Siyasət

Gürcüstanda azərbaycanlı namizəd hakim partiya namizədinin xeyrinə seçkidən çəkilib

23 Sentyabr, 2025

Foto: sosial media

Gürcüstanın Bolnisi rayonunda mer vəzifəsinə seçkidə müxalif Lelo Partiyasının namizədi olan Asəf Çıraqov hakim partiyanın namizədinin xeyrinə seçkidən çəkilib.

Çıraqov sentyabrın 22-də "Facebook" səhifəsində namizədliyini geri götürdüyünü elan edib.

O bildirib ki, namizədliyi qəbul etməsinin səbəbi "doğma bölgəsinə xidmət etmək üçün öz bacarıqlarını istifadə etmək istəyi" olub. Lakin onun sözlərinə görə, çox keçmədən “müəyyən şəxslərin” onun “resurslarını və səmimi niyyətlərini siyasi maraqlar” üçün istismar etməyə çalışdığını anlayıb.

Çıraqov konkret nəyi nəzərdə tutduğunu izah etməyib.

“Digər tərəfdən, əminəm ki, Gürcü Arzusunun namizədi cənab Zamur Çitanava qalib gəldikdə, doğrudan da Bolnisinin inkişafına qayğı göstərəcək və bələdiyyə sakinlərinin maraqlarını qoruyacaq”, — o əlavə edib.

Lelo Partiyasının icraçı katibi İrakli Kupradze sentyabrın 23-də bildirib ki, Çıraqov namizədliyini geri götürəndən bir neçə gün əvvəl yaxın qohumu olan polis əməkdaşı onunla əlaqə saxlayaraq namizədliyini geri götürməsi müqabilində pul təklif edib, lakin Çıraqov bunu rədd edib.

“Çıraqov Gürcü Arzusunu Rusiya rejimi hesab edir və bizə xəbərdarlıq etdi ki, Gürcü Arzusu digər bələdiyyələrdə də rüşvət, təhdid və şantaj cəhdlərini davam etdirir”, — Kupradze qeyd edib.

"Dörd gün sonra Asəf Çıraqov namizədliyini geri götürdü. Açıq şəkildə deməliyik ki, onun qarşısında rüşvət cəhdi uğursuz olduqda, daha zorakı və güclü təzyiq, ya da şantaj cəhdi ona qarşı tətbiq olunub”, — o əlavə edib.

Kupradzeyə görə, son həftələrdə Lelo “xüsusilə intensiv təzyiq, təhdid, şantaj və rüşvət cəhdləri ilə” üzləşib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Ölkəyə 41 qızıl külçə keçirməkdə ittiham olunan gömrükçüyə 5 il cəza verilib

Ərdoğan: HƏMAS terror təşkilatı deyil

Tramp hamilə qadınlara parasetamol qəbul etməməyi məsləhət görüb

Şəmşad Ağa yazır: Azərbaycanın ədliyyə sistemi metastaz verib: məhkəməsində ədalət, tibb ocağında səhiyyə yoxdur

"Abzas"çılar hələ də cəzaçəkmə müəssisəsinə köçürülməyib

Anar Məmmədli: Prokurorluq 12 səhifəlik cümlə yazmaq təcrübəsi inkişaf etdirib

Redaktorun Tövsiyələri

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Siyasət

Ruslan İzzətli: Hakimiyyət tənqidçilərlə stalinizm metodları ilə mübarizə aparır

22 Sentyabr 2025

Foto: sosial media

Siyasətçi, III Respublika Platformasının qurucu heyət üzvü Ruslan İzzətli sentyabrın 22-də Bakı Ağır Cinayətlər Məhkəməsində “Toplum TV işi“ üzrə keçirilən prosesdə ifadə verib. O bildirib ki, həbsi siyasi sifariş əsasında həyata keçirilib və hakimiyyət uzun illər ona qarşı təyziqləri davam etdirib. Ruslan İzzətli deyib ki, ilk cəza sağlamlığında problemlərin olmasına baxmayaraq məcburi hərbi xidmətə aparılması ilə olub. O əlavə edib ki, buna səbəb 2020-ci ildə keçirilən parlament seçkilərindəki fəaliyyəti ilə bağlı olub: “Hakimiyyət düşünürdü ki, məni hərbi xidmətə göndərməklə siyasətdən çəkilməyə məcbur edəcək. Ona görə də ordudan “cərimə batalyonu” kimi istifadə etdi. Saxta sənədlə məni hərbi xidmətə göndərdi. Göndəriş üçün...

Davamını oxu

Siyasət

Finlandiya prezidenti: Avropa Rusiya ilə müharibəyə hazır olmalıdır

22 Sentyabr 2025

Foto: presidentti.fi

Finlandiya prezidenti Aleksandr Stab deyib ki, Avropa Rusiya ilə müharibəyə hazır olmalıdır. O, bunu İngiltərənin "The Guardian" qəzetinə müsahibəsində, Ukrayna üçün təhlükəsizlik zəmanətlərindən danışarkən bildirib. Prezident qeyd edib ki, Ukrayna üçün müzakirə olunan təhlükəsizlik zəmanətləri gələcəkdə Moskvanın Ukraynaya qarşı yenidən hərbi əməliyyata başlayacağı halda Avropa ölkələrini Rusiya ilə vuruşmağa məcbur edəcək. “Əslində təhlükəsizlik zəmanətləri çəkindirici vasitədir. Bu çəkindirici təsirin inandırıcı olması üçün isə o, güclü olmalıdır,” – Stubb bildirib. O əlavə edib ki, zəmanətlər yalnız gələcəkdə Ukrayna və Rusiya arasında sülh razılaşması əldə edildikdən sonra qüvvəyə minəcək. Lakin Stab vurğulayıb ki, Rusiyanın zəmanətlərin formatında söz haqqı yoxdur. “Rusiyanın müstəqil bir...

Davamını oxu