Manşet

Duzdağda özəlləşdirilən şirkətin yüzlərlə əməkdaşı işsiz qalıb

29 Oktyabr, 2025

456

Foto: Gündəlik Naxçıvan

Naxçıvanda yerləşən Duzdağ mədənlərində istehsalın dayanması nəticəsində yüzlərlə əməkdaş işsiz qalıb.

Bu barədə “Gündəlik Naxçıvan”a mədən işçiləri məlumat veriblər. Onların sözlərinə görə, artıq bir neçə gündür bütün mədənlərə giriş-çıxış qadağan olunub.

Mədən əməkdaşları bildirirlər ki, rəsmi versiyaya görə “çökmə riski” səbəbindən fəaliyyət müvəqqəti dayandırılsa da, əslində mədənlərin “məmurlar arasında bölüşdürülməsi” prosesi gedir.

“Bir neçə aydır mədənlərin çoxu səbəbsiz yerə bağlanmışdı, istehsal minimuma endirilmişdi. İndi isə guya monitorinq aparıb, çökmə riski olduğunu deyirlər. Amma niyə bu risk özəlləşmə başlayandan sonra ortaya çıxdı?”, - işçilərdən biri sual edir.

Mədənçilərin dediyinə görə, sahədə müəyyən çatlar əvvəllər də müşahidə olunub, lakin bu, istehsalın dayanmasına əsas verməyib:

“Aramızda 10-15 il bu sahədə çalışanlar var. Heç vaxt belə risklə üzləşməmişik. Əgər real təhlükə olsaydı, bunu ilk biz hiss edərdik.”

Mədən əməkdaşları həmçinin aylardır maaş ala bilmədiklərini, bir çoxunun işdən çıxarıldığını deyirlər:

“Bir çox işçi məcburən işi tərk edib. Aylardır maaş almayanlar var. Mədənlər uğrunda gedən mübarizədə zərəri isə biz fəhlələr çəkirik.”

Onların sözlərinə görə, Duzdağ mədənlərinin bağlanması təkcə işçilərin deyil, yerli sakinlərin də həyatına təsir edib.

“Artıq Naxçıvanda yerli duz tapmaq çətindir və bazarda qiymətlər qalxıb. Yerli istehsal dayandığı üçün mağazalarda əsasən kənardan gətirilən duz satılır.”

Duzdağda ən böyük istehsalçı “Naxçıvan Duz İstehsalı” MMC olub. Müəssisə bu ilin may ayında özəlləşdirilmə məqsədilə tenderə çıxarılıb. Qeyri-rəsmi məlumatlara görə, tenderin qalibi “Şərq-Qərb” ASC-dir.

İddialara əsasən, bu şirkətin 96 faizi Prezident Administrasiyası sabiq rəhbəri Ramiz Mehdiyevin oğlu Teymur Mehdiyevə məxsusdur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

Orban getdi: növbə kimindir?

Apellyasiya Məhkəməsi Azər Qasımlının vəsatətlərini təmin etməyib

Tramp Hörmüz boğazını blokadaya almağı əmr edib

Hacı Vəliyev: "Hökumətin qazilərə ögey münasibətindən danışdığım üçün həbs olunmuşam"

Şahin Şıxlinski 9 il, oğlu isə 8 il azadlıqdan məhrum edildi

Həyat yoldaşı həbsdə olan inanclı fəalın ağrılardan əziyyət çəkdiyini deyir

Redaktorun Tövsiyələri

Orban getdi: növbə kimindir?

Yağıntıların görünməyən üzü: İşçi istismarı və azalan təhlükəsizlik xərcləri

Fərid İsmayılov hakimə: “Cinayət işi materiallarını oxusaydınız, kağızları müstəntiqlərin başına çırpardınız”

Əliyevin “müharibələri dayandıran lider” adlandırdığı Tramp niyə dünyanı bir-birinə qatıb?

Putinə meydan oxuyan Paşinyanı nə gözləyir?

Prezident Azərbaycanın ət və süd ixrac edəcəyini deyir, əslində vəziyyət necədir?

Manşet

"Baksol yolu işi"ndə tikinti rəisi: "Təmir üçün material 1 ay gec ayrılıb"

17 Fevral 2026

Foto: Azərbaycan Avtomobil Yolları Dövlət Agentliyi

Ötən ilin iyununda paytaxtın "Baksol yolu" adlanan ərazisində 27 yaşlı gəncin ölümü ilə nəticələnən yol çöküntüsündə təqsirləndirilən, Bakı Su Kanal İdarəsinin sahə rəisi Azər Cümşüdovun işi üzrə növbəti məhkəmə prosesi keçirilib. APA-nın xəbərinə görə, fevralın 17-də Nərimanov Rayon Məhkəməsində hakim Gültəkin Əsədovanın sədrliyi ilə keçirilən prosesdə Bakı Şəhər Su Kanal İdarəsinin ərazi üzrə təmir-tikinti şöbəsinin rəisi Yaşar Əhmədov şahid qismində dindirilib. Y.Əhmədov ibtidai istintaqa verdiyi ifadəni təkzib edib: "Dediklərimin tam əksi yazılıb. Mən onu oxumadan imzalamışam, təsdiqləmirəm." Bu zaman dövlət ittihamçısı şahidə irad bildirib: "Ali təhsilli adamsan, niyə oxumadan imzalamısan?". Şahid isə 3 saat gözləyib yorulduğu üçün ifadəni imzaladığını deyib. ...

Davamını oxu

Manşet

Şahin Şıxlinski qətl və sui-qəsd cəhdinin təşkilində günahkar sayılıb

12 Fevral 2026

Foto: açıq mənbə

Uraldakı Azərbaycan diasporunun keçmiş rəhbəri Şahin Şıxlinski Rusiyada qətl və sui-qəsd cəhdinin təşkilində günahkar bilinib. Yerli mətbuatın yazdığına görə, bu barədə Yekaterinburqun Kirovski rayon Məhkəməsinin andlılar kollegiyası qərar çıxarıb. Andlılar Məhkəməsinin kollegiyası Şahin Şıxlinskini, Ayaz, Bakir, Kamal, Məzahir Səfərovları və Şücayəddin Rəcəbovu Yekaterinburqda qətl və sui-qəsd cəhdinin təşkilində günahkar bilib. İstintaq onların 2001-ci ildə iş adamı Yunus Paşayevin qətlində və 2010-cu ildə iş adamı Fehruz Şirinova qarşı sui-qəsd cəhdində iştirak etdiklərini hesab edir. Andlılar məhkəməsinin iclası prokurorluğun tələbi ilə məhkəmə prosesi qapalı keçirilib. Hakimin andlılar kollegiyasının qərarına əsasən hökm çıxaracağı gözlənilir. Andlılar məhkəməsinin kollegiyasının çıxardığı qərara əsasən, Şahin Şıxlinski 2010-cu ildə Fehruz...

Davamını oxu