Manşet

ABŞ Azərbaycanın Qəzzaya qoşun göndərməyə razılaşdığını, Azərbaycan isə əksini deyir

25 Dekabr, 2025

150

Foto/kollaj: Toplum TV

ABŞ-nin Birləşmiş Millətlər Təşkilatındakı səfiri Mayk Volts Azərbaycanın Qəzzada yaradılması planlaşdırılan beynəlxalq sülhməramlı qüvvə üçün qoşun göndərməyə razılaşdığını deyib.

Volts bunu dekabrın 23-də qonaq olduğu radio verilişində səsləndirib.

“Mən Qəzzada Amerika qoşunlarını istəmirəm. İsrail qoşunlarının geri qayıtması isə genişmiqyaslı müharibə və münasibətlərin yenidən pisləşməsi demək olardı ki, bu da problemdir. Buna görə də beynəlxalq qüvvə olacaq. İndoneziya, Azərbaycan və digər ölkələr artıq iştirak etməyə razılıq veriblər”, - o qeyd edib.

Bundan bir gün əvvəl isə Azərbaycan prezidentinin köməkçisi Hikmət Hacıyev Yaponiyanın “Nikkei” nəşrinə ölkəsinin Qəzzaya qoşun göndərilməsi ilə bağlı tərəddüdləri olduğunu bildirib.

O, ABŞ-nin bu təkliflə Azərbaycan tərəfinə müraciət etdiyini təsdiqləsə də, yaradılacaq qüvvənin mandatının hələ müəyyən olunmadığını və buna görə yekun qərarın verilmədiyini deyib.

Hacıyev həmçinin bildirib ki, Ermənistanla uzun illər davam edən müharibədən sonra Azərbaycan xalqını başqa bir ölkəyə qoşun göndərməyə razı salmaq çətin olacaq.

ABŞ prezidenti Donald Trampın Qəzza ilə bağlı 20 maddəlik sülh planında ABŞ-nin zolağa ərəb ölkələri və digər tərəfdaşlarla birlikdə “müvəqqəti sabitləşdirici qüvvə” yerləşdirməsi nəzərdə tutulur. Bu qüvvənin İsraillə atəşkəsə nəzarət edəcəyi, həmçinin fələstinli polis qüvvələrini təlimatlandıracağı gözlənilir.

“Beynəlxalq sabitləşdirici qüvvə” Trampın HƏMAS ilə İsrail arasındakı müharibəni dayandırmaq, eləcə də Qəzzanın demilitarizasiyası və bərpasını əhatə edən planının mühüm hissəsidir.

Zolağa nəzarət edən HƏMAS qruplaşması isə yalnız Fələstin dövlətinin bərqərar olması şərti ilə tərk-silah olunacağını bildirib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Milli Onkologiya Mərkəzi 35 milyon manatlıq tender keçirib

Lavrovla görüşdən sonra Bayramov: “Bakı və Moskva ikitərəfli münasibətləri normallaşdırıb”

ABŞ və İran arasında qarşılıqlı zərbələr davam edir: Hər iki tərəfdə itkilər artır

Qadın məhbuslar üçün aclıq edən inanclı fəallar "kars"a salınıb

Samirə Qasımlı: “Mənə qarşı irəli sürülən ittiham siyasi sifarişlidir”

Vens: “İsraildə bizi İranla danışıqlardan çəkindirmək istəyənlər var”

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Manşet

"Baksol yolu işi"ndə tikinti rəisi: "Təmir üçün material 1 ay gec ayrılıb"

17 Fevral 2026

Foto: Azərbaycan Avtomobil Yolları Dövlət Agentliyi

Ötən ilin iyununda paytaxtın "Baksol yolu" adlanan ərazisində 27 yaşlı gəncin ölümü ilə nəticələnən yol çöküntüsündə təqsirləndirilən, Bakı Su Kanal İdarəsinin sahə rəisi Azər Cümşüdovun işi üzrə növbəti məhkəmə prosesi keçirilib. APA-nın xəbərinə görə, fevralın 17-də Nərimanov Rayon Məhkəməsində hakim Gültəkin Əsədovanın sədrliyi ilə keçirilən prosesdə Bakı Şəhər Su Kanal İdarəsinin ərazi üzrə təmir-tikinti şöbəsinin rəisi Yaşar Əhmədov şahid qismində dindirilib. Y.Əhmədov ibtidai istintaqa verdiyi ifadəni təkzib edib: "Dediklərimin tam əksi yazılıb. Mən onu oxumadan imzalamışam, təsdiqləmirəm." Bu zaman dövlət ittihamçısı şahidə irad bildirib: "Ali təhsilli adamsan, niyə oxumadan imzalamısan?". Şahid isə 3 saat gözləyib yorulduğu üçün ifadəni imzaladığını deyib. ...

Davamını oxu

Manşet

Şahin Şıxlinski qətl və sui-qəsd cəhdinin təşkilində günahkar sayılıb

12 Fevral 2026

Foto: açıq mənbə

Uraldakı Azərbaycan diasporunun keçmiş rəhbəri Şahin Şıxlinski Rusiyada qətl və sui-qəsd cəhdinin təşkilində günahkar bilinib. Yerli mətbuatın yazdığına görə, bu barədə Yekaterinburqun Kirovski rayon Məhkəməsinin andlılar kollegiyası qərar çıxarıb. Andlılar Məhkəməsinin kollegiyası Şahin Şıxlinskini, Ayaz, Bakir, Kamal, Məzahir Səfərovları və Şücayəddin Rəcəbovu Yekaterinburqda qətl və sui-qəsd cəhdinin təşkilində günahkar bilib. İstintaq onların 2001-ci ildə iş adamı Yunus Paşayevin qətlində və 2010-cu ildə iş adamı Fehruz Şirinova qarşı sui-qəsd cəhdində iştirak etdiklərini hesab edir. Andlılar məhkəməsinin iclası prokurorluğun tələbi ilə məhkəmə prosesi qapalı keçirilib. Hakimin andlılar kollegiyasının qərarına əsasən hökm çıxaracağı gözlənilir. Andlılar məhkəməsinin kollegiyasının çıxardığı qərara əsasən, Şahin Şıxlinski 2010-cu ildə Fehruz...

Davamını oxu