Sosial

Almaniyadan deportasiya olunan Cəfər Mirzəyevin işi üzrə hazırlıq iclası keçirilib

6 İyun, 2022

2311

Açıq mənbələrdən götürülüb

İyunun 6-da Bakı Ağır Cinayətlər Məhkəməsində ötən il Almaniyadan Azərbaycana deport olunmuş və Bakıda narkotik ittihamıyla həbs edilmiş Cəfər Mirzəyevin işi ilə bağlı hazırlıq iclası keçirilib.

Məhkəmə iclasına hakim Cavid Hüseynov sədrlik edib.

Vəkil Nemət Kərimli məhkəməyə vəsatətlər verib. Birinci vəsatət müvəkkilinin şüşəli qəfəsdən çıxarılaraq yanında oturdulması, ikinci vəsatət müvəkkilin ev dustaqlığına buraxılması ilə bağlı olub. Onların heç biri təmin edilməyib.

Qısa çəkən hazırlıq iclasında hakim məhkəmə baxışını iyunun 17-nə təyin edib.

Cəfər Mirzəyev ibtidai istintaqa verdiyi ifadəsində bildirib ki, 2016-cı ildə Almaniyaya işləməyə gedib və ora gedərkən heç bir siyasi fəaliyyəti olmayıb.

O, Almaniyada yaşayarkən azərbaycanlı siyasi mühacirlərə qoşularaq Azərbaycandakı siyasi məhbuslara azadlıq tələbi ilə aksiyalarda iştirak etdiyini bildirib.

Ötən il noyabrın 24-də readmissiya ilə Azərbaycana göndərilib.

C.Mirzəyev bu il yanvarın 28-də Ramanada mülki geyimli şəxslər tərəfindən saxlanılıb.

O ifadəsində göstərib ki, yolda həmin şəxslər üzərinə narkotik qoyublar və Sabunçu rayon Polis İdarəsinin 12-ci polis bölməsinə aparıblar. Onun sözlərinə görə, ilkin ifadəsini isgəncə altında verdiyi üçün narkotikin ona məxsus olduğunu demək məcburiyyətində qalıb, amma istintaq zamanı əksini yazıb.

Polisin məlumatına görə, Cəfər Mirzəyevin üzərindən 12 qram heroin, 4 qram narkotik tərkibli dərman götürülüb.

Bu ittihama görə Cəfər Mirzəyevi 5 ildən 12 ilədək həbs gözləyir.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İnanclı fəala hökm oxundu

Azərbaycanda 100 nəfər siyasi məhbusun olduğu bildirilir

Azərbaycan hökuməti siyasi fəala təzminat ödəcəyək

Rəşad Ramazanovun həbsdə işgəncəyə məruz qaldığı deyilir

Aqil Məhərrəmov: "Uşaqlarım elə bilirdi işləməyə getmişəm, həbsimi bilmirdilər"

Aqil Məhərrəmovun həbs müddəti bitib

Redaktorun Tövsiyələri

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Sosial

Son 4 ildə dinlənən hər 10 dərsdən 7-də "tədrisin keyfiyyəti zəif olub"

12 Sentyabr 2025

Foto: açıq mənbə

Təhsil İnstitutunun son 4 ildə monitorinq apardığı hər 10 dərsdən 7-də "tədrisin keyfiyyəti zəif olub". Bunu Təhsil İnstitutunun direktoru vəzifəsini icra edən Elnur Əliyev sentyabrın 12-də “2025-2026-cı tədris ili: yeniliklər və hədəflər” mövzusunda keçirilən tədbirdə söyləyib. Onun sözlərinə görə, qurum son 4 ildə 400 məktəbdə ümumilikdə 17,300 dərsdə dinləmə aparıb. O, dinləmə aparılan məktəblərin ölkə üzrə yerləşmə arealını açıqlamayıb. "Bu dərslərin müfəssəl datasını toplamışıq. Əsas fokus Azərbaycan dili, riyaziyyat, ingilis dili kimi fənn dərsləri olub. Qiymətləndirmədə 5 meyara fikir verilib: müəllimlərin dərsə hazırlığı, şagirdlərin dərsdə fəal iştirakı, resurslardan istifadə, dərslərin şagirdlərdə bilik və bacarıqları formalaşdırması və formativ qiymətləndirmənin aparılması", -...

Davamını oxu

Sosial

Əfqanıstanda zəlzələdə 600-dən çox insan ölüb

1 Sentyabr 2025

Foto: Reuters

Əfqanıstanın şərqindəki Kunar və Nanqarhar vilayətlərində sentyabrın 1-ə keçən gecə 6 bal gücündə zəlzələ baş verib. Ölkənin Daxili İşlər Nazirliyi bu ana qədər ən az 622 nəfərin öldüyünü, 1500-dən çox insanın yaralandığını təsdiqləyib. Bir neçə kəndin tamamilə dağıldığı, xilasetmə əməliyyatlarının davam etdiyi bildirilir. "Al Jazeera"nin yerli müxbirinin məlumatına görə, zəlzələ baş verən bəzi ərazilərə yardım çatdırmaq əlverişsiz yol şəraitinə görə çətinləşib. Birləşmiş Millətlər Təşkilatının (BMT) Əfqanıstan ofisi dağıdıcı zəlzələdən "dərindən kədərləndiklərini" bildiriblər. "Qruplarımız ərazidədir, təcili yardım və xilasedici dəstək göstərirlər. Düşüncələrimiz zərərçəkmiş icmalarladır", - deyə bəyanatda qeyd olunub.

Davamını oxu