Siyasət

Helsinki Komitəsi Azərbaycan hakimiyyətini Şahnaz Bəylərqızını azad etməyə çağırıb

10 Fevral, 2025

Şahnaz Bəylərqızı/şəxsi arxiv

"Şahnaz Bəylərqızı son aylarda həbs olunan səkkizinci qadın jurnalist oldu"

Norveçin Helsinki Komitəsi (NHC) Azərbaycan hökumətinə səslənən bəyanat yayıb.

NHC bəyanatda Azərbaycan hakimiyyətini ötən həftə həbs edilən jurnalistlər Şahnaz Bəyləqızı və Şəmşad Ağanı dərhal azad etməyə çağırıb.

Komitə bildirir ki, Azərbaycanda iki tanınmış jurnalist hakimiyyət orqanları tərəfindən saxta ittihamlarla həbs edilib.

Komitə təəssüflə qeyd edir ki, Şahnaz Bəylərqızı son aylarda həbs olunan səkkizinci qadın jurnalist oldu:

“Bəylərqızı və keçmiş həmkarı Şəmşad 2024-cü ildə qapadılan müstəqil media orqanı olan Toplum TV-də birlikdə çalışıblar. NHC haqısz həbs edilmiş jurnalistləri və hüquq müdafiəçilərini dərhal və qeyd-şərtsiz azad etməyə çağırır”.

"Toplum TV"də aparıcı və redaktor işləmiş jurnalist Şahnaz Bəylərqızı (Hüseynova) fevralın 5-də “Toplum TV” işi üzrə şübhəli şəxs qismində saxlanılıb, onun mənzilində axtarış aparılıb, evdən elektron əşyalar götürülüb.

Fevralın 6-da isə Xətai rayon Məhkəməsində onun barəsində 3 ay 15 gün müddətində həbs-qətimkan tədbiri seçilib.

Fevralın 4-dən 5-nə keçən gecə arqument.az saytın baş redaktoru, jurnalist Şəmşad Ağa (Ağayev) saxlanıb.

Jurnalistin yaxınları deyir ki, gecə saat 2-də onun Bakı şəhərində yaşadığı evdə axtarış aparılıb: "Şəmşadın köhnə telefonunu, kompüteri, modemi, jurnalist vəsiqələrini götürüblər".

Ümumilikdə 2023-cü ilin noyabrından başlayaraq Azərbaycanda qruplar halında təxminən 30 jurnalist, ictimai fəal qaçaqmalçılıq ittihamı ilə həbs edilib. Lakin onların heç biri ittihamla razılaşmır, bunu peşə fəaliyyətləri və siyasi sifariş ilə izah edirlər.

Yerli hüquq-müdafiə təşkilatlarının hazırladıqları siyahılara görə, hazırda Azərbaycan həbsxanalarında 300-dən çox siyasi məhbus var. Rəsmilər isə, bir qayda olaraq, vurğulayırlar ki, ölkədə heç kim sırf peşə fəaliyyəti ilə bağlı, siyasi əsaslar ilə həbs edilmir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Anar Əliyev məhkəmədə Fazil Qasımovu və vəkilini ölümlə hədələyib

Məhkəmə jurnalistin şikayətini icraata götürməyib

7 körpənin öldüyü yanğına görə TƏBİB ittiham olundu

“Abzas Media”nın həbsdə olan əməkdaşları məhkəmədə iştirakdan imtina ediblər

Gürcüstan məhkəməsi etiraz aksiyasında iştirak edən müğənnini 1800 dollar cərimələyib

Vardanyan hakimlərdən narazıdır: “Obyektiv deyillər”

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Siyasət

Məhkəmə jurnalistin şikayətini icraata götürməyib

11 Fevral 2025

Ülviyyə Əli/şəxsi arxiv

“Meydan TV işi”nə görə ölkədən çıxışına qadağa qoyulan “Amerikanın Səsi”nin jurnalisti Ülviyyə Əlinin (Quliyeva) şikayəti Xətai Rayon Məhkəməsi tərəfindən icraata götürülməyib. Bu barədə jurnalist özü məlumat yayıb. “Məhkəmə işə mahiyyəti üzrə baxmaqdan imtina etdi. Bu da o deməkdir ki, sərbəst hərəkət hüququmdan əlavə, mənim məhkəməyə çatımlılıq hüququm da pozulur”, Ü.Əli qeyd edib. Jurnalist qərarda apellyasiya şikayəti verəcəyini bildirib. “Əslində, məhkəmə işi icraata götürüb şikayətimə mahiyyəti üzrə baxmalıdır və qərar qəbul etməlidir ki, mənim ölkədən çıxışıma qoyulan qadağa qanunsuzdur. Mən işdə şahidəm və Miqrasiya Qanununun 9-cu maddəsinə görə şahidin ölkədən çıxışına qadağa qoyula bilməz, ancaq təqsirləndirilən şəxs barəsində belə bir qadağa...

Davamını oxu

Siyasət

“Abzas Media”nın həbsdə olan əməkdaşları məhkəmədə iştirakdan imtina ediblər

11 Fevral 2025

Abzas Media

“Abzas Media”nın həbsdə olan əməkdaşları fevralın 11-nə təyin edilən məhkəmə prosesində iştirakdan imtina ediblər. Onlar buna səbəb kimi saxlandıqları 1 saylı Bakı İstintaq Təcrdxanasında onlara qarşı zorakılıq və qeyri-insani rəftarla bağlı şikayətlərin məhkəmə tərəfindən araşdırılmamasını göstəriblər. “Abzasçılar”ın bu gün yaydığı bəyanatda zorakılıq törətdiyi iddia edilən təcridxana əməkdaşlarının hələ də cəzalandırılmadığı deyilir: “Bu, o deməkdir ki, bizə qarşı belə davranışın göstərilməsini hökumət sifariş edir. Səbəb də təcridxanada baş verən qanunsuzluqları ictimailəşdirməyimizdir. Biz heç bir halda qanunsuzluqlara göz yummayacağıq”. “Abzasçılar” dəfələrlə təcridxanada baş verən çoxsaylı qanun pozuntuları və onlara qarşı fiziki, psixoloji zorakılıq törədilməsi barədə məlumat yayıblar. Ötən ilin noyabrında nəşrin qadın...

Davamını oxu