Siyasət

Sui-qəsdə məruz qalan federasiya rəhbəri Adil Əliyevin həbsini istəyir

5 İyun, 2025

Foto: Toplum TV

Azərbaycan Muay Tay Federasiyasının prezidenti, Türkiyədə sui-qəsdə məruz qalan Araz Musayev Prezident İlham Əliyevə müraciət edib.

Musayev sosial mediada paylaşdığı videomüraciətdə sui-qəsdin arxasında Azərbaycan Kikboksinq Federasiyasının prezidenti və Suraxanı Rayon İcra Hakimiyyətinin başçısı Adil Əliyevin dayandığını iddia edib.

O, prezidentdən A.Əliyevin həbs olunmasını istəyib.

“A.Əliyev bu hərəkəti ilə, üzərimə “killer”lər göndərməklə ölkəmizi bütün dünya federasiyalarının önündə biabır etdi. Palatanın qapısının ağzında 10-15 jandarma dayanıb. Gələn-gedən gülür bizə, deyirlər ki, Azərbaycanda hələ də belə şeylər baş verir?” - o deyib.

Musayev bu və sui-qəsddən əvvəlki çıxışlarında da qeyd edib ki, A.Əliyev Muay Tay Federasiyasını onun əlindən almaq istəyir.

A.Əliyev “Musavat.com” saytına açıqlamasında Musayevin iddiasını böhtan adlandırıb.

"Hadisə ilə heç bir bağlılığım yoxdur. Bu barədə məlumatı mətbuat vasitəsilə almışam. Araz Musayevin çarpayıda uzanaraq cəmiyyətə və ölkənin ali orqanlarına təsir etməyə çalışması, ictimai rəyi manipulyasiya etməsi yolverilməzdir. Bu hadisəni törədən bəlli, hadisənin yeri-yurdu bəllidir. Mən Bakıda oturub öz işimlə məşğulam və bu kimi hadisələrdə indiyə qədər heç zaman adım hallanmayıb, hallana da bilməz”, - o deyib.

Musayev mayın 28-də Türkiyənin Antalya vilayətinin Kəmər rayonunda bıçaqla sui-qəsdə məruz qalıb. Ona baş və qarın nahiyələrindən zərbələr endiriblər.

O, Antalyada keçirilən muay tay üzrə dünya çempionatında Azərbaycandan olan idmançı heyətinin başçısı kimi iştirak edirdi.

Sui-qəsd cəhdi ilə əlaqədar Türkiyə polisi 6 nəfəri həbs edib. Onların arasında Azərbaycan Universal Döyüş Federasiyasının prezidenti Azər Həsənov da var.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Belarusda 7 minə yaxın informasiya resursu “ekstremist” kimi tanınıb

CHP-dən olan 5 bələdiyyə sədri vəzifəsindən uzaqlaşdırılıb

İki yeniyetmə erməninin azaraq Azərbaycan tərəfə keçdiyi bildirilir

Ruslan İzzətli oğluna məktub yazıb: “Fərqli düşünməyin cəzası həbsxanadır”

Trampla Mask söz davasında: “Mən olmasam, o, prezident olmazdı”

Aynur Elgünəş Mirsaleh Seyidova: "Övladım bildiyim varlığa həsrət qoymağınız mübarizə metodu deyil"

Redaktorun Tövsiyələri

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

“Bakı Moskva ilə əlaqələrini Trampın siyasətinə sörə tənzimləyir”

Siyasət

CHP-dən olan 5 bələdiyyə sədri vəzifəsindən uzaqlaşdırılıb

6 İyun 2025

Foto: sosial media

Türkiyənin İstanbul və Adana vilayətlərində müxalif Cümhuriyyət Xalq Partiyasından (CHP) olan 5 bələdiyyə sədri vəzifəsindən uzaqlaşdırılıb. Türkiyənin Daxili İşlər Nazirliyi müvafiq qərarı iyunun 5-də qəbul edib. Qərara əsasən, İstanbulun Avcılar, Böyükçəkməcə və Qaziosmanpaşa, Adananın Ceyhan və Seyhan rayonlarının bələdiyyə sədrləri vəzifələrindən müvəqqəti uzaqlaşdırılıb. Sözügedən şəxslər iyunun 3-də rüşvət və vəzifədən sui-istifadə edərək mənimsəmə maddələrilə ittiham olunaraq həbs ediliblər. Bununla da, həbsdə olan CHP-çi bələdiyyə sədrlərinin sayı 11-ə çatıb. CHP sədri Özgür Özəl iyunun 4-də mitinqdə çıxışında həbsləri partiyasına hücum olaraq qiymətləndirib. “Heç bir konkret sübut olmadan xeyli böhtan və təhqirlərlə yeni həbs dalğası yaratdılar”, - o deyib. Türkiyə polisi CHP-dən...

Davamını oxu

Siyasət

Trampla Mask söz davasında: “Mən olmasam, o, prezident olmazdı”

6 İyun 2025

Foto: Getty Images

ABŞ Prezidenti Donald Tramp və onun seçki kampaniyasında ən böyük müttəfiqlərindən olmuş İlon Mask arasında qalmaqal yaşanır. Söz davasının başlamasına səbəb Maskın Konqresdə qəbul olunan və Trampın şiddətlə dəstəklədiyi, “Böyük, Gözəl Qanun Layihəsi” adını verdiyi büdcə layihəsini tənqid etməsi olub. Mask iyunun 3-də “X” səhifəsində qanun layihəsini “iyrənc bir rüsvayçılıq” adlandırıb və yazıb ki, ona səs verən Konqresmenlər özlərindən utanmalıdır: "Bu büdcə layihəsi onsuz da nəhəng olan büdcə kəsirini kəskin şəkildə artıraraq 2.5 trilyon dollara (!!!) çatdıracaq və Amerika vətəndaşlarını dözülməz dərəcədə dayanıqsız borc yükü altına salacaq”. ABŞ-ın ötən il üçün olan büdcə kəsrinin 1.8 trilyon ABŞ dolları həcmində olduğu...

Davamını oxu