Sosial

Penitensiar Xidmət niyə statistik məlumatları açıqlamır?

26 İyul, 2022

2320

Açıq mənbələrdən götürülüb

Penitensiar Xidmət bu ilin ilk altı ayı ərzində neçə nəfərin həbsdən azad olunmasıyla bağlı "Toplum TV"-nin sorğusunu cavablamayıb. Qurumun mətbuat katibi Mehman Sadıqovun dediyinə görə, bu rəqəmlər xidməti istifadə üçün nəzərdə tutulub.

Hüquqşünas Yalçın İmanovun sözlərinə görə isə, Penitensiar Xidmətin statistik məlumatları açıqlamamasının heç bir hüquqi əsası yoxdur.

"Açıq və əldə olunması qanunla məhdudlaşdırılan informasiyalar var. Əldə olunması qanunla məhdudlaşdırılan informasiyalar konfidensial olur. Dövlət sirri məxfi, vətəndaşların, mülkiyyət növündən asılı olmayaraq yaradılmış idarə, müəssisə və təşkilatların, digər hüquqi şəxslərin qanuni maraqlarının qorunması məqsədi ilə əldə olunmasına məhdudiyyət qoyulan peşə kommersiya, istintaq və məhkəmə sirləri, habelə fərdi məlumatlar konfidensial xarakter daşıyır".

https://toplum.tv/multimedia/azerbaycanda-dustaq-budcesi

O ki qaldı informasiyaların daxili istifadə üçün nəzərdə tutulmasına, hüquqşünas deyir ki, "İnformasiya əldə etmək haqqında" qanunun 35-ci maddəsinə görə, informasiya sahibi informasiyanın əldə olunmasına məhdudiyyət qoymaq yolu ilə onu xidməti istifadə üçün nəzərdə tutulmuş hesab edə bilər.

Bu, hansı halda mümkündür?

"İnformasiyanın xidməti istifadə üçün nəzərdə tutulmuş hesab edilməsinin əsasları" maddəsinin heç bir bəndində statistik məlumatların ictimaiyyətə açıqlanmasına məhdudiyyət qoyulmur. (bax: https://e-qanun.az/framework/11142, maddə 35.1)

Yalçın İmanov da təsdiqləyir ki, həbsdən azad olunanların sayı statistik məlumatdır, açıq informasiya növlərinə aiddir və informasiya sahibi həmin məlumatı açıqlamaq vəzifəsi daşıyır.

Qeyd edək ki, Mehman Sadıqovun söylədiyi qayda heç Penitensiar Xidmətin əsasnaməsində də yer almayıb. (bax: http://www.penitensiar.justice.gov.az/about/1124-azrbaycan-respublikas-dliyy-nazirliyinin-penitensiar-xidmti-haqqnda-s-a-s-n-a-m-.html)

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

İşlə təmin olunan keçmiş məhbusların sayı açıqlanıb

Həbsdən çıxanda sizi nə gözləyir?

Azərbaycanda dustaq büdcəsi

Vilyam Hacıyevin 2,5 milyon dolları: “Həyat yoldaşımın babasından qalıb”

DTX: ““Azəri Camaatı” qruplaşmasına üzv olan azərbaycanlı həbs olunub

Şəmkirin sabiq icra başçısının həbs müddəti uzadılıb

Redaktorun Tövsiyələri

“Toplum TV işi”: Hakimlər Prezident Administrasiyasından gələcək qərarı gözləyir"

Azərbaycanda partiya liderləri niyə “beynəlxalq ekspert”ə çevrildi?

İqtisadçı: Çirklənməyə baxmayaraq Avropanın Azərbaycan neftindən imtina şansı yoxdur

İlham Əliyev Vaşinqton görüşündən sonra siyasi yumşalmaya gedəcəkmi?

Paraflanmış mətn, bəyannamə, “Tramp marşrutu": Sülh olacaqmı?

Yaradıcı birliklərin üzvü, sərt hökmlər çıxaran, pensiya davası edən hakim - Ənvər Seyidov

Sosial

Son 4 ildə dinlənən hər 10 dərsdən 7-də "tədrisin keyfiyyəti zəif olub"

12 Sentyabr 2025

Foto: açıq mənbə

Təhsil İnstitutunun son 4 ildə monitorinq apardığı hər 10 dərsdən 7-də "tədrisin keyfiyyəti zəif olub". Bunu Təhsil İnstitutunun direktoru vəzifəsini icra edən Elnur Əliyev sentyabrın 12-də “2025-2026-cı tədris ili: yeniliklər və hədəflər” mövzusunda keçirilən tədbirdə söyləyib. Onun sözlərinə görə, qurum son 4 ildə 400 məktəbdə ümumilikdə 17,300 dərsdə dinləmə aparıb. O, dinləmə aparılan məktəblərin ölkə üzrə yerləşmə arealını açıqlamayıb. "Bu dərslərin müfəssəl datasını toplamışıq. Əsas fokus Azərbaycan dili, riyaziyyat, ingilis dili kimi fənn dərsləri olub. Qiymətləndirmədə 5 meyara fikir verilib: müəllimlərin dərsə hazırlığı, şagirdlərin dərsdə fəal iştirakı, resurslardan istifadə, dərslərin şagirdlərdə bilik və bacarıqları formalaşdırması və formativ qiymətləndirmənin aparılması", -...

Davamını oxu

Sosial

Əfqanıstanda zəlzələdə 600-dən çox insan ölüb

1 Sentyabr 2025

Foto: Reuters

Əfqanıstanın şərqindəki Kunar və Nanqarhar vilayətlərində sentyabrın 1-ə keçən gecə 6 bal gücündə zəlzələ baş verib. Ölkənin Daxili İşlər Nazirliyi bu ana qədər ən az 622 nəfərin öldüyünü, 1500-dən çox insanın yaralandığını təsdiqləyib. Bir neçə kəndin tamamilə dağıldığı, xilasetmə əməliyyatlarının davam etdiyi bildirilir. "Al Jazeera"nin yerli müxbirinin məlumatına görə, zəlzələ baş verən bəzi ərazilərə yardım çatdırmaq əlverişsiz yol şəraitinə görə çətinləşib. Birləşmiş Millətlər Təşkilatının (BMT) Əfqanıstan ofisi dağıdıcı zəlzələdən "dərindən kədərləndiklərini" bildiriblər. "Qruplarımız ərazidədir, təcili yardım və xilasedici dəstək göstərirlər. Düşüncələrimiz zərərçəkmiş icmalarladır", - deyə bəyanatda qeyd olunub.

Davamını oxu