Siyasət

“Kəmərsıxma” əməliyyatı hökumətdən maliyyələşən media və QHT-lərə də çatıb

17 Noyabr, 2025

326

Foto: Toplum TV

2026-cı ilin dövlət büdcəsi ilə bağlı bəzi detallar məlum olub və bu detallar Qeyri Hökumət Təşkilatlarına (QHT), eləcə də rəsmi informasiyaların yayılmasına məsul qurumlara ayrılan vəsaitin azaldığını göstərir.

İlk olaraq, dövlət informasiya agentliyi “AZƏRTAC”-ın maliyyəsinin əhəmiyyətli dərəcədə ixtisar edilməsi diqqət çəkir. Belə ki, 2025-ci ildə büdcədən quruma 9,1 milyon manat ayrıldığı halda, gələn il üçün bu məbləğ təxminən 22 faiz - 2 milyon manat azaldılaraq 7,1 milyon manata endirilib.

Bakının mərkəzində böyük binaya sahib “Azərbaycan Nəşriyyatı” MMC-yə isə ümumiyyətlə vəsait ayrılmayıb. Halbuki 2025-ci ildə bu quruma təxminən 2,3 milyon manat vəsait nəzərdə tutulmuşdu.

Dövlət büdcəsindən iri həcmdə maliyyə alan iki əsas televiziya qurumunun - Azərbaycan Dövlət Televiziyası”(AzTV) və “İctimai TV”-nin (İTV) maliyyəsi isə demək olar, dəyişməz qalıb. Gələn il üçün AzTV-yə 42,4 milyon manat, İTV-yə isə 21,8 milyon manat ayrılması planlaşdırılır.

Media Agentliyinin də büdcəsi ciddi şəkildə ixtisar olunub. Bu quruma ayrılan vəsait 1,3 milyon manat (20 faiz) azaldılaraq 7,8 milyon manatdan 6,5 milyon manata endirilib. Son günlər qəzetlərə maliyyə yardımının ayrılması, bəzi qəzetlərin nəşrini dayandırması və ya gündəlik çapdan həftəlik rejimə keçməsi ilə bağlı xəbərlərin də məhz bu ixtisarlarla əlaqəli olduğu ehtimal edilir.

QHT Agentliyinin xərcləri də azaldılıb. Qurumun aparatının saxlanmasına ayrılan büdcə 600 min manat (10 faiz) azaldılaraq 6,6 milyon manatdan 6 milyon manata endirilib. Bununla belə, hökumətyönlü QHT-lərə ayrılan vəsaitin həcmi demək olar ki, dəyişməyib, gələn il üçün həmin istiqamətə 7,4 milyon manat ayrılması nəzərdə tutulur.

Dövlətdən maliyyə alan siyasi partiyalara ayrılan yardımın məbləği də əvvəlki kimi saxlanılıb - 6 milyon manat.

Büdcəsi azaldılan daha iki qurum diqqət çəkir: “İçərişəhər” Dövlət Qoruğunun büdcəsi 1 milyon manat və ya 40 faiz azaldılaraq 2,9 milyon manatdan 1,9 milyon manata endirilib.

“Dənizkənarı Bulvar İdarəsi”-nə ayrılan vəsait isə təxminən üç dəfə azaldılaraq 320 min manatdan 105,8 min manata endirilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

17 İyul 2026

azernews.az

"Azərbaycanla Rusiya mürəkkəb mərhələni geridə qoyub, münasibətlər tam normallaşıb." APA-nın xəbərinə görə, bunu xarici işlər naziri Ceyhun Bayramov Rusiya xarici işlər naziri Sergey Lavrovla Moskvada birgə mətbuat konfransında deyib. "Xüsusilə qeyd etmək istərdim ki, bu normallaşma ölkələrimizin rəhbərlərinin şəxsi mövqeyi sayəsində mümkün olub", - o əlavə edib. Lavrov da qeyd edib ki, nazirlər səviyyəsində aparılan danışıqlar prezidentlər arasındakı dialoqun davamıdır. "Bütün bunlar həyatda qaçılmaz olan və dövri olaraq yaranan çətinliklərə baxmayaraq, 2022-ci il fevralın 22-də imzaladığımız müttəfiqlik qarşılıqlı fəaliyyəti haqqında Moskva Bəyannaməsinin potensialını tam şəkildə həyata keçirməyə doğru irəlilədiyimizi göstərir”, - o əlavə edib. Azərbaycan və Rusiya arasında münasibətlər 2024-cü...

Davamını oxu

Siyasət

Qadın məhbuslar üçün aclıq edən inanclı fəallar "kars"a salınıb

17 İyul 2026

Toplum TV

Umbakı Penitensiar Kompleksində aclıq aksiyası keçirən inanclı fəallar cərimə kamerasına ("kars") salınıb. Bu barədə jurnalist Arzu Abdulla məhbuslardan birinin ailə üzvlərinə istinadən məlumat yayıb. Müsəlman Birliyi Hərəkatının (MBH) üzvləri Süleyman Ələkbərov, Vəli Allahverdiyev, Vüqar Alıyev və Elvin Zeynalov "siyasi məhbus" kimi tanınan qadınlar üçün aclıq aksiyasına başlamışdı. İlk üç inanclı iyulun 11-də, E.Zeynalov isə iyulun 13-də aclığa başlayıb. Onlar həbsdə olan 9 qadın jurnalistin, eləcə də 6 inanclı qadın fəalın azadlığa buraxılmasını tələb edirlər. Qadın jurnalistlər son üç il ərzində "Abzas Media" və "Meydan TV"-yə qarşı cinayət işləri üzrə həbs olunub. Onlar qaçaqmalçılıq, vergidən yayınma, qanunsuz sahibkarlıq kimi əməllərdə ittiham...

Davamını oxu