Siyasət

Almaniya kansleri: Dron uçuşlarının arxasında Rusiya dayana bilər

6 Oktyabr, 2025

Foto: Jens Krick

Almaniya kansleri Fridrix Merts "ARD"-yə verdiyi müsahibədə bildirib ki, bu yaxınlarda Almaniya, Norveç və Danimarka üzərində müşahidə olunan dron uçuşlarının əksəriyyətinin arxasında Rusiya dayana bilər.

"İctimaiyyəti arxayın edə bilərəm ki, indiyədək dronlardan istifadə ilə bağlı heç bir insident və ya qəza baş verməyib. Yalnız casusluq və ictimaiyyəti təşvişə salmaq cəhdləri olub", - o deyib.

Merts qeyd edib ki, Almaniyada dronlardan müdafiə üçün məsuliyyət polisə məxsusdur, lakin polis bu funksiyanı yerinə yetirmək üçün kifayət qədər təchiz olunmayıb.

"Buna görə də hökumət Federal Polis Qanununa dəyişikliklər etməyə hazırlaşır. Bundan əlavə, Hava Məkanı Təhlükəsizliyi Qanununa da düzəliş ediləcək ki, ordunun dronlara qarşı mübarizə səlahiyyətləri daha aydın şəkildə müəyyənləşdirilsin", - o əlavə edib.

Sentyabrın 22-si axşamı Kopenhagendəki Kastrup Hava Limanı və Oslodakı Qardermoen Hava Limanı naməlum dronlara görə bir neçə saatlıq uçuşları dayandırmağa məcbur olublar. Bir neçə gün sonra dronlar Danimarkanın digər şəhəri Olborq Hava Limanının da fəaliyyətini dayandırmasına səbəb olub.

Danimarka hakimiyyət orqanları dronların Rusiya ilə əlaqəli ola biləcəyini istisna etməyiblər.

Oktyabrın 2-dən 3-nə keçən gecə Münhen Hava Limanı da bir neçə dronla bağlı məlumatlara görə uçuşları dayandırıb. Nəticədə 3,000-ə yaxın sərnişinin olduğu 17 reys Münhendən başqa istiqamətlərə yönləndirilib.

Oktyabrın 6-na keçən gecə isə Osloda yerləşən hava limanı yenidən dron xəbərlərinə görə fəaliyyətini dayandırıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Qreta Tunberq İsraildən deportasiya edilib

Fazil Mustafaya sui-qəsd etdiyi deyilən şəxsin oğlu hakim qarşısında

Tibb üzrə Nobel mükafatı laureatları məlum olub

Fransanın baş naziri vəzifəyə başlayandan 27 gün sonra istefa verib

Gürcüstanda seçkidən sonra həbslər davam edir

HƏMAS israilli əsirləri azad etməyə hazır olduğunu bildirib

Redaktorun Tövsiyələri

“Abzas Media” jurnalistlərinin Lənkərana köçürülməsi qanunauyğundurmu?

Azərbaycanda rəsmi 5 faiz işsizlik göstəricisi gerçəyi əks etdirirmi?

Jurnalistlərə və QHT fəallarına qarşı “leqallaşdırma” ittihamı qanunidirmi?”

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

Siyasət

Qreta Tunberq İsraildən deportasiya edilib

6 Oktyabr 2025

Foto: İsrail XİN

İsveçli iqlim fəalı Qreta Tunberq də daxil olmaqla 171 fəal İsraildən deportasiya edilib. Bu barədə İsrail Xarici İşlər Nazirliyi oktyabrın 6-da xəbər verib. Məlumata görə, onlar İsraildən Yunanıstan və Slovakiyaya deportasiya olunublar. Fəalların, əsasən, Avropa ölkələri və ABŞ vətəndaşları olduğu bildirilir. "Bu PR aksiyasında iştirak edənlərin bütün hüquqları tam şəkildə qorunub və qorunmaqda davam edəcək. Onların yaydığı yalanlar əvvəlcədən planlaşdırılmış saxta xəbər kampaniyasının bir hissəsidir. Yeganə zorakı insident “Hamas–Sumud” təxribatçılarından birinin Ketsiyot həbsxanasında qadın tibb işçisini dişləməsi olub. Onların yaydığı saxta xəbərlərə inanmayın", - İsrail tərəfi açıqlamada bildirib. Tunberq və fəalların sıralarında olduğu, Qəzza sakinləri üçün beynəlxalq yardım təşəbbüsü olan...

Davamını oxu

Siyasət

Fransanın baş naziri vəzifəyə başlayandan 27 gün sonra istefa verib

6 Oktyabr 2025

Foto: AP

Fransanın baş naziri Sebastien Lekornu vəzifəyə başlamasından cəmi bir neçə həftə sonra istefa verib. Fransa prezidentinin ofisindən verilən açıqlamada bildirilir ki, prezident Emmanuel Makron oktyabrın 6-da müttəfiqi olan Lekornunun istefasını qəbul edib. Təyinatından təxminən bir ay sonra Lekornu oktyabrın 5-i axşam yeni hökumətin tərkibini açıqlamışdı. Nazirlər Kabinetinin ilk iclası oktyabrın 6-ı günorta saatlarında keçirilməli idi, lakin hökumətin tərkibi həm müxalifətin, həm də tərəfdarların narazılığına səbəb olub. Xüsusilə Lekornunun keçmiş maliyyə nazirini müdafiə naziri vəzifəsinə gətirməsi tənqid hədəfi olub. Digər əsas vəzifələr isə əvvəlki kabinetdən dəyişməyib. Mühafizəkar Bruno Retiyo daxili işlər naziri olaraq qalıb. Jan-Noel Barro xarici işlər naziri vəzifəsində qalıb,...

Davamını oxu