Siyasət

Moldovada hakim Avropayönlü partiya seçkidə qalib gəlib

29 Sentyabr, 2025

131

Foto: AFP

Moldovanın hakim Avropayönlü partiyası Rusiyayönlü rəqibinə qarşı mühüm parlament seçkilərində qalib gəlib.

Bu nəticə Rusiyanın seçkilərə müdaxiləsi ilə bağlı davamlı iddialara baxmayaraq, Moldovanın Avropa İttifaqına (Aİ) üzvlük prosesini davam etdirmək üçün əhəmiyyətli sayılır.

Müşahidəçilər və partiya rəsmiləri sentyabrın 28-də keçirilən seçkini Moldovanın müstəqillik tarixində ən mühüm seçki adlandırıblar. Səsvermə Aİ ilə daha sıx inteqrasiya və ya Rusiyanın təsir dairəsinə qayıdış arasında seçim kimi dəyərləndirilirdi.

Səslərin 99%-dən çoxunun sayılmasından sonra Mərkəzi Seçki Komissiyasının açıqladığı məlumata görə, hakim Hərəkət və Həmrəylik Partiyası 50,05% səs toplayıb, Rusiyayönlü müxalif Vətənpərvər Blok isə 24,3% səs qazanıb.

Moldova prezidenti və hakim partiyanın rəhbəri Maya Sandu paytaxt Kişinyovda səs verərkən jurnalistlərə bu seçkidə “çox şeyin taleyinin həll olunduğunu” bildirib.

“Moldova demokratiyasını möhkəmləndirmək, öz məkanını qorumaq və Aİ-yə inteqrasiya yolunu davam etdirmək imkanı əldə edəcək", - o deyib.

Sandudan əvvəl Moldovanın prezidenti olmuş Vətənpərvər Blok koalisiyasının rəhbəri İqor Dodon isə parlament qarşısında bazar ertəsi etiraz aksiyalarına çağırıb.

Hərəkət və Həmrəylik Partiyası 2021-ci ildən bəri parlamentdə çoxluğa malikdir. Onun irəliləyişi 2022-ci ildə Rusiyanın Ukraynaya qarşı genişmiqyaslı işğalının yaratdığı təhlükə və iqtisadi böhranla əngəllənsə də, müharibə Moldovanın Aİ-yə üzvlük yolunu kəskin şəkildə sürətləndirdi və Sandu Moldovanın tam şəkildə Rusiyadan qaz asılılığını aradan qaldırdı.

Moldova 2023-cü ildə Aİ üzvlüyünə namizəd ölkə statusu qazanıb.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

17 İyul 2026

azernews.az

"Azərbaycanla Rusiya mürəkkəb mərhələni geridə qoyub, münasibətlər tam normallaşıb." APA-nın xəbərinə görə, bunu xarici işlər naziri Ceyhun Bayramov Rusiya xarici işlər naziri Sergey Lavrovla Moskvada birgə mətbuat konfransında deyib. "Xüsusilə qeyd etmək istərdim ki, bu normallaşma ölkələrimizin rəhbərlərinin şəxsi mövqeyi sayəsində mümkün olub", - o əlavə edib. Lavrov da qeyd edib ki, nazirlər səviyyəsində aparılan danışıqlar prezidentlər arasındakı dialoqun davamıdır. "Bütün bunlar həyatda qaçılmaz olan və dövri olaraq yaranan çətinliklərə baxmayaraq, 2022-ci il fevralın 22-də imzaladığımız müttəfiqlik qarşılıqlı fəaliyyəti haqqında Moskva Bəyannaməsinin potensialını tam şəkildə həyata keçirməyə doğru irəlilədiyimizi göstərir”, - o əlavə edib. Azərbaycan və Rusiya arasında münasibətlər 2024-cü...

Davamını oxu

Siyasət

Qadın məhbuslar üçün aclıq edən inanclı fəallar "kars"a salınıb

17 İyul 2026

Toplum TV

Umbakı Penitensiar Kompleksində aclıq aksiyası keçirən inanclı fəallar cərimə kamerasına ("kars") salınıb. Bu barədə jurnalist Arzu Abdulla məhbuslardan birinin ailə üzvlərinə istinadən məlumat yayıb. Müsəlman Birliyi Hərəkatının (MBH) üzvləri Süleyman Ələkbərov, Vəli Allahverdiyev, Vüqar Alıyev və Elvin Zeynalov "siyasi məhbus" kimi tanınan qadınlar üçün aclıq aksiyasına başlamışdı. İlk üç inanclı iyulun 11-də, E.Zeynalov isə iyulun 13-də aclığa başlayıb. Onlar həbsdə olan 9 qadın jurnalistin, eləcə də 6 inanclı qadın fəalın azadlığa buraxılmasını tələb edirlər. Qadın jurnalistlər son üç il ərzində "Abzas Media" və "Meydan TV"-yə qarşı cinayət işləri üzrə həbs olunub. Onlar qaçaqmalçılıq, vergidən yayınma, qanunsuz sahibkarlıq kimi əməllərdə ittiham...

Davamını oxu