Siyasət

'Hürriyyət'in həbsdə olan baş redaktorunun ailəsi: “Səhhəti kritik vəziyyətə çatıb"

23 İyul, 2026

hurriyyet.az

"Hürriyyət TV"-nin həbsdə olan baş redaktoru Vüqar Məmmədovun səhhətinin ağırlaşdığı bildirilir.

Qardaşı Cəsur Məmmədovun sosial media hesabında verdiyi məlumata görə, jurnalistin ürək xəstəliyi daha da ağırlaşıb və böyrək çatışmazlığı riski yaradıb. "Lazımi tibbi yardım və nəzarətin olmaması səbəbilə xəstəliyi hər keçən gün daha da ağırlaşaraq kritik vəziyyətə çatıb", - o əlavə edib.

C.Məmmədovun sözlərinə görə, iyulun 22-də saxlanıldığı Bakı İstintaq Təcridxanasında V.Məmmədovla görüşən ailə üzvləri onun ayaqlarının şişdiyini və sərbəst hərəkət edə bilmədiyini müşahidə ediblər.

"Bununla bağlı vəkili vasitəsilə Ədliyyə Nazirliyinə müraciət edilməsinə baxmayaraq, bugünədək Vüqar Məmmədov ciddi həkim nəzarətinə götürülməyib. Ona "belə məsləhətdir" deyilməsi ilə kifayətlənilərək, faktiki olaraq tibbi yardım almaq imkanından məhrum edilib. Nəticədə həyatı üçün təhlükə yaradan xəstəliklər daha da inkişaf etməyə başlayıb", - qardaşı yazıb.

C.Məmmədov qardaşının başına "faciəvi hadisə gələrsə və ya xəstəliyi geridönməz mərhələyə çatarsa, bunun məsuliyyətini Bakı İstintaq Təcridxanasının rəhbərliyi, təcridxananın tibb məntəqəsinin rəisi və Ədliyyə Nazirliyinin vəzifəli şəxslərinin" daşıyacağını bildirib.

V.Məmmədov ötən ilin oktyabrında həbs olunub. O, Cinayət Məcəlləsinin 182-ci (hədə qorxu ilə tələb etmə) maddəsi ilə ittiham olunur.

Vüqar Məmmədov Azərbaycan Demokrat Partiyasının sədri Sərdar Cəlaloğlunun və xaricdə yaşayan hüquqşünas, “AzerFreedom TV”-nin rəhbəri Qurban Məmmədovun bacısı oğludur.

S.Cəlaloğlu bacısı oğlunun həbsi ilə bağlı daha öncə mətbuata bildirib ki, onun jurnalist fəaliyyətinə görə Prezident Administrasiyası və Dövlət Təhlükəsizliyi Xidmətindən ona iradlar bildirilib.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Şikayətlərinizi bizə göndərin: info@toplummedia.tv

Oxşar Xəbərlər

İrlandiya Ukraynanın hava hücumundan müdafiəsinə 25 milyon avro ayıracaq

Prokuror Əli Kərimlinin mühafizəçisinə 10 il həbs cəzası istəyib

Əraqçı: "İsrailin görüşlərimiz haqda məlumatlı olması təhlükəsizlik boşluğuna işarədir"

Ermənistan 40 min qarabağlıya vətəndaşlıq verib

Korrupsiyada ittiham olunan vəzifəlilər azadlıqda, vətəndaş cəmiyyəti üzvləri isə həbsdədir

Mamdani: "Netanyahu müharibə canisidir, amma həbs etməyə səlahiyyətim yoxdur"

Redaktorun Tövsiyələri

Niyə bəzi tarixi abidələrə milyonlar ayrılır, digərləri isə baxımsız qalır?

Nazir dərsliklərdə məzmundan şikayət edir, bəs nə qədər haqlıdır?

"Bandotdel"in həbs etdiyi şəxs: "Başıma su töküb 'tok'a verdilər, zorlamaqla hədələdilər"

Bayırşəhərdə 133 yaşlı memarlıq abidəsi sökülür

‘Toplum TV işi’ndə vəkil: “Xarici pasportu olmayan müvəkkillərimə xaricdən pul gətirmək ittihamı verilib”

"Toplum TV işi"ndə vəkil: "Hökmün ədalətli olacağına ümid bəsləmək ifrat sadəlövlük olardı"

Siyasət

Fərid İsmayılov: “Bəyənmədikləri sualları verən jurnalistləri həbs ediblər”

22 İyul 2026

VOA

“Toplum TV”nin həbsdə olan jurnalisti, 13 il həbsi istənən Fərid İsmayılov Milli Mətbuat Günü ilə bağlı ictimaiyyətə məktub göndərib. Məktubu olduğu kimi təqdim edirik. “Artıq 4 ildir ki, Milli Mətbuat Günü ərəfəsində Şuşa Qlobal Media Forumu keçirilir. Tədbirin təşkilatçısı olan hökumətin adı isə beynəlxalq mediada mətbuat azadlığının pozulmasında hallanır. Tədbir iştirakçılarının peşə etikasının səviyyəsini isə verdikləri suallardan görmək mümkündür. Peşə etikasına hörmət edən heç bir jurnalist bu hökumətin təşkil etdiyi media tədbirində iştirak etməz. Forumu 2023-cü ildən bəri təşkil edən hökumət elə həmin ildən öz ölkəsində müstəqil medianın həbsinə start verib. Forumun məqsədi aydındır: həbsləri pərdələmək. Amma əbəsdir. Burkina-Faso mediasında...

Davamını oxu

Siyasət

Nurlan Libre: “Milli Mətbuat Gününü 'anti-milli' ünsürlər olaraq zindanda qeyd edirik”

22 İyul 2026

Sosial media

“Meydan TV işi“ üzrə həbsdə olan jurnalist, “Portağal Media” saytının direktoru Nurlan Libre (Qəhrımanlı) Bakı İstintaq Təcridxanasından ictimaiyyətə məktub ünvanlayıb. Jurnalistin “Milli Mətbuat Günü” ilə bağlı yazdığı məktubu “Toplum TV“ olduğu kimi təqdim edir. “Milli Mətbuat Günü” ifadəsi olduqca ironik səslənir. Sanki anti-milli mətbuat da varmış kimi, “milli” media əməkçilərinə ayrıca bayram təşkil edilmiş kimi. “Əkinçi” qəzetinin yaranma tarixindən və ya Həsən bəy Zərdabinin şəxsi həyatından bəhs etmək niyyətim yoxdur. Ümumiyyətlə, hazırkı bayramın tarixi kökləri ilə əlaqəsi hələ uzun illər əvvəl kəsilib. Mətbuat olaraq həqiqəti öldürüb üzərində yeni həqiqət inşa etdiyimiz post-gerçəklik dövrünə çoxdan qədəm qoymuşuq. Yeni gerçəklikdə Mirşahin milli...

Davamını oxu