Siyasət

Beynəlxalq təşkilatlar prokurorun “Abzas”çılara istədiyi cəzanı pisləyir

22 May, 2025

888

Foto: Abzas Media

Jurnalistləri Müdafiə Komitəsi (CPJ) “Abzas Media işi”ndə təqsirləndirilən şəxslərə dövlət ittihamçısının 11-12 il həbs cəzası istəməsini pisləyib.

“Bu jurnalistlərin yeganə “günahı” korrupsiyanı cəsarətlə araşdırmaqdır. Hazırda 20-dən çox müstəqil jurnalist oxşar saxta ittihamlarla üzləşir. Beynəlxalq ictimaiyyət təcili şəkildə Azərbaycanı bu utancverici təzyiqlərə son qoymağa çağırmalıdır,” – CPJ-nin proqram direktoru Karlos Martinez de la Serna bəyanatında bildirib.

Sərhədsiz Reportyorlar (RSF) təşkilatı da oxşar bəyanat yayaraq “Abzas"çılara “ümumilikdə 80 il” iş istənilməsini qınayıb.

Həmçinin, RSF mayın 19-da Azərbaycanda həbsdə olan 25 jurnalistin fotolarından ibarət qalereya yaradıb və bəyanat verib.

“Artıq iki onillikdən çoxdur ki, Azərbaycan Prezidenti İlham Əliyev ölkəsində media plüralizmini sistemli şəkildə dağıdıb və bu repressiyalar 2023-cü ilin payızından etibarən daha da güclənib. Qarabağ münaqişəsinin ardından, təbliğatın ictimai müzakirənin yerini aldığı bir dövrdə, hakimiyyət müstəqil medianın qalan izlərini də silməyə çalışır. Əsasən “valyuta qaçaqmalçılığında” — əslində, xarici təşkilatlardan qrant almaq — ittiham edilən bir çox jurnalistlər sadəcə öz peşələrini yerinə yetirdiklərinə və ya media azadlığını müdafiə etdiklərinə görə həbsxanalarda çürüyürlər”, - təşkilatın bəyanatında deyilib.

Mayın 20-də prokuror "Abzas Media"nın direktoru Ülvi Həsənlinin, araşdırmaçı jurnalist Hafiz Babalının və "Azadlıq Radiosu"nun jurnalisti Fərid Mehralızadənin 12 il, "Abzas Media"nın baş redaktoru Sevinc Vaqifqızının, koordinatoru Məhəmməd Kekalovun, jurnalistlər Nərgiz Absalamovanın və Elnarə Qasımovanın isə 11 il azadlıqdan məhrum edilməsini istəyib

Təqsirləndirilən şəxslər ilkin olaraq qaçaqmalçılıq da daxil olmaqla bir neçə maddə üzrə ittiham edilirlər.

Jurnalistlər korrupsiya araşdırmaları və fəaliyyətlərinə görə cəzalandırıldıqlarını bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

“Reuters”: Tramp İsrailə Xameneini öldürməməyi tapşırıb

AXCP Daşkəsən şöbəsinin sədri həbs olunub

İran cavab olaraq İsrailə yüzlərlə raket zərbəsi endirib

Gürcüstanda daha bir müxalifət lideri həbs olunub

Rza Pəhləvi İran xalqını hökuməti devirməyə çağırıb

İsrail dünyadakı bütün səfirliklərini bağlayır

Redaktorun Tövsiyələri

Cəmiyyətin və hökumətin əxlaq problemi - Fariz Namazlının yazısı

Memar: “Mətbuat Bayırşəhər söküntüsünü adiləşdirməyə çalışır”

Azərbaycanda bütün gəlirlərin 14%-i ən zəngin 1%-ə çatır

Vəkil: “Hökumət mart ayından Avropa Məhkəməsinin qərarlarını icra etmir”

Yazmaq və susmaq arasında - Fariz Namazlının yazısı

"O, həmişə zülm görənlərin tərəfində olub" - "The Washington Post" Ülviyyə Əlidən yazıb

Siyasət

AXCP Daşkəsən şöbəsinin sədri həbs olunub

14 İyun 2025

Foto: Sosial media

Azərbaycan Xalq Cəbhəsi Partiyasının (AXCP) Daşkəsən rayon şöbəsinin sədri Ruzi Bağırov iyunun 13-də 30 sutkalıq inzibati qaydada həbs olunub. Bu barədə AXCP sədri Əli Kərimli "Facebook" səhifəsində xəbər verib. Məlumata görə, Bağırov İnzibati Xətalar Məcəlləsinin polisə müqavimət göstərmək maddəsilə həbs olunub. AXCP Daşkəsən şöbəsinin keçmiş sədri Sahib Məmməzadənin ötən il narkotik ittihamı ilə 3 il azadlıqdan məhrum edilməsini xatırladan Kərimli bunu "ölkədə repressiyaların miqyasının genişlənməsi kimi" qiymətləndirib. "Ölkəmizdə siyasi məhbusların sayının 375 nəfəri keçdiyi bir şəraitdə repressiyaları dayandırmağın tək bir yolu var. Rejimin rəqib siyasi düşərgədən hər bir qanunsuz həbsi ümumxalq qınağına məruz qalmalıdır. Xalqımız hər fürsətdə öz iradəsini ortaya...

Davamını oxu

Siyasət

İsrail dünyadakı bütün səfirliklərini bağlayır

13 İyun 2025

Foto: Reuters

İsrail bütün ölkələrdəki səfirliklərini bağlamaq qərarı verib. İsrailin Xarici İşlər Nazirliyi verdiyi bəyanatda, həmçinin, konsulluq xidmətlərinin də təmin olunmayacağını bildirib. Qərarın nə qədər qüvvədə olacağı bəlli deyil. Nazirlik, həmçinin, ölkə xaricində olan İsrail vətəndaşlarından olduqları məkan barədə forma doldurmalarını istəyib. 2023-cü il oktyabrın 7-də HƏMAS qruplaşmasının İsrailə hücumundan sonra da vətəndaşlardan oxşar forma doldurmaları istənilmişdi və ehtiyatda olan hərbi qulluqçuları qeydiyyata almaq məqsədi daşıyırdı. İsrail ordusu iyunun 13-ə keçən gecə İrana zərbələr endirib. Zərbələr nəticəsində İranın Tehran, Təbriz, Natanz və Kirmanşah şəhərlərində partlayışlar müşahidə olunub və ordu rəhbərliyindən olan şəxslər və nüvə alimləri öldürülüb.

Davamını oxu