Dünya

Ermənistan müxalifəti parlamentə Dağlıq Qarabağla bağlı bəyanat təqdim edib

27 May, 2022

1691

açıq mənbədən götürülüb

“Dağlıq Qarabağın Azərbaycanın tərkibində olmasını ehtiva edən istənilən yekun həll variantı Ermənistan üçün qəbuledilməzdir”.

“Azadlıq Radiosu”nun Ermənistan bürosunun məlumatına görə, Baş Nazir Nkol Paşinyanın istefasını tələb edən müxalifətin mayın 26-da Milli Məclisə təqdim etdiyi “bəyanat layihəsində” belə deyilir.

Layihədə Milli Məclisdən tələb edilir ki, Yerevan sərhədin demarkasiyası üçün ön şərt kimi Bakıdan bütün əsirlərin qaytarılmasını və Azərbaycan silahlı qüvvələrinin Ermənistan ərazisindən çıxarılması tələbini irəli sürsün.

Bu da qeyd olunur ki, demarkasiya zamanı Ermənistanın ərazi bütövlüyünün pozulması istisna olunmalıdır.

Bəyanatda deyilir ki, Ermənistan-Türkiyə yaxınlaşması üçün imzalanacaq istənilən razılaşmada “erməni soyqırımı” inkar oluna bilməz.

Müxalifət etirazlarının lideri, Milli Məclis spikerinin müavini İşxan Saqatelyan iqtidar deputatlarından parlamentə gəlib mövqelərini bildirmələrini tələb edib:

“Əgər onlar Əliyevdən qorxmurlarsa qoy parlamentə gəlib bu erməniyönlü sənədə münasibət bildirsinlər. Deyirlər ki, siyasi gündəlik yoxdur. Buyurun, biz çox konkret tərtib olunmuş sənəd təqdim etmişik”.

Keçmiş prezident Robert Koçaryanın Hayastan fraksiyasından başqa bir deputat - Armen Rustamyan deyib ki, iqtidar bu bəyanatı qəbul etməsə, deməli “Türkiyə-Azərbaycan tandeminin” maraqlarına xidmət edir.

Aprelin sonlarından demək olar hər gün aksiyalara çıxan müxalifət baş nazir Nikol Paşinyanı Dağlıq Qarabağ məsələsində Azərbaycana birtərəfli güzəştə getməkdə ittiham edir.

İqtidar bu ittihamı rədd edir və bildirir ki, Azərbaycanla danışıqlarda Dağlıq Qarabağ ermənilərinin, status da daxil maraqlarını müdafiə edəcək.

Hakimiyyət rəsmiləri bunu da deyirlər ki, müxalifətin geniş xalq kütlələri arasında nüfuz və dəstəyi yoxdur.

Toplum TV Azərbaycanın müstəqil xəbər platformasıdır. O, ölkədə və bölgədə baş verən siyasət, iqtisadiyyat, sosial, kriminal, gender mövzularında xəbərləri dəqiq və qərəzsiz şəkildə izləyicilərimizə çatdırır.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplummedia.tv

Facebook: https://www.facebook.com/toplumtv

İnstagram: https://www.instagram.com/toplum.media/

Telegram: https://t.me/Tvtoplum

Şikayətlərinizi bizə göndərin: info@toplum.tv

Oxşar Xəbərlər

Ermənistan Təhlükəsizlik Şurası: “Dağlıq Qarabağ problemini həll etmədən sülh müqaviləsi bağlamaq mümkün deyil”

Avropa Birliyi Yerevan və Bakını ritorikanı mülayimləşdirməyə çağırır

Hindistan Ermənistana yeni artilleriya qurğuları verəcək

Nikol Paşinyan: Azərbaycan Laçın dəhlizini bağlamaq istəyir

Rusiya XİN Qarabağdakı sülhməramlılara qarşı tənqidlərə cavab verib

Vladimir Putin Ermənistana səfər edəcək

Redaktorun Tövsiyələri

Merkel Ukraynanın NATO-ya qəbul edilməsinə mane olmağa çalışıb

Azər Qasımlının ölkədən çıxışına qadağa qoyulub

Rəsulzadənin sözlərinin əks edildiyi lövhə niyə yerinə qaytarılmayıb? - Nazirlikdən cavab

AİHM-in qərarına əsasən Azadlıq qəzetinin əməkdaşına təzminat ödənəcək

Keçmiş icra başçısının oğlu 1 milyon manatlıq vergi borcuna görə ölkədən qaçdı, 2 milyonluq zərərə düşdü

Fransa səfiri də Azərbaycan XİN-ə çağırıldı

Dünya

Merkel Ukraynanın NATO-ya qəbul edilməsinə mane olmağa çalışıb

22 Noyabr 2024

Agenzia Nova

Angela Merkel Rusiyanın cavab addımlarından ehtiyat edərək Ukraynanın NATO-ya daxil olması prosesini qəsdən ləngidib – Almaniyanın keçmiş kanslerinin hələ dərc olunmamış memuarlarının “Die Zeit” nəşrində paylaşılan hissəsindən belə məlum olur. Keçmiş kanslerin “Azadlıq: memuarlar, 1954-2021” adlı kitabı gələn həftə dərc ediləcək. Angela Merkel 16 il Almaniyaya rəhbərlik edib. O, dünyanın ən güclü və nüfuzlu liderlərindən biri hesab olunurdu. Amma son vaxtlar Merkelin siyasi irsi ilə bağlı suallar yaranıb. Çoxları hesab edir ki, Avropanın hazırkı vəziyyətinə və xüsusən də Ukraynadakı müharibəyə Merkelin Rusiyaya ilə bağlı tərəddüdlü mövqeyi səbəb olub (BBC). KİV-lərdə qeyd olunurdu ki, Merkelin xatirələri müasirlərinin və gələcək nəsillərin...

Davamını oxu

Dünya

İran zənginləşdirilmiş uran istehsalını artıracaq

22 Noyabr 2024

açıq mənbədən götürülüb

İran MAQATE-nin dünənki qətnaməsinə cavab olaraq bildirib ki, yeni nəsil sentrifuqalar quraşdırıb işə salacaq. Bu, zənginləşdirilmiş uran istehsalının əhəmiyyətli dərəcədə artırılacağı deməkdir (“Radio Svoboda”). MAQATE-nin 35 ölkədən ibarət Rəhbərlər Şurasının noyabrın 21-də qəbul etdiyi qətnamədə İrana BMT-nin atom enerjisi agentliyilə əməkdaşlığı dərinləşdirmək və yaza qədər Tehranın nüvə proqramının inkişafı ilə bağlı ətraflı hesabat təqdim etmək tapşırılır. Qətnamənin məhz bu məzmunda olmasını təklif edən Qərb dövlətləri Tehranın nüvə proqramına məhdudiyyətlərlə bağlı danışıqlara başlamaq üçün İrana təzyiq göstərməyə çalışırlar. “Reuters” xəbər verir ki, ABŞ-ın seçilmiş prezidenti Donald Trampın danışıqlara dəstək verib-verməyəcəyi sual altındadır.

Davamını oxu