Siyasət

Dindar fəal Elvin Zeynalov həbs edilib

3 Fevral, 2025

sosial media

Nərimanov Rayon Məhkəməsi dindar fəal Elvin Zeynalov barəsində 4 aylıq həbs qətimkan tədbiri qərarı çıxarıb. Onun narkotik vasitələrin qanunsuz dövriyyəsində ittiham olunduğu bildirilir (Turan).

E. Zeynalovun yaxınlarının dediyinə görə, istintaqı Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi aparır.

Maştağa qəsəbəsində yaşayan Elvin Zeynalovun yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanıldığı, axşam saatlarında isə onun iştirakı ilə evində axtarış aparıldığını bildirirlər.

“Onlar şkafdan bir şalvar götürüb cibinə marixuana qoyub video çəkiblər. Sonra o şalvarı da, Elvini də aparıblar” yaxınları söyləyir.

Ailəsi E. Zeynalovun təqsirsiz olduğunu, şərlənərək tutulduğunu deyir.

E. Zeynalov Qarabağ müharibəsi veteranıdır. O, 2015-ci ildə Nardaran hadisələrinə görə məhkum edilmiş, bir il əvvəl isə narkotik maddə alveri ittihamı ilə yenidən həbs edilmiş Etibar İsmayılovun bacısı oğludur.

Hüquq müdafiəçiləri Azərbaycanda 300-dən çox siyasi məhbus olduğunu, böyük hissəsini dindarların təşkil etdiyini və onların da əsasən narkotik ittihamı ilə saxlanıldıqlarını bəyan edirlər.

Azərbaycan rəsmiləri isə ölkədə heç kimin siyasi və ya dini mövqeyinə təqib edilmədiyini bütün fundamental hüquq və azadlıqların təmin edildiyini bildirirlər.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Sərhəd rayonlarında postlar qurulub: Əməliyyat keçirilir

Siyavuş Novruzov: “Parlament Müstəqillik Gününədək amnistiya aktı işləyib hazırlaya bilər”

Emal sənayesinin ÜDM-dəki payına görə Azərbaycan MDB-nin autsayderidir

Əfqan Sadıqovun quru aclığa başladığı deyilir

Vəkil: “Anar Məmmədlini müalicə etmirlər”

AZAL-ın Bakı-Həştərxan-Bakı marşrutu üzrə bütün uçuşları dayandırılıb

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Siyasət

Sərhəd rayonlarında postlar qurulub: Əməliyyat keçirilir

3 Fevral 2025

açıq mənbədən götürülüb

Azərbaycanın Rusiya ilə sərhədyanı rayonlarında polis postları qurulub. Quba, Qusar, Xaçmaz, Balakən, Zaqatala, Qax, Şəki, Oğuz və Qəbələ rayonlarında bir həftə ərzində “Sərhəd-Sipər” şərti adı altında kompleks əməliyyat-axtarış tədbirlərinin keçirildiyi bildirilir. Əməliyyatların Azərbaycan Respublikası və Rusiya Federasiyasının daxili işlər nazirləri arasında əldə olunmuş qarşılıqlı razılaşmaya əsasən aparıldığı deyilir. Kompleks əməliyyat-axtarış və profilaktik tədbirlərin fevralın 3-dən 10-dək davam edəcəyi qeyd edilib.

Davamını oxu

Siyasət

Siyavuş Novruzov: “Parlament Müstəqillik Gününədək amnistiya aktı işləyib hazırlaya bilər”

3 Fevral 2025

sosial media

Azərbaycanda amnistiya aktının qəbuluna ehtiyac var. Bu təkliflə fevralın 3-də Milli Məclisin iclasında Regional məsələlər komitəsinin sədri Siyavuş Novruzov çıxış edib. Müstəqillik illərində Azərbaycanda 13 amnistiya aktı və 70-dən çox əfv sərəncamı qəbul olunduğunu xatırladan deputata deyib ki, parlament yenə təşəbbüs göstərib Müstəqillik Gününə - 28 Mayadək belə amnistiya aktını işləyib hazırlaya bilər. Deputat təklif edib ki, Azərbaycanın ərazi bütövlüyü uğrunda döyüşlərdə iştirak edənlərə amnistiya verilsin. Azərbaycanda sonuncu dəfə amnistiya aktı 5 noyabr 2021-ci il Qələbə Günü münasibətilə qəbul edilib. Həmin amnistiya 16 min nəfərə şamil edilib, 3 min nəfər həbsdən azad edilib. Amma bu amnistiya hüquq müdafiəçilərinin siyasi...

Davamını oxu