İctimai-siyasi xəbərlər
Çin “Zəngəzur dəhlizi”-nin tikintisində iştirak edəcək?
açıq mənbədən götürülüb
Çin rəsmisinin Bakıda “Zəngəzur dəhlizi” haqqında danışması xəbəri Ermənistanda suallar yaradıb.
Çin Kommunist Partiyasının beynəlxalq departamentinin rəhbəri Lyu Ciançao ötən həftə Bakıda “Azərbaycan-Çin strateji tərəfdaşlığı” adlı konfransda çıxış edib.
Azərbaycanın hökumətyönlü mediası yazıb ki, Lyu Çin şirkətlərinin “Zəngəzur dəhlizi”-nin tikintisində iştirak edəcəyini deyib:
“Zəngəzur dəhlizinin inşası çox vacib məsələdir. Bu, Avropa və Asiyanı daha da birləşdirəcək. Çin şirkətləri Zəngəzur dəhlizinin inşasında aktiv rol oynayacaq. Xahiş edirəm ki, bizim şirkətləri daha çox məlumatlandırasınız ki, bu dəhlizin inşasında daha fəal rol oynasın”, xəbərlərdə qeyd edilib.
Çin rəsmisinin açıqlaması ilə bağlı xəbər Ermənistan ictimaiyyətinin təəccübünə səbəb olub.
Çinin Ermənistandakı müvəqqəti işlər vəkili Çen Minq mətbuata açıqlamasında yayılan xəbərləri təkzib edib, ölkəsinin Ermənistanın ərazi bütövlüyünü tanıdığını deyib.
O əlavə edib ki, Çin rəsmiləri sözügedən konfransda, ümumiyyətlə, “Zəngəzur dəhlizi” mövzusuna toxunmayıblar və orada ancaq “Kəmər və Yol” layihəsi müzakirə olunub.
Qısa müddət sonra Azərbaycan mətbuatında Lyunun açıqlamasının getdiyi xəbərlər silinib və ya dəyişdirilib.
Xəbəri ilk olaraq “APA” informasiya agentliyi dərc edib, açıqlama daha sonra digər saytlarda yayımlanıb.
“OC Media” orijinal məqalənin həm azərbaycan, həm də rus dillərində skrinşotlarını çəkib və orada Lyunun şərhləri hələ də mövcuddur.
Orijinal məqalə hələ də Google axtarışında mövcud olsa da, saytda xəbəri oxumaq mümkün deyil. Bəzi saytlarda isə xəbərin mətni dəyişdirilib.
Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplummedia.tv
Facebook: https://www.facebook.com/toplumtv
İnstagram: https://www.instagram.com/toplum.media/
Telegram: https://t.me/Tvtoplum
Şikayətlərinizi bizə göndərin: info@toplum.tv
Gürcüstanda toksin qalmaqalı: Azərbaycan şirkəti ilə əməkdaşlıq dayandırılıb
açıq mənbədən götürülüb
Azərbaycan turizm gəlirlərində Ermənistan və Gürcüstandan geri qalır
açıq mənbədən götürülüb
