Siyasət

ABŞ-ın Azərbaycandakı səfiri istefa verdi

3 Dekabr, 2024

açıq mənbədən götürülüb

ABŞ-ın Azərbaycandakı səfiri Mark Libbi dekabrın 3-də istefa verdiyini açıqlayıb. Bu haqda səfirliyin Facebook səhifəsində dərc olunan bəyanatda deyilir.

Səfir istefasını səhhətindəki problemlərlə əlaqələndirir: “2023-cü ildə ABŞ Senatı qarşısında dinləməmdə qeyd etdiyim sağlamlıq qayğıları, təəssüf ki, davam edib.

Bakıya gəldiyim vaxtdan etibarən xüsusilə minnətdar olduğum Mərkəzi Klinikadakı diaqnostik radiologiya komandasının qayğısı da daxil olmaqla, əla tibbi xidmətdən faydalanmışam. Lakin son test nəticələri göstərir ki, tamamilə öz sağlamlığım üzərində diqqət cəmləmək üçün evə qayıtmaq vaxtıdır. Buna görə də, mən bu son dərəcə məşğul, lakin son dərəcə uğurlu 2024-cü təqvim ilini başa vurduqdan sonra istefaya çıxacağam”.

Mark Libbi Bakıdakı səlahiyyət müddəti ərzində ABŞ Səfirliyinin ingilis dili proqramlarına sponsorluq etməklə, ABŞ-də təhsil alan azərbaycanlıların sayını xeyli artırmaqla xalqlar arasında güclü əlaqələr qurduğunu qeyd edir.

“Biz iqtisadi, ələlxüsus, ənənəvi enerjidən bərpa oluna bilən enerjiyə keçid sahəsində daha dərin əməkdaşlıq qurmuşuq. COP29-da uğurlu nəticə əldə etmək üçün bizim sıx əməkdaşlığımız göstərib ki, biz diqqətimizi cəmləşdirdikdə Birləşmiş Ştatlar və Azərbaycan hökumətləri dünyanı daha yaxşıya doğru dəyişmək üçün birgə işləyə bilərlər”, açıqlamada qeyd edilir.

Səfir Libbi “Azərbaycanda insan haqlarının qorunmasını təşviq etmək və Cənubi Qafqazda davamlı, layiqli sülhə kömək etmək üçün görüləcək işlər çoxdur” deyə vurğulayır. Amma o, ikitərəfli münasibətlərdə “çətinliklə qazanılmış irəliləyişlərin” daha yaxşı və daha uğurlu əməkdaşlığın təməlini qoyacağına inamını da ifadə edir.

O, ABŞ-Azərbaycan münasibətlərinin gələcəyinə böyük nikbinlik hissi ilə ölkəni tərk etdiyini bildirir.

Mark Libbi səfir kimi Azərbaycanda ötən ilin noyabrından fəaliyyətə başlamışdı.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Rüfət Səfərovun anası və vəkili danışır

Gürcüstan Ombudsmanı DİN-i etirazçılara işgəncə verməkdə günahlandırdı

Cənubi Koreyada hərbi vəziyyət ləğv olundu

Respublikaçı konqresmen: “Tramp seçkiləri saxtalaşdıran rejimin tərəfində olmayacaq” – GÜNÜN İCMALI

ABŞ Dövlət Departamentinin nümayəndəsi Azərbaycan hakimiyyətini repressiyalara son qoymağa çağırdı

Şvabe İlham Əliyevin "ailə və sülalə hakimiyyətini" tənqid etdi

Redaktorun Tövsiyələri

İlhamiz Quliyev: “Rəis göstəriş verib ki, gedin, tutun, sürüyün, gətirin, yükləyin”

Zümrüd Yağmurun axtarışa verildiyi deyilir

İqtisadçının ölkədən çıxışına qadağa qoyulub

Yoxsulların sayı artıb, dövlətdən müavinət alan yoxsulların sayı isə sürətlə azalıb

Fərid Mehralızadə Hikmət Hacıyevi daha məsuliyyətli açıqlamalar verməyə çağırıb

Deputat: “Monopoliya ucbatından xeyli insan evinə çörək aparmaqdan məhrum edilir”

Siyasət

ABŞ Dövlət Departamentinin nümayəndəsi Azərbaycan hakimiyyətini repressiyalara son qoymağa çağırdı

4 Dekabr 2024

CNN

“Hüquq müdafiəçisi Rüfət Səfərovun Azərbaycanda saxlanılması ilə bağlı yayılan xəbərlərdən dərin narahatıq”. Bunu ABŞ Dövlət Departamentinin mətbuat katibinin müavini Vedant Patel "Turan"ın suallarını cavablandırarkən deyib. Patel Azərbaycan hakimiyyətini “haqsız yerə həbs olunanların hamısını azad etməyə və vətəndaş cəmiyyətinə, o cümlədən hüquq müdafiəçiləri və jurnalistlərə qarşı repressiyalara son qoymağa” çağırıb. “Dünyadakı insan haqları müdafiəçilərinin öz işlərini maneəsiz və qisas qorxusundan azad şəkildə həyata keçirə bilməsi çox vacibdir” deyə, Patel vurğulayıb. Səfərov Azərbaycanda siyasi motivli həbslər, işgəncələr və hökumətdəki korrupsiya barədə sənədlər və hesabatlar hazırlayan "Müdafiə Xətti" təşkilatının rəhbəridir. O, insan haqları sahəsində fəaliyyətinə görə Dövlət Departamentinin mükafatına layiq görülüb və bir...

Davamını oxu

Siyasət

Şvabe İlham Əliyevin "ailə və sülalə hakimiyyətini" tənqid etdi

4 Dekabr 2024

açıq mənbədən götürülüb

Avropa Şurası Parlament Assambleyasının (AŞPA) Almaniyadan olan deputatı Frank Şvabe azərbaycanlı hüquq müdafiəçisi, “Müdafiə Xətti” hüquq müdafiə təşkilatının həmtəsisçisi Rüfət Səfərovun saxlanılmasına reaksiya verib. Bu barədə Frank Şvabe “X” platformasındakı hesabında yazıb. "Meydan TV" xəbər verir ki, Şvabe baş verənləri İlham Əliyevin “sülalə hakimiyyəti”nin siyasəti kimi dəyərləndirib. Şvabe prosesi kinayə ilə belə şərh edib: “Rüfət Səfərovun saxlanılması İlham Əliyevin ailə və sülalə hakimiyyətinin Azərbaycanın Avropa Şurası Parlament Assambleyasına qayıtması üçün şərtləri yerinə yetirməyə hazır olduğunu göstərir. Bu hazırlığın necə olması isə yanvar ayında AŞPA-nın təqdim etdiyi cavabda əskini tapacaq”. Qeyd edək ki, “Müdafiə Xətti” insan haqları təşkilatının icraçı direktoru, hüquq...

Davamını oxu