Siyasət

Von der Leyenə məktub yazan jurnalist “kars”a salınıb, 20 gündür aclıq edir

21 İyul, 2026

182

Açıq mənbə

Həbsdə olan jurnalist Yaşar Ağazadə saxlanıldığı 6 saylı Cəzaçəkmə Müəssisəsində iyulun 2-də cərimə kamerasına (“kars”) salınıb.

Bu barədə “Toplum TV”-yə məlumat verən jurnalistin həyat yoldaşı Aygün İsmayıllı deyir ki, Y.Ağazadə artıq 20 gündür buna etiraz olaraq quru aclıq edir.

Onun sözlərinə görə, həyat yoldaşının “kars”a salınmasına səbəb onun Avropa Komissiyasının prezidenti Ursula von der Leyenə yazdığı məktub olub. Y.Ağazadə siyasi məhbus kimi tanınan başqa bir neçə fəalla birlikdə ünvanladığı müraciətdə von der Leyendən Azərbaycan prezidenti ilə görüşdə insan haqları məsələsini qaldırmağı xahiş edib.

A.İsmayıllı iyulun 21-də cəzaçəkmə müəssisəsinə getsə də, ona həyat yoldaşı ilə görüşməyə icazə verilməyib. Onun sözlərinə görə, jurnalistin vəziyyəti yaxşı deyil və hələ də həkim nəzarətinə alınmayıb. O, bununla bağlı Penitensiar Xidmətin qaynar xəttinə və Ombudsman Aparatına müraciət edib.

Bir neçə gün öncə həbsdə olan ictimai fəal Bəxtiyar Hacıyev də saxlanıldığı 6 saylı Cəzaçəkmə Müəssisəsində ona qarşı təzyiqlərin artdığını bildirib.

Hacıyevin yaxınlarının “Toplum TV“-yə bildirdiyinə görə, Ursula von der Leyenin Bakıya son səfərindən sonra B.Hacıyevə, mediada və sosial şəbəkələrdə dərc olunan materialların ona çatdırılması qadağan edilib, kitablar verilmir, şəxsi əşyaları yoxa çıxır, şikayətlərinə baxılmır və müəssisə rəhbərliyi tərəfindən fiziki zorakılığa məruz qalır”.

Yaşar Ağazadə 2024-cü ilin aprelində 5 il 1 ay müddətinə azadlıqdan məhrum edilib. Sonradan onun cəzası daha 5 ay artırılıb.

O, Cinayət Məcəlləsinin 182.2.2 (hədə-qorxu ilə tələb etmə-təkrar törədildikdə) maddəsi ilə ittiham olunur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İsrail Qəzza barədə filmin rejissorlarını vətəndaşlıqdan məhrum etməklə hədələyib

Memar: "Bayırşəhərdə dövlət reyestrindən çıxarılmış tarixi abidələr reyestrə qaytarılmır"

Türkiyə polisi LGBTQ+ fəallarını kütləvi şəkildə saxlayıb

Seymur Həzinin Azərbaycandan çıxışına qadağa qoyulub

AŞPA baş məruzəçisi Anar Məmmədli və Anar Abdullaya verilən hökmləri “özbaşına” adlandırıb

Azərbaycanda daha bir QHT rəhbəri 8 il şərti həbs cəzası alıb

Redaktorun Tövsiyələri

Bizim Tatar çölümüz - Fariz Namazlının yazısı

Hüquqşünas: “Saytların bloklanması ictimaiyyətin məlumat almaq hüququna da müdaxilədir”

Turizm üçün yeni dövlət proqramı: 5 ildə 1,1 faizlik artım hədəflənir

Hüquq müdafiəçisi: “SOCAR-da 50-60 yaşlı insanları ərizə yazdırıb işdən çıxarırlar”

Torpaqların birləşdirilməsi kəndlilərə nə verəcək?

Niyə bəzi tarixi abidələrə milyonlar ayrılır, digərləri isə baxımsız qalır?

Siyasət

Seymur Həzinin Azərbaycandan çıxışına qadağa qoyulub

14 Sentyabr 2026

sosial media

Azərbaycan Xalq Cəbhəsi Partiyasının (AXCP) sədr müavini Seymur Həzinin Azərbaycandan çıxışına qadağa qoyulub. Bu barədə siyasətçinin özü sosial media hesabında məlumat verib. Onun sözlərinə görə, çıxışına məhdudiyyət qoyulduğunu sentyabrın 12-i səhər saatlarında Heydər Əliyev adına Beynəlxalq Hava Limanında öyrənib. "Bildiyiniz kimi mən 2016-cı ildə “Azad Media" mükafatına layiq görülmüşdüm. Mükafatı verən təşkilat bu ilin 17-19 sentyabr tarixlərində keçirəcəyi tədbirə məni də dəvət etmişdi. Belə planladım ki, tədbirdən bir neçə gün qabaq Gürcüstana gedim, oradakı qohumlara baş çəkim, sonra tədbirə qatılmaq üçün Vilnüsə gedim", - o qeyd edib. S.Həziyə çıxışına Daxili İşlər Nazirliyi tərəfindən qadağa qoyulduğu deyilsə də, səbəbi izah edilməyib....

Davamını oxu

Siyasət

AŞPA baş məruzəçisi Anar Məmmədli və Anar Abdullaya verilən hökmləri “özbaşına” adlandırıb

11 Sentyabr 2026

sosial media

Avropa Şurası Parlament Assambleyası (AŞPA) Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədlinin 13 il həbsə məhkum edilməsi barədə bəyanat yayıb. AŞPA-nın siyasi məhbuslar üzrə baş məruzəçisi Azadeh Rojhan yaydığı açıqlamada Anar Məmmədliyə verilən 13 illik həbs cəzasının siyasi motivli göründüyünü və ədalətli məhkəmə təminatlarının olmadığını bildirib. “İctimai fəal, jurnalist və eyni iş üzrə təqsirləndirilən Anar Abdullayevə verilən 12 illik həbs cəzası ilə birlikdə elan olunan bu özbaşına hökmdən şoka düşmüşəm”, - A. Rojhan bildirib. Rojhanın sözlərinə görə, Anar Məmmədliyə verilən hökm AŞPA-nın onun məhkəməyəqədər həbsi və təqibinin siyasi motivli olması barədə əvvəlki qənaətini daha da gücləndirir: “Assambleya bu...

Davamını oxu