Ermənistanda MSK müxalif namizədlərin həbsinə razılıq verib

18 İyun 2026

Sosial media

Ermənistan Mərkəzi Seçki Komissiyası ölkənin sabiq prezidenti, "Ermənistan" alyansının lideri Robert Koçaryana qarşı ittiham irəli sürülməsinə rəsmi razılıq verib. “Azadlıq Radiosu”nun Ermənistan xidmətinin verdiyi məlumata görə, qərar "Ermənistan" alyansının üzvləri Asatur Koçaryan və Ruslan Barseqyan, eləcə də "Güclü Ermənistan" blokunun üzvləri David Kazinyan və Aşot Yeqiazaryana da aiddir. Komissiya bir neçə gündür ki, prokurorluğun müxalif siyasətçilərlə bağlı vəsatətlərini nəzərdən keçirir. Bildirilir ki, Robert Koçaryan vəzifə səlahiyyətlərindən sui-istifadə və çirkli pulların yuyulmasında ittiham olunur. Vəkili Aram Orbelyanın sözlərinə görə, işlərdən biri 2004-cü ildə "Master-Class" tennis kortunun sahibi olan şirkətlə torpaq sahəsinin icarəsinə dair bağlanmış müqavilə ilə bağlıdır. Vəkil bildirib ki, Koçaryanın...

Davamını oxu