İctimai-siyasi xəbərlər
UFC ilk dəfə Azərbaycanda keçiriləcək
açıq mənbədən götürülüb
Redaktorun Tövsiyələri
Əvəz Zeynallıya xərçəng diaqnozu qoyulub
sosial media
"Xural" internet televiziyasının həbsdə olan rəhbəri Əvəz Zeynallıya xərçəng diaqnozu qoyulub.
Məlumatı jurnalistin həyat yoldaşı Məlahət Zeynallı yayıb.
Onun sözlərinə görə, bir müddət əvvəl 6 saylı cəzaçəkmə müəssisəsində saxlanılan Əvəz Zeynallının səhhətində ciddi problemlər yaranmışdı.
"Təxminən 1 ay əvvəl Onkologiya Mərkəzinə aparıb, "biopsiya" götürdülər. 10 gün əvvəl nəticəni Əvəz bəyə açıqlayıblar”, o, qeyd edib.
M.Zeynallı bildirib ki, bağırsağında olan bədxassəli şiş artıq metastaz verib, xərçəng qara ciyərinə yayılıb.
Əvəz Zeynallı 2023-cü ildə rüşvət almaq ittihamıyla həbs edilib.
Sonradan ona qarşı vəzifəli şəxsin qərarına qanunsuz təsir göstərmə - nüfuz alveri ittahmı irəli sürülüb.
Eyni iş üzrə Elnur Şükürov da həbs olunub....
Sosial sahibkar Rəbiyyə Məmmədova polis bölməsində döyülüb
sosial media
Sosial sahibkar Rəbiyyə Məmmədova polis bölməsində fiziki zorakılığa məruz qalıb.
Bu barədə o, “Facebook” hesabında məlumat verib.
Məmmədova qeyd edib ki, o, İqtisadiyyat Nazirliyi önündə oturaq aksiya keçirərkən mühafizəçilər tərəfindən ordan uzaqlaşması tələb olunub.
Uzaqlaşmadıqda isə, o, nazirliyin Mühafizə İdarəsinin rəisinin tapşırığı ilə 23-cü polis bölməsinə aparılıb və burda polis tərəfindən döyülüb.
Məmmədova oturaq aksiyasına davam edəcəyini bildirib.
O, sosial təşəbbüsü üçün kredit ayrılmamasından şikayət edir.
Məmmədova deyir ki, söhbət 15000 manatlıq kreditdən gedir və onlar bu məbləği faizi ilə geri qaytaracaqlar, lakin kredit verilmir.
Rəbiyyə Məmmədova 2022-ci ildə yaratdığı “Sapla” adlı sosial təşəbbüsünün fəaliyyətinin davam etdirilməsinə əngəllər yaradıldığını bildirir. ...
