Siyasət

İsrail influenserlərə hər sosial media postuna görə 7 min dollar ödəyir

3 Oktyabr, 2025

162

Foto: Avi Ohayon

İsrail hökuməti hər sosial media postuna görə amerikalı influenserlərə təxminən 7 min ABŞ dolları ödəyir.

ABŞ-nin Kuinsi İnstitutu bu ölkənin "xarici agentlər" qanunvericiliyinə əsasən aidiyyəti qurumlara təqdim olunmuş sənədlərə istinadən bu rəqəmi açıqlayıb.

Sənədlərdən görünür ki, İsrail Xarici İşlər Nazirliyi ilə çalışan "Bridges Partners" şirkəti “İnfluenser Kampaniyası” ilə bağlı bir sıra hesab-fakturalar hazırlayıb.

Hesab-fakturalarda bu ilin iyun ayından başlayaraq noyabrda başa çatması nəzərdə tutulan sosial media layihəsi üçün ümumilikdə 900 min ABŞ dolları ayrıldığı görünür.

Layihənin reallaşdırılması üçün ABŞ-də yaşayan 14-18 nəfərlik influenser qrupu ilə işləmək nəzərdə tutulub.

Sənəddə qeyd olunur ki, layihənin büdcəsi həm influenserlərə ödənişlər, həm də sosial media məzmunu istehsalı üçündür, lakin bunların arasında dəqiq bölgü göstərilmir. 16 sentyabr tarixinədək olan inzibati istehsal xərcləri — hüquqi, bank, marketinq xərcləri və digər layihə xidmətləri - nəzərə alındıqda, iyun-sentyabr ayları üçün influenserlərə 552,946 ABŞ dolları ayrıldığı məlum olur.

Şirkət bu qrupdan həmin müddətdə sosial mediada 75-90 paylaşım etməsini gözlədiyini bildirib. Kuinsi İnstitutunun hesablamalarına görə, bu, hər paylaşım üçün aşağısı 6,143 dollar edir, yuxarı həddə isə hər bir influenser paylaşım başına 7,372 dollar qazana bilər.

İsrail baş naziri Benyamin Netanyahu da bu həftə ABŞ-yə səfəri çərçivəsində influenserlərlə görüşüb.

Nyu-Yorkda İsrail konsulluğunda baş tutan görüşdə Netanyahu "informasiya müharibəsi"ndə mübarizə aparmağın önəmindən danışıb.

"Siz mübarizə aparmalısınız. Əgər bu həyatı yaşayırıqsa, onun mənası mübarizə aparmaqdadır. Əgər siz mübarizənin başında getsəniz, "təqibçi"ləriniz də olacaq", - baş nazir deyib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

17 İyul 2026

azernews.az

"Azərbaycanla Rusiya mürəkkəb mərhələni geridə qoyub, münasibətlər tam normallaşıb." APA-nın xəbərinə görə, bunu xarici işlər naziri Ceyhun Bayramov Rusiya xarici işlər naziri Sergey Lavrovla Moskvada birgə mətbuat konfransında deyib. "Xüsusilə qeyd etmək istərdim ki, bu normallaşma ölkələrimizin rəhbərlərinin şəxsi mövqeyi sayəsində mümkün olub", - o əlavə edib. Lavrov da qeyd edib ki, nazirlər səviyyəsində aparılan danışıqlar prezidentlər arasındakı dialoqun davamıdır. "Bütün bunlar həyatda qaçılmaz olan və dövri olaraq yaranan çətinliklərə baxmayaraq, 2022-ci il fevralın 22-də imzaladığımız müttəfiqlik qarşılıqlı fəaliyyəti haqqında Moskva Bəyannaməsinin potensialını tam şəkildə həyata keçirməyə doğru irəlilədiyimizi göstərir”, - o əlavə edib. Azərbaycan və Rusiya arasında münasibətlər 2024-cü...

Davamını oxu

Siyasət

Qadın məhbuslar üçün aclıq edən inanclı fəallar "kars"a salınıb

17 İyul 2026

Toplum TV

Umbakı Penitensiar Kompleksində aclıq aksiyası keçirən inanclı fəallar cərimə kamerasına ("kars") salınıb. Bu barədə jurnalist Arzu Abdulla məhbuslardan birinin ailə üzvlərinə istinadən məlumat yayıb. Müsəlman Birliyi Hərəkatının (MBH) üzvləri Süleyman Ələkbərov, Vəli Allahverdiyev, Vüqar Alıyev və Elvin Zeynalov "siyasi məhbus" kimi tanınan qadınlar üçün aclıq aksiyasına başlamışdı. İlk üç inanclı iyulun 11-də, E.Zeynalov isə iyulun 13-də aclığa başlayıb. Onlar həbsdə olan 9 qadın jurnalistin, eləcə də 6 inanclı qadın fəalın azadlığa buraxılmasını tələb edirlər. Qadın jurnalistlər son üç il ərzində "Abzas Media" və "Meydan TV"-yə qarşı cinayət işləri üzrə həbs olunub. Onlar qaçaqmalçılıq, vergidən yayınma, qanunsuz sahibkarlıq kimi əməllərdə ittiham...

Davamını oxu