Siyasət

Kobaxidze: ABŞ Gürcüstanda çevriliş cəhdini qınamalıdır

9 Oktyabr, 2025

171

Foto: Georgia Today

Gürcüstan baş naziri İrakli Kobaxidze ABŞ Dövlət Departamentini oktyabrın 4-də Tbilisidə baş tutmuş, özünün "çevrilişə cəhd" adlandırdığı etirazı qınamağa çağırıb.

O, oktyabrın 8-də brifinqdə deyib ki, ABŞ bunu etməklə ölkəsində çevriliş etmək kimi maraqlarının olmadığını sübut etməlidir.

Kobaxidzenin sözlərinə görə, ABŞ həm də sübut etməlidir ki, “dərin dövlət”in təsiri altında deyil, Amerika xalqının obyektiv maraqlarına uyğun şəkildə hərəkət edir.

ABŞ Dövlət Departamenti isə oktyabrın 7-də təsdiqləyib ki, Gürcüstanın ABŞ-dəki səfiri Tamar Taliaşvili Tailanddakı ABŞ səfirliyi vasitəsilə Gürcüstanda “radikalları maliyyələşdirmək” ittihamları ilə bağlı çağırılıb. Bundan əvvəl Kobaxidze səfirin çağırılması barədə xəbərləri “yalan” adlandırmışdı.

Dövlət Departamenti "Netgazeti"-yə verdiyi yazılı açıqlamada bildirib ki, səfirin ilkin çağırılması Gürcüstan hökumət rəsmilərinin “ABŞ hökumətinin keçmiş əməkdaşlara etdiyi adi maliyyə köçürmələrini təhrif edən bəyanatları” ilə bağlı olub.

“İzah tələb etmək əvəzinə, Gürcüstan hökumətinin yüksək vəzifəli rəsmiləri media tərəfindən yayılan bu yalan məlumatı dövriyyəyə buraxmağı üstün tutdular və bununla da ABŞ səfirliyinin keçmiş və hazırkı əməkdaşları üçün təzyiq və qorxu mühiti yaratdılar”, – Dövlət Departamenti bildirib.

Departament əlavə edib ki, Tailanddakı ABŞ səfirliyi vasitəsilə vəsaitlərin bölüşdürülməsi “adi, şəffaf” xarakter daşıyır və “ABŞ-nin və ev sahibi ölkənin qanun və qaydalarına tam uyğun şəkildə həyata keçirilir”.

Oktyabrın əvvəlində Gürcüstanın Dövlət Təhlükəsizliyi Xidmətinin (DTX) rəhbəri Mamuka Mdinaradze iddia etmişdi ki, Tailanddakı ABŞ səfirliyinin “Gürcüstanda anti-Çin məqsədləri üçün maliyyələşdirilən şəxsləri var”.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

17 İyul 2026

azernews.az

"Azərbaycanla Rusiya mürəkkəb mərhələni geridə qoyub, münasibətlər tam normallaşıb." APA-nın xəbərinə görə, bunu xarici işlər naziri Ceyhun Bayramov Rusiya xarici işlər naziri Sergey Lavrovla Moskvada birgə mətbuat konfransında deyib. "Xüsusilə qeyd etmək istərdim ki, bu normallaşma ölkələrimizin rəhbərlərinin şəxsi mövqeyi sayəsində mümkün olub", - o əlavə edib. Lavrov da qeyd edib ki, nazirlər səviyyəsində aparılan danışıqlar prezidentlər arasındakı dialoqun davamıdır. "Bütün bunlar həyatda qaçılmaz olan və dövri olaraq yaranan çətinliklərə baxmayaraq, 2022-ci il fevralın 22-də imzaladığımız müttəfiqlik qarşılıqlı fəaliyyəti haqqında Moskva Bəyannaməsinin potensialını tam şəkildə həyata keçirməyə doğru irəlilədiyimizi göstərir”, - o əlavə edib. Azərbaycan və Rusiya arasında münasibətlər 2024-cü...

Davamını oxu

Siyasət

Qadın məhbuslar üçün aclıq edən inanclı fəallar "kars"a salınıb

17 İyul 2026

Toplum TV

Umbakı Penitensiar Kompleksində aclıq aksiyası keçirən inanclı fəallar cərimə kamerasına ("kars") salınıb. Bu barədə jurnalist Arzu Abdulla məhbuslardan birinin ailə üzvlərinə istinadən məlumat yayıb. Müsəlman Birliyi Hərəkatının (MBH) üzvləri Süleyman Ələkbərov, Vəli Allahverdiyev, Vüqar Alıyev və Elvin Zeynalov "siyasi məhbus" kimi tanınan qadınlar üçün aclıq aksiyasına başlamışdı. İlk üç inanclı iyulun 11-də, E.Zeynalov isə iyulun 13-də aclığa başlayıb. Onlar həbsdə olan 9 qadın jurnalistin, eləcə də 6 inanclı qadın fəalın azadlığa buraxılmasını tələb edirlər. Qadın jurnalistlər son üç il ərzində "Abzas Media" və "Meydan TV"-yə qarşı cinayət işləri üzrə həbs olunub. Onlar qaçaqmalçılıq, vergidən yayınma, qanunsuz sahibkarlıq kimi əməllərdə ittiham...

Davamını oxu