Siyasət

ABŞ Konqresində Azərbaycana qarşı sanksiya layihəsi irəli sürülüb

8 Oktyabr, 2025

Foto: açıq mənbə

ABŞ Konqresmenləri Darrell İssa və Qas Bilirakis “Qafqazda eskalasiyanın qarşısının alınması və tərəfdaşlığın möhkəmləndirilməsi haqqında” (PEACE Act – H.R.5632) adlı qanun layihəsini təqdim ediblər.

Nümayəndələr Palatasının Xarici Əlaqələr Komitəsinin sədr müavini D.İssanın ofisi tərəfindən yayılan bəyanatda bildirilir ki, sənədin məqsədi gələcəkdə Ermənistana qarşı mümkün hərbi təcavüzlərin qarşısını almaq və Tramp administrasiyasının vasitəçiliyi ilə əldə edilmiş Ermənistan–Azərbaycan sülh razılaşmasını möhkəmləndirməkdir.

Layihəyə əsasən, Ermənistana qarşı hərbi əməliyyatlara görə məsuliyyət daşıyan Azərbaycan rəsmilərinə və onların ailə üzvlərinə qarşı sanksiyalar nəzərdə tutulur.

Bunlara ABŞ-dəkı aktivlərin dondurulması, ölkəyə giriş qadağası və Azərbaycanın enerji ticarətini asanlaşdıran maliyyə qurumlarına məhdudiyyətlərin tətbiqi daxildir.

Qanun layihəsi sentyabrın 30-da Nümayəndələr Palatasına təqdim olunub və Xarici Əlaqələr, Ədliyyə və Maliyyə Xidmətləri Komitələrinə göndərilib.
Lakin sənəd hələ komitələrdə müzakirəyə çıxarılmayıb.

ABŞ qanunvericiliyinə əsasən, bir layihənin qanun statusu alması üçün o, bütün aidiyyəti komitələrdə təsdiqlənməli, ardınca həm Nümayəndələr Palatası, həm də Senat tərəfindən qəbul edilməli və sonda prezident tərəfindən imzalanmalıdır.

Avqustun 8-də ABŞ prezidenti Donald Tramp, Ermənistanın baş naziri Nikol Paşinyan və Azərbaycan prezidenti İlham Əliyev Vaşinqtonda görüşərək birgə bəyanat imzalayıblar. Ermənistan və Azərbaycanın xarici işlər nazirləri həmin sənədi sülh sazişi kimi paraflayıblar.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Ehud Barak: "Fələstinli olsaydım, mən də terrorçu olardım"

Fərid İsmayılov üç gündür aclıq aksiyası keçirir

ABŞ senatoru Ələsgər Məmmədliyə məktub yazıb

Azərbaycanda siyasi məhbus hesab edilənlərin sayı 392-yə yüksəlib

Avropa Məhkəməsi Yalçın İmanovun vəkillikdən xaric edilməsini qanunsuz saydı

İlham Əliyev Vladimir Putini təbrik edib

Redaktorun Tövsiyələri

“Abzas Media” jurnalistlərinin Lənkərana köçürülməsi qanunauyğundurmu?

Azərbaycanda rəsmi 5 faiz işsizlik göstəricisi gerçəyi əks etdirirmi?

Jurnalistlərə və QHT fəallarına qarşı “leqallaşdırma” ittihamı qanunidirmi?”

“Tribunat”: Ərəb turistlərin Şəhidlər Xiyabanındakı hərəkətlərində cinayət tərkibi yoxdur

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

Siyasət

Ehud Barak: "Fələstinli olsaydım, mən də terrorçu olardım"

8 Oktyabr 2025

Foto: Yonatan Sindel

"Al Jazeera" telekanalı İsrailin Qəzzada apardığı müharibənin iki illiyinə həsr olunmuş sənədli film yayımlayıb. Filmdə İsrailin apardığı müharibəni “müasir dövrün ən amansız müharibələrindən biri” adlandıran avstraliyalı jurnalist Con Lyons mülki əhalinin qətliamının səbəblərini araşdırır. Lyons İsrailin siyasi, hərbi və kəşfiyyat nümayəndələrini onların motivləri barədə danışdırır və iki ildə 66 mindən çox fələstinlinin, o cümlədən 20 mindən artıq uşağın öldürülməsinə başqa alternativin olub-olmadığını soruşur. Sabiq baş nazir Ehud Barak da daxil olmaqla bir sıra hazırki və keçmiş İsrail rəsmiləri ölkələrinin hərəkətlərini özünümüdafiə kimi dəyərləndirirlər. Onlar İsrailin Qəzzada mülki şəxsləri qəsdən öldürdüyünü inkar edirlər. Buna baxmayaraq, onların bir neçəsi qarşı tərəfi başa...

Davamını oxu

Siyasət

ABŞ senatoru Ələsgər Məmmədliyə məktub yazıb

8 Oktyabr 2025

Foto/kollaj: Toplum TV

ABŞ senatoru Cin Şahin "Toplum TV"-nin həbsdə olan həmtəsisçisi Ələsgər Məmmədliyə məktub yazıb. O, məktubunda Ə.Məmmədli də daxil olmaqla "siyasi məhbusların müdafiəsinin" onun "şəxsi prioritetlərindən biri" olduğunu qeyd edib. "Mən sizin işinizi qaldırmaq və azadlığa buraxılmağınız üçün səsimi istifadə etməyə davam edəcəyəm", - Şahin bildirib. Ə.Məmmədlinin media eksperti kimi ABŞ-də mənzillənən "Internews" və "IREX" kimi təşkilatlarla, o cümlədən Avropada Təhlükəsizlik və Əməkdaşlıq Təşkilatı ilə əməkdaşlığını xatırladan senator onun "töhfələrini yüksək qiymətləndirdiyini" qeyd edib. "Sizin karyeranız həqiqətə sadiqliyinizi nümayiş etdirir — bu isə demokratiyanın əsas tərkib hissəsidir", - o əlavə edib. Ə.Məmmədlinin səhhətindəki problemlərdən də xəbərdar olduğunu bildirən Şahin ona tezliklə...

Davamını oxu