Məhkəmə

Afiəddin Məmmədovun təhdid olunduğu deyilir

7 İyun, 2025

285

Foto: VOA

“İşçi Masası” Həmkarlar İttifaqları Konfederasiyası sədri Afiəddin Məmmədovun həbsdə təhdid edildiyi bildirilir.

Konfederasiya iyunun 6-da yaydığı açıqlamada onun müəssisə rəhbərliyi tərəfindən daha ağır rejimli müəssisəyə köçürülməklə hədələndiyini qeyd edib.

Fəalın bu hədələrə saxlanıldığı 2 saylı Cəzaçəkmə Müəssisəsində antisanitar şəraiti ictimailəşdirdikdən sonra məruz qaldığı deyilir.

Məmmədov bildirirdi ki, 250-dən çox məhbus üçün cəmi dörd sanitar qovşağı var, mətbəxdə isə siçanlar sərbəst dolaşır.

Afiəddin Məmmədov 2023-cü il sentyabrın 20-dən həbsdədir.

Ona Cinayət Məcəlləsinin xuliqanlıq niyyətilə qəsdən bədənə ağır xəsarət yetirmə və silah qismində əşyadan istifadə etməklə xuliqanlıq maddələrilə ittiham verilib.

Məmmədov ilk dəfə 2023-cü ildə kuryerlərin mopedlərinin kütləvi şəkildə cərimə meydançasına aparılmasıyla əlaqədar keçirilən etiraz aksiyası zamanı saxlanılmış, 30 sutka inzibati həbs cəzası almışdı.

Bir neçə gün sonra “İşçi Masa”sının digər üzvləri Elvin Mustafayev və Ayxan İsrafilov narkotik ittihamı ilə həbs edilmişdilər.

A.Məmmədov bu il yanvarın 14-də Bakı Ağır Cinayətlər Məhkəməsinin hökmü ilə 8 il müddətinə azadlıqdan məhrum edilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

"Meydan TV işi": Ramin Deko barəsində həbs qərarı vermiş sabiq hakimin ona vəkillik etməsini istəyib

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

Azərbaycanlı QHT nümayəndələri və ekspertlər Ermənistana səfər ediblər

AXCP fəalı Emil Səlim inzibati qaydada həbs olunub

Kimi aldadırsan, ay zalım oğlu?..

Müharibə qurbanlarını yad edən ukraynalı idmançı olimpiadadan kənarlaşdırılıb

Redaktorun Tövsiyələri

“Ramiz Mehdiyev işi”: DTX-nin videosunda ittiham olunan müxaliflər iddialara necə cavab verdi?

2025-ci ildə Azərbaycanın turizm gəlirləri azalıb: 6 illik bağlı sərhədlər sektoru zəiflədib

Prezident niyə hüquqşünasları aidiyyətləri olmayan sahələrə nazir təyin edir?

Trampın dilemması: İranı vurmalı, ya vurmamalı?..

Şivlənin yolu - Yalçın İmanov yazır

"Epşteyn faylları": Pedofil kimi tanınan şəxsin İsrailə işlədiyi haqda nələr bəllidir?

Məhkəmə

"Meydan TV işi": Ramin Deko barəsində həbs qərarı vermiş sabiq hakimin ona vəkillik etməsini istəyib

14 Fevral 2026

Foto: Meydan TV

Fevralın 13-də Bakı Ağır Cinayətlər Məhkəməsində "Meydan TV işi" üzrə növbəti məhkəmə prosesi keçirilib. "Meydan TV"-nin xəbərinə görə, hakim Aytən Əliyevanın sədrliyi ilə keçirilən məhkəmə prosesində təqsirləndirilən şəxslərdən jurnalist Nurlan Libre (Qəhrəmanlı) xatırladıb ki, 28 gündür aclıq aksiyası keçirir. O, əlləri qandallı şəkildə zorla məhkəməyə gətirilməsinə etiraz edib. Hakim bildirib ki, N.Librenin digər təqsirləndirilən şəxslər kimi məhkəməyə qandalsız gətirilməsi üçün Bakı İstintaq Təcridxanasının rəhbərliyinə və konvoy taboruna müraciət olunacaq. Özünü pis hiss etdiyini söyləyən N.Libre müayinə olunmaq üçün məhkəmə zalından çıxarılıb. Bir müddət sonra geri qaytarılan jurnalist bildirib ki, təzyiqini ölçüblər və ona “korvalol” dərmanı veriblər. O, aclığı davam etdirmək...

Davamını oxu

Məhkəmə

AXCP fəalı Emil Səlim inzibati qaydada həbs olunub

13 Fevral 2026

Foto: sosial media

Azərbaycan Xalq Cəbhəsi Partiyası (AXCP) Gənclər Komitəsinin sədri Emil Səlim inzibati qaydada həbs olunub. AXCP-dən verilən məlumata görə, fevralın 13-də Yasamal Rayon Məhkəməsində hakim Rəşad Cavadzadənin sədrlik etdiyi prosesdə E.Səlimə 20 sutka həbs cəzası verilib. Fəal İnzibati Xətalar Məcəlləsinin 388-1.1.1-ci (informasiya ehtiyatında yayılması qanunla qadağan edilmiş informasiyanın yerləşdirilməsi) maddəsi ilə təqsirləndirilib. Azərbaycanda son vaxtlar bir sıra fəallar sosial şəbəkələrdə hökuməti tənqid edən paylaşımlar etdikdən sonra sözügedən maddə üzrə təqsirləndirilərək inzibati qaydada həbs olunurlar. AXCP-nin sədr Əli Kərimli də daxil olmaqla 20-yə yaxın üzvü isə uzunmüddətli həbsdədir. Onlar ittihamları rədd edir, hakimiyyətin sifarişi ilə həbs olunduqlarını bildirirlər.

Davamını oxu