Siyasət

“Şübhəli və qərəzli mənbələrə” istinad edilib - Ombudsman Human Rights Watch-un icraçı direktoruna məktub yazdı

31 Yanvar, 2025

sosial media

Azərbaycanın İnsan Hüquqları üzrə Müvəkkili (Ombudsman) Səbinə Əliyeva “Human Rights Watch” (HRW) təşkilatının ölkədə insan hüquqlarının vəziyyəti ilə bağlı açıqladığı son hesabatından narazıdır.

Ombudsmanın bununla bağlı qurumun icraçı direktoru Tirana Həsənə göndərdiyi açıq məktubda deyilir ki, hesabatda “ölkədəki vəziyyətə qərəzli və birtərəfli yanaşma” nümayiş etdirilib, “şübhəli və qərəzli mənbələrə” istinad olunub və paralel hesabatlar nəzərə alınmayıb.

Səbinə Əliyeva hesab edir ki, Milli Preventiv Qrupun üzvləri HRW hesabatında adı çəkilən bir sıra şəxslərlə görüşlər keçirib və onlara qarşı işgəncə və ya qeyri-insani rəftar hallarına dair heç bir fakt aşkarlanmayıb.

Ombudsmanın məktubunda beynəlxalq qurum Azərbaycanın nailiyyətlərini, xüsusilə iqlim dəyişikliyi ilə mübarizədə əldə etdiyi uğurları nəzərə almamasına görə tənqid edilib.

S. Əliyeva HRW-ni “qərəzsiz yanaşma nümayiş etdirməyə” və hesabatlarını təsdiqlənmiş faktlara əsaslanaraq hazırlamağa çağırıb.

Yanvarın 16-da illik hesabatını açıqlayan Human Rights Watch Azərbaycanda repressiyaların gücləndiyini, jurnalistlərin, hüquq müdafiəçilərinin və siyasi motivli həbslərin davam etdiyini, söz, toplaşmaq və birləşmək azadlıqlarının məhdudlaşdırıldığını, saxlanılan şəxslərə qarşı işgəncə və qeyri-insani rəftarın olduğunu vurğulayıb.

HRW eyni zamanda, 2024-cü ildə keçirilmiş növbədənkənar prezident və parlament seçkilərinin azad və ədalətli seçki standartlarına uyğun keçirilmədiyini qeyd edib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Tbilisi məhkəməsi Əfqan Sadıqovun həbs müddətini uzadıb

Regionları inkişaf etdirmədən Bakını tıxacdan xilas etmək olarmı?

AŞPA prezidenti: “Gürcüstanın bu qurumda iştirakı seçim deyil, öhdəlikdir”

Həbsdəki jurnalistlərin fotosunu seçki qutusuna atdığı deyilən ictimai fəal 30 sutka həbs edilib

Vəkil Famil Xəlilovun işində iştirak edən hal şahidlərinin başqa işlərdə də adlarının keçdiyini bildirib

Fəaliyyətinə xitam verilmiş diplomat polis tərəfindən saxlanılıb

Redaktorun Tövsiyələri

Kənd təsərrüfatında durğunluq: istehsal azalır, idxal artır

Niyə Qarabağda evlər başqa rayonlarla müqayisədə çox baha tikilir?

Azərbaycan 2024-cü ildə qeyri-neft ixracını artıra bilməyib, kənd təsərrüfatı cəmi 1% böyüyüb

Trampın qərarları Azərbaycanın büdcə gəlirlərini azalda bilər

Azərbaycanda əhalinin hər üç nəfərindən yalnız birinin təhlükəsiz su xidmətlərinə çıxışı var

Regional inkişaf proqramlarının uğursuz nəticəsi: regionlarda rəsmi iş yerləri azalıb

Siyasət

Tbilisi məhkəməsi Əfqan Sadıqovun həbs müddətini uzadıb

31 Yanvar 2025

Əfqan Saqıqov/şəxsi arxiv

Yanvarın 31-də Tbilisi şəhər məhkəməsi Azel TV saytının təsisçisi Əfqan Sadıqovun həbs müddətini 3 ay uzadıb. Onun Azərbaycana ekstradisiyası haqqında qərar mayda veriləcək. Bu barədə onun həyat yoldaşı Sevinc Sadıqova məlumat yayıb. İclasda dövlət ittihamçısı Əfqan Sadıqovun ölkədən qaçma riskinin artdığını deyib, buna görə də onun barəsində seçilmiş həbs müddətinin uzadılmasını istəyib. Vəkil Əfqan Sadıqovun barəsində seçilmiş həbs-qətimkan tədbirinin 10 min lari girovla əvəz olunmasını xahiş edib, lakin onun vəsatəti qəbul edilməyib. Yanvarın 15-də Tbilisi Apellyasiya Məhkəməsi onun Azərbaycana ekstradisiya olunması ilə bağlı Tbilisi Şəhər Məhkəməsinin qərarından verilmiş şikayəti təmin etməyib. Bununla da jurnalistin Azərbaycana ekstradisiya olunması haqda məhkəmə qərarı...

Davamını oxu

Siyasət

Vəkil Famil Xəlilovun işində iştirak edən hal şahidlərinin başqa işlərdə də adlarının keçdiyini bildirib

31 Yanvar 2025

Toplum TV

Bakı Ağır Cinayətlər Məhkəməsində birinci qrup əlil, serebral iflic olan ictimai fəal Famil Xəlilovun məhkəməsi davam edir. Sonuncu məhkəmə iclasında hal şahidi gəlmədiyi üçün hakim məhkəmə iclasını təxirə salmaq istəyib. Ancaq təqsirləndirilən şəxsin müdafiəçisi Fariz Namazlı vəsatətləri olduğunu bildirib. Vəkil deyib ki, Famil Xəlilov barəsində keçirilmiş şəxsi axtarış hal şahidlərinin iştirakı ilə olub. Həmin şəxslərin başqa işlərdə də hal şahidi kimi iştiraklarının müəyyən edilməsi üçün bəzi məlumatların əldə edilməsi zəruridir. O, Süleymanbəy Qasımovun və Pünhan Həsənlinin hal şahidi kimi iştirak etdikləri məhkəmə işləri barədə məlumatların “Elektron məhkəmə” informasiya sistemindən götürülərək hazırkı cinayət işinin materiallarına əlavə edilməsini istəyib. Məhkəmə vəsatəti təmin...

Davamını oxu